Scriptures
3 Nephi 19


Capitulo 19

An 12 nga mga disipolo in nagserbi ha mga tawo ngan nag-ampo para han Espiritu Santo — An mga disipolo in nabunyagan ngan nakakarawat han Espiritu Santo ngan han pag-alagad han mga anghel — Nag-ampo hi Jesus nga ginamit adton mga pulong nga dire angay igsurat — Hiya in naabuyon hadton kadako nga pagtuo han mga Nephite.

1 Ngan yana ine nahitabo nga han hi Jesus in nakasaka ha langit, an kadam-an in nagburublag, an kada tigurang nga lalaki in kunuha han iya asawa ngan han iya mga anak, ngan umoli ngadto han ira mga panimalay.

2 Ngan ine in nagsarang dayon ha mga tawo, san-o pa magsirum, nga an kadam-an in nakakita kan Jesus, ngan hiya in nagserbi ha ira, ngan ha kinabuwasan hiya in nagpakita na liwat ngadto han mga hugpo.

3 Oo, ngan bisan ha bug-os nga mag-aga nagsarang an hiunong kan Jesus; ngan sanglit hira in nagsugo han mga tawo nga kadam-an; oo, duro hin kadamo, nga nagbuhat hin duro ha bug-os nga mag-aga, agud hira in mahingada kinabuwasan han lugar nga diin hi Jesus in magpapakita han iya kalugaringon ngadto ha kadaman.

4 Ngan ine nahitabo nga han kinabuwasan, han nagkakatitirok adton kadam-an nga mga tawo, kamatuoran, hi Nephi ngan han iya bugto nga diin iya ginpabuhat tikang han kamatayon, nga an ngaran amo hi Timoteo, ngan an iya anak, nga hi Jonas, ngan hi Mathoni, ngan hi Mathoninah, an iya bugto nga lalaki, ngan hi Kumen, ngan hi Kumenonhi, ngan Jeremias, ngan Shemnon, ngan Jonas, ngan Sedekia, ngan Isaias — ngan yana amo ine hira an mga ngaran han mga disipolo nga diin ginpili ni Jesus — ngan nahitabo nga hira in pumakadto ngan tumukdaw ha butnga han kadam-an.

5 Ngan kamatuoran, an mga hugpo in duro hin kadamo, ngan ira ginhimo nga paglain-lain ngadto ha 12 ka grupo.

6 Ngan an 12 in nagtutdo han kadam-an; ngan kamatuoran, ira ginhimo nga an mga tawo in angay lumuhod ha bawbaw han tuna, ngan angay mag-ampo ha Amay ha ngaran ni Jesus.

7 Ngan an mga disipolo in nag-ampo han Amay ha ngaran ni Jesus. Ngan nahitabo nga hira in tumukdaw ngan nagserbi ngadto han mga tawo.

8 Ngan hira in nagserbi hadton pareho nga mga tugon nga iginyakan ni Jesus — nga waray pagkaiba tikang han tugon ni Jesus — kamatuoran, hira liwat in lumuhod ngan nag-ampo ha Amay ha ngaran ni Jesus.

9 Ngan nag-ampo hira hadton ira duro nga gin-uungara; ngan ira gin-uungara nga an Espiritu Santo in ighatag ngadto ha ira.

10 Ngan han hira in mag-ampo hin sugad pumakadto hira han ligid han tubig, ngan an kadam-an in sumunod ha ira.

11 Ngan ine nahitabo nga hi Nephi in lumusad ha tubig ngan ginbunyagan.

12 Ngan hiya in humaw-as ha tubig ngan nagtikang hin pagbunyag. Ngan iya ginbunyagan adton mga ginpili ni Jesus.

13 Ngan ine nahitabo nga han hira in ngatanan mabunyagan nga makahaw-as ha tubig, an Espiritu Santo in lumusad ngada ha ira, ngan hira in napuno han Espiritu Santo ngan kalayo.

14 Ngan dagmit, hira in napalibotan hin baga hin kalayo; ngan ine in lumusad tikang ha langit, ngan adton kadam-an in nakakita hine, ngan hira in nagpamatuod; ngan an mga anghel in lumusad tikang ha langit ngan nagserbi ha ira.

15 Ngan ine nahitabo nga samtang an mga anghel in nagseserbi hadton mga disipolo, dagmit, umabot hi Jesus ngan tumukdaw ha butnga ngan nagserbi ha ira.

16 Ngan ine nahitabo nga hiya in nagyakan ngadto han kadam-an, ngan nagsugo ha ira nga kinahanglan hira in lumuhod liwat dida ha tuna, ngan an iya mga disipolo in lumuhod liwat dida ha tuna.

17 Ngan ine nahitabo nga ngatanan in nanluhod ha tuna, iya ginsugo adton mga disipolo nga hira in mag-ampo.

18 Ngan kamatuoran, hira in nagtikang pag-ampo; ngan hira in nag-ampo ngadto kan Jesus, gintawag hiya nga ira Ginoo ngan ira Diyos.

