1 Ngan ine nahitabo nga samtang an mga disipolo ni Jesus in naglalakaton nga iginpapasamwak adton mga nahuna-huna nga ira nahibatian ngan nakita, ngan nagbubunyag ha ngaran ni Jesus, ine nahitabo nga adton mga disipolo in nagka-urosa pagkatitirok ngan nagkausa hin makusog nga pag-ampo ngan pagpuasa.

2 Ngan hi Jesus in otro nga nagpakita ha ira, kay nag-aampo hira ngadto ha Amay ha iya ngaran; ngan hi Jesus in umabot ngan tumukdaw ha ira butnga, ngan nagsiring: Ano an iyo karuyag nga ihahatag ko ha iyo?

3 Ngan hira in nagsiring ha iya: Ginoo, karuyag namon nga hibaroan kun ano an igngangaran hine nga simbahan; tungod kay mayada mga paglantugi dida han katawhan hiunong hine nga butang.

4 Ngan an Ginoo in nagsiring ha ira: Kamatuoran, kamatuoran, nga nasiring ako ha iyo, kay ano nga an mga tawo in nagngongorotob ngan naglalantugi hiunong hine nga nahuna-huna?

5 Waray ba nira mabasa ha baraan nga mga kasuratan, nga nasiring nga kinahanglan dad-on niyo an ngaran ni Cristo, nga amo an akon ngaran? Kay amo ine nga ngaran kamo in tatawagon ha mga urhi nga adlaw;

6 Ngan hin-o man nga magdadara han akon ngaran, ngan mag-antos tubtub ha katapusan, hiya in pareho nga matatalwas ha urhi nga adlaw.

7 Sanglit, ano man nga iyo bubuhaton, buhata ine pinaagi han akon ngaran; sanglit iyo tatawagon an simbahan ha akon ngaran; ngan kamo in matawag han Amay pinaagi han akon ngaran agud iya bendisyonan an simbahan para ha akon kaupayan.

8 Ngan paonan-o ine in magigin akon simbahan labot la kun ine in tawagon ha akon ngaran? Tungod kay kun an simbahan in tawagon ha ngaran ni Moises’ adto amo an simbahan ni Moises’; o kun ito in tawagon ha ngaran hin usa nga tigurang nga lalaki adto liwat amo an simbahan hadto nga tigurang nga lalaki; kundi kun adto in tawagon ha akon ngaran adto liwat an akon simbahan, kun adto in igintindog dida han akon ebanghelyo.

9 Kamatuoran nasiring ako ha iyo, nga kamo in igintindog dida han akon ebanghelyo; sanglit iyo tatawagon, an bisan ano nga mga butang nga iyo bubuhaton ha akon ngaran; sanglit kun kamo in tumawag ha Amay, para ha simbahan, kun pinaagi ha akon ngaran an Amay in manmamati ha iyo;

10 Ngan kun ine in mahinabo nga an simbahan in igintindog dida han akon ebanghelyo, hadto la ngahaw in igpapakita han Amay an iya mga kalugaringon nga mga buruhaton dida hito.

11 Kun ito in igintindog nga dire subay han akon ebanghelyo, kundi subay han mga buruhaton han tawo, o subay han gawi han yawa, kamatuoran nasiring ako ha iyo hira in malilipay dida han ira mga binuhatan ha halipot nga panahon, ngan ha dinaginot an katapusan in maabot, ngan hira in pupudlon ngan iglalabog ngadto ha kalayo, nga diin dire na makakabalik.

12 Tungod kay an ira mga binuhatan in magsusunod ha ira, kay ine tungod han ira mga binuhatan nga hira in pagpupudlon; sanglit hinumdumi hadton mga nahuna-huna nga akon iginsumat ha iyo.

13 Kitaa iginhahatag ko ha iyo an akon ebanghelyo, nga amo ine adton ebanghelyo nga akon iginhatag ha iyo — ngan ako in kumanhi ha kalibutan agud sundon adton kaburut-on han Amay, tungod kay ako in ginsugo han Amay.

14 Ngan ako in iginpadara han Amay agud ig-alsa ako ha krus; ngan kahuman nga ako igin-alsa ngada ha krus, ngan akon madara an ngatanan nga mga tawo ngadi ha akon, nga sugad han pag-alsaha ha akon han mga tawo sugad man adton mga tawo nga kinahanglan liwat ig-alsa han Amay, agud tumukdaw ha atubangan ko, agud paghukman hadton ira mga binuhatan, kun adto in maupay o kun adto in maraot —

15 Ngan tungod hine nga hinungdan ako in gin-alsa; sanglit, subay han gahum han Amay akon madadara adton ngatanan nga tawo ngadi ha akon, agud hira paghukman subay han ira mga binuhatan.

16 Ngan ine nahitabo, nga hino man nga magbabasul ngan mabunyagan ha akon ngaran in mapupuno; ngan kun hiya in mag-antos ngada ha katapusan, kitaa, hiya in pawawarayan ko sala ha atubangan han Amay hadto nga panahon kun diin ako in matukdaw agud paghukman an kalibutan.

