1 Ngan yana ine nahitabo nga may dako nga hugpo in nagkaurosa, nga mga tawo han Nephi, ha palibot han templo nga aada ha katunaan han Kahuraan; nga hira in nakalasan ngan nahipausa ha tagsa-tagsa, ngan igintutdo ha tagsa-tagsa an urusahon nga pagbag-o nga nahitabo.

2 Ngan hira liwat in nageroestorya hiunong kan Jesucristo, nga kun kan kanay an tigaman ginhatag hiunong han iya kamatayon.

3 Ngan ine nahitabo nga samtang hira in naghihimangraw ha tagsa-tagsa, hira in nakabati hin tingog nga baga hin natikang ha langit; ngan ira iginsiplat an ira mga mata ha palibot, kay waray nira mahisaboti an tingog nga ira nahibatian; ngan adto in dire garhob nga tingog, o dire man makusog nga tingog; sugad man ha luyo hadto, bisan kun gutiay nga tingog adto in nakapatahos ngadto han nanmamati tubtub ha ira kabutnga-an, sanglit waray parte han ira lawas nga dire nabantad; oo, ngan adto in natahos ha ira kalag, ngan nanmaso an ira mga pagabat.

4 Ngan ine nahitabo nga nabatian nira ngahaw an tingog, ngan waray nira ine mahisabti.

5 Ngan liwat ha ikatulo ka higayon nabati nira an tingog, ngan naabrehan an ira mga talinga agud mabatian ine; ngan an ira mga mata in nakatutuk han gintikangan hadto nga tingog; ngan hira in mahugot nga nagkinita ha langit, nga ha diin nagtikang an tunog.

6 Ngan dagmit, ha ikatulo nga higayon nahisabotan nira an tingog nga ira nabati; nga nagsiring ha ira:

7 Kitaa an akon Hinigugma nga Anak, nga akon hin duro ikinalilipay, ngan ha iya ginhimaya an akon ngaran — pamatii niyo hiya.

8 Ngan ine nahitabo, nga han ira mahisabotan ira iginsiplat ngahaw an ira mga mata ha langit; ngan dagmit, nakita nira an usa nga tigurang nga Lalaki nga linmusad tikang ha langit; ngan hiya in nakasul-ot hin usa nga busag nga bado; ngan hiya in tumukdaw ha butnga nira; ngan an mga mata han bug-os nga kadam-an in nakatutuk ha iya, nga waray hira pakakabuka han ira mga baba, bisan an kada usa, ngan waray hibaroi an kahulugan hine, kay kasiring nira nga in usa nga anghel an nagpakita ha ira.

9 Ngan ine nahitabo nga iya gin-unat an iya kamot ngan nagyakan ha mga tawo, hin pagkasiring:

10 Pamati, ako hi Jesucristo, nga ginpamatud-an han mga propeta nga maabot ha kalibutan.

11 Ngan kamatuoran, ako an lamrag ngan an kinabuhi ha kalibutan; ngan ako in uminom han mapait nga apdo nga iginhatag han Amay ha akon, ngan ginhimaya an Amay ha pagkuha ko han mga sala han kalibutan, nga diin akon gin-antos an kaburut-on han Amay ha ngatanan nga butang tikang ha tinikangan.

12 Ngan ine nahitabo nga han pakasiring ni Jesus hine nga mga tugon an ngatanan nga hugpo in nanluhod dida ha tuna; kay ira nahinumduman nga ine ginpanagna ha butnga nira nga hi Cristo in magpapakita ha ira pagkatapos nga hiya in sumaka ha langit.

13 Ngan ine nahitabo nga an Ginoo in nagyakan ngadto ha ira nga nagsisiring:

14 Tukdaw kamo ngan daop ha akon, agud iyo maibutang an iyo mga kamot ha akon tagiliran, ngan agud iyo liwat maabat an agi han raysang ha akon mga kamot ngan tiil, ngan agud iyo mahibaroan nga ako an Diyos han Israel, ngan an Diyos han bug-os nga kalibutan, nga ginpatay para han mga sala han kalibutan.

15 Ngan ine nahitabo nga an mga hugpo in dumaop, ngan ira iginbutang an ira mga kamot ha iya tagiliran, ngan gin-abat an agi han raysang ha iya mga kamot ngan tiil; ngan ine in ira ginbuhat, an kada usa ngada han ngatanan in nahuman, ngan nakita ha ira mga mata nga inabat han ira mga kamot, ngan nahibaroan nga may kapihoan ngan nagpapamatuod, nga hiya gud man, nga amo an iginsurat han mga propeta, nga maabot.