19 Ngan ine nahitabo nga hi Jesus in umiwas ha butnga nira, ngan humarayo hin gutiay tikang ha ira nga iginduko an iya kalugaringon ha tuna, ngan nagsiring:

20 Amay, ko nagpapasalamat ako ha imo nga imo iginhatag adton Espiritu Santo hine nga akon mga pinili; ngan ine in tungod han ira pagtuo ha akon salit ginpili ko hira dida ha kalibutan.

21 Amay, nag-aampo ako ha imo nga imo ighatag adton Espiritu Santo han ngatanan nga matuo han ira mga tugon.

22 Amay, iginhatag mo an Espiritu Santo tungod kay natuo hira ha akon; ngan imo nakita nga hira in natuod ha akon tungod kay ikaw in nakabati ha ira, ngan hira in nag-ampo ha akon; ngan hira in nag-aampo ha akon tungod kay ako in kaupod nira.

23 Ngan yana Amay, nag-aampo ako ha imo para ha ira, ngan hadton mga matuod han ira mga tugon, nga hira in tumuod ha akon, nga ako mapahaira, sugad ha imo, Amay, nga aada ha akon, ngan hi kita in magkausa.

24 Ngan ine nahitabo nga hi Jesus in makag-ampo hin sugad ha Amay, hiya in humarani han iya mga disipolo, ngan kamatuoran, hira in nagpadayon, hin waray pag-ukoy, ha pag-ampo ngada ha iya; ngan waray magpadamo hin mga pulong, kay iginhatag ha ira an angay nira ig-ampo, ngan hira in puno hin ungara.

25 Ngan ine nahitabo nga hira in ginbendisyonan ni Jesus samtang nga hira in nag-aampo ha iya; ngan an iya nawong in pumahiyom ha ira, ngan an kalamrag nga natikang ha iya nawong in sumirang ha ira, ngan kaorusahon, hira in nagin sugad kabusag ha iya nawong ngan han panapton ni Jesus; ngan kamatuoran an kabusag hadto in labaw pa hin kamabusag han ngatanan nga magbusag, sugad man, bisan ngani waray makakasugad ha bawbaw han tuna hadto hin kabusag.

26 Ngan yana hi Jesus nagsiring ha ira: Pag-ampo; sugad man waray hira omukoy hin pagampo.

27 Ngan tumalikod ngahaw hiya ha ira, ngan humirayo hin gutiay ngan lumuhod hiya ha tuna; ngan nag-ampo ngahaw ha Amay, nga nasiring:

28 Amay, nagpapasalamat ako ha imo nga imo ginpakabaraan adton akon mga ginpili, tungod han ira pagtuo, ngan ako in nag-aampo para ha ira, ngan hadton mga matuod han ira mga tugon, nga hira magin baraan ha akon, pinaagi ha pagtuo han ira mga tugon, bisan nga ginpakabaraan ko hira.

29 Amay, ako in nag-aampo dire para ha kalibutan, kundi hadton mga iginhatag mo ha akon nga aada ha gawas han kalibutan, tungod han ira pagtuo, ngan hira in magin baraan ha akon, nga ako in maaada ha ira sugad ha imo, Amay, nga aada ha akon, agud kita in magkausa, nga ako in paghimayaon ha ira.

30 Ngan han hi Jesus in nagyakan hine nga mga tugon humarani hiya pag-otro ha iya mga disipolo; kamatuoran hira in nag-ampo hin tim-os, ngan waray paghunong, ngadto ha iya; ngan hiya in napahiyom ha ira hin otro; ngan kamatuoran hira in nagin mabusag, sugad kan Jesus.

31 Ngan ine nahitabo nga hiya in humirayo na liwat ha ira hin gutiay ngan nag-ampo ha Amay;

32 Ngan dire poydi nga luwason adton mga tugon nga iya gingamit han iya pag-ampo, bisan ngani igsurat hin katawhan adton mga tugon nga iya iginluwas.

33 Ngan an mga hugpo in nakabati ngan nagpamatuod; ngan an ira mga abilidad in abrengan ira nahisabotan ha ira mga abilidad adton mga tugon nga iya igin-ampo.

34 Bisan pa man, duro hin kadarayawon ngan urusahon adton mga tugon nga iya ginpangadi samtang nga hiya in nag-aampo nga ine dire kaangayan igsurat, ngan bisan ngani igluwas hin katawhan.

35 Ngan ine nahitabo han kahuman ni Jesus mag-ampo hiya in pumakadto ha iya mga disipolo, ngan nagsiring ha ira: Kadako hin pagtuo nga bisan san-o waray ko pa kakita ha mga Judiyo; sanglit waray ko maipakita ha ira an sugad hin kadarayawon nga mga milagro, tungod han ira kawaray pagtuo.

36 Kamatuoran nga nasiring ako ha iyo, waray usa man ha ira an nakakita hin sugad nga kadarayawon nga mga bisyon nga iyo nakita; bisan ngani an pakabati han darayawon nga mga bisyon nga iyo nabati.