17 Ngan hiya nga waray pag-antos ngada ha katapusan, hiya adton pagpupudlon ngan iglalabog ngadto ha kalayo, kun diin hira in dire na makakabalik pa, tungod han hustisya han Amay.

18 Ngan amo ine adton mga mensahe nga iya iginhatag ngadto ha anak han katawhan. Ngan tungod hine hiya in nagtutuman han mga panagna nga iya iginhatag, ngan dire hiya nagbubuwa, kundi nagtutuman ngatanan han iya mga saad.

19 Ngan waray mahugaw nga butang nga makakasulod ngadto han iya ginhadian; sanglit waray makakasulod ngadto ha iya pahuwayan labot adton naghugas han ira panapton pinaagi han akon dugo, tungod han ira pagtuo, ngan pagbasul hadton ngatanan nga ira sala, ngan pagigin matinomanon ngada ha katapusan.

20 Yana amo ine an kasugoanan: Magbasul, kamo ngatanan nga aada han katubtuban han kalibutan, ngan daop ha akon ngan magpabunyag ha akon ngaran, agud kamo in magin baraan ha pagkarawat han Espiritu Santo, nga kamo in tumukdaw nga waray dukit ha akon atubangan ha urhi nga adlaw.

21 Kamatuoran, kamatuoran, nasiring Ako ha iyo, amo ine an akon ebanghelyo; ngan kamo in maaram hadton mga buruhaton nga ginbubuhat dida han akon simbahan; kay adton buruhaton nga nakita niyo nga akon ginbuhat in iyo buhaton liwat; tungod kay nakita niyo nga akon ginbuhat in iyo liwat bubuhaton;

22 Sanglit, kun iyo bubuhaton ine nga mga buruhaton bulahan kamo, tungod kay kamo in pag-aalsahon ha urhi nga adlaw.

23 Igsurat adton mga nahuna-huna nga iyo hinkit-an ngan nahibatian, labot adton igindidire.

24 Igsurat adton mga buruhaton hine nga mga tawo, nga amo an mahinanabo, bisan sugad hadton iginsurat na, ngan sugad hadton mga nahinabo na.

25 Kay kitaa, subay han mga libro nga iginsurat na, nga igsusurat pa, ine nga mga tawo in paghuhukman, kay tungod hine adton ira mga binuhatan in hibabaroan ngada ha mga tawo.

26 Ngan kitaa, an ngatanan nga hitabo in iginsurat han Amay; sanglit subay hadton mga libro nga iginsurat paghuhukman an kalibutan.

27 Ngan hibaroi niyo nga kamo in magigin hukom hine nga mga tawo, subay han mga paghukom nga akon ighahatag ha iyo, nga amo in makatadungan. Sanglit, ano nga klase hin mga tawo kamo in magigin sugad? Kamatuoran nasiring ako ha iyo, bisan sugad ha Akon.

28 Ngan yana makadto ako ha Amay. Ngan kamatuoran nga nasiring ako ha iyo, ano man nga mga nahuna-huna nga aaroon niyo ha Amay pinaagi ha akon ngaran in ighahatag ko ha iyo.

29 Sanglit, pangaro, ngan kamo makakakarawat; pagtuktok, kay kamo in aabrehan; kay hiya nga naaro, in makakakarawat; kay hiya nga nagtutuktok, in aabrehan.

30 Ngan yana, kitaa, an akon kalipay in dako, bisan ngada ha kapuno, tungod ha iyo, ngan liwat hine nga katulinan; oo, ngan bisan adton Amay in nalilipay, ngan upod adton mga anghel nga baraan, tungod ha iyo ngan hine nga katulinan; tungod kay waray ha ira mawawara.

31 Kitaa, karuyag ko nga iyo mahibaroan; tungod kay adton nahidadabihan ko amo adton hira nga yana mga buhi hine nga katulinan; ngan waray ha ira mawawara; ngan tungod ha ira ako in puno hin kalipay.

32 Kundi kitaa, nabibido ako tungod han ikaupat nga katulinan tikang hine nga katulinan, kay hira in gintugwayan ngadto ha pagkabariga sugad han anak han karat-an; kay ira ako iginbaligya tungod han salapi ngan bulawan, ngan adto nga ginbubukbuk ngan adto nga ginbubungkag han mga tikasan agud mangawat. Ngan hadto nga panahon ako in mabisita ha ira, ngada ha pagbalik ha ira mga binuhatan ngadto han ira kalugaringon nga mga ulo.

33 Ngan ine nahitabo nga kahuman ni Jesus magyakan hine nga mga pulong hiya in nagsiring ngadto han iya mga disipolo: Sumakob kamo han suok nga purtahan; tungod kay suok an purtahan, ngan haligot an dalan ngadto ha kinabuhi, ngan gutiay adton makakasulod ngadto; kundi haluag an purtahan, ngan haluag an dalan tipakadto ha kamatayon, ngan damo an magtitipakadto, ngada han pag-abot han gab-i, diin waray na tawo nga makakagtrabaho.