16 Ngan han hira ngatanan in nakahuman ngan ginpamatuoran han ira mga kalugaringon, hira in nanginyupo nga may uusa nga tingog, nga nagsisiring:

17 Hosana! Dayawon an ngaran han Diyos ha Kahitas-an! Ngan hira in nanluhod ha tiilan ni Jesus, ngan gin-ampoan hiya.

18 Ngan ine nahitabo nga hiya in nagyakan kan Nephi (kay hi Nephi in nakada man han dako nga mga hugpo) ngan iya hiya ginsugo nga dumaop.

19 Ngan hi Nephi in tumukdaw ngan dumaop, ngan iginduko an iya kalugaringon ha atubangan han Ginoo ngan ginharokan an iya mga tiil.

20 Ngan an Ginoo in nagsugo nga hiya in tumukdaw. Ngan hiya in tumukdaw ngan tumindog ha atubangan niya.

21 Ngan an Ginoo in nagsiring ha iya: Iginhahatag ko ha imo an gahum nga bunyagan mo ine nga mga tawo kun ako in sumaka na liwat ha langit.

22 Ngan liwat an Ginoo in nagtawag han iba pa, ngan ginyakan an sugad hine liwat; ngan gintagan liwat hira hin gahum pagbunyag. Ngan hiya in nagsiring ha ira: Ngan ha sugad hine kamo in magbubunyag; ngan waray maglalantugi ha butnga niyo.

23 Kamatuoran nasiring ako ngadto ha iyo, nga hin-o man nga nagbabasul han iya mga sala pinaagi han iyo mga mensahe, ngan karuyag nga mabunyagan ha akon ngaran, ha hine nga paagi in bubunyagan niyo hira — Pamati, kamo in malusad ngan matukdaw ha tubig, ngan ha akon ngaran bubunyagan niyo hira.

24 Ngan yana kamatuoran, ine an mga tugon nga iyo igyayakan, luluwason an ira ngaran, ngan masiring:

25 Subay han gahum nga iginhatag ha akon ni Jesucristo, ginbubunyagan ko ikaw ha ngaran han Amay, ngan han Anak, ngan han Espiritu Santo. Amen.

26 Ngan pagkahuman hine hiya in ilulubong ha tubig, ngan ihahaw-as ngahaw ha tubig.

27 Ngan ha sugad hine nga paagi kamo in magbubunyag ha akon ngaran; kay kamatuoran, tinuod nga iginsisiring ko ha iyo, nga an Amay, ngan an Anak, ngan an Espiritu Santo in uusa la; ngan ako in aada ha Amay, ngan an Amay in aada ha akon, ngan an Amay ngan ako in uusa la.

28 Ngan subay ha iginsugo ko ha iyo ha sugad kamo in magbubunyag. Ngan dire angay nga magkamayada hin paglantugi ha butnga niyo, sugad hadto; ngan bisan an paglantugi mahitungod han mga puntos han akon doktrina, sugad hadto.

29 Kay kamatuoran, kamatuoran nga nasiring ako ha iyo, nga hiya nga may espiritu hin paglantugi in dire tikang ha akon, kundi kanan yawa, nga amay han paglalantugi, ngan iya ginaaghat an mga kasingkasing han tawo agud makiglantugi nga may kasina, ha tagsa-tagsa.

30 Kamatuoran, dire ine amo it akon doktrina, nga aghaton an mga kasingkasing han tawo, usa kontra han usa; kundi an akon doktrina, nga sugad hine nga mga nahuna-huna in malikayan.

31 Pamati, kamatuoran, kamatuoran, nga nasiring ako ngadto ha iyo, igpapasamwak ko ha iyo an akon doktrina.

32 Ngan amo ine an akon doktrina, ngan an doktrina nga iginhatag ha akon han Amay; ngan ako an nagpapamatuod han Amay, ngan an Amay in nagpapamatuod ha akon, ngan an Espiritu Santo in nagpapamatuod han Amay ngan ako; ngan ako in nagpapamatuod ngan an Amay in nagsugo ha ngatanan nga tawo, bisan diin, nga magbasul ngan tumuod ha akon.

33 Ngan hin-o man nga tumuod ha akon, ngan mabunyagan, hiya in matatalwas; ngan hira adto in makakapanunod han ginhadian han Diyos.

34 Ngan hin-o man nga dire natuod ha akon, ngan dire mabunyagan, in maghihingaraot.

35 Kamatuoran, kamatuoran, nasiring ako ngadto ha iyo, ine an akon doktrina, ngan ako in nagpapamatuod hito tikang han Amay; ngan hin-o man nga natuod ha akon in natuod liwat han Amay; ngan ngadto ha iya an Amay magpapamatuod ha akon, kay hiya akon bibisitahon nga may kalayo ngan Espiritu Santo.

36 Ngan ha sugad an Amay in magpapamatuod ha akon, ngan an Espiritu Santo in magpapamatuod ha iya hiunong han Amay ngan ako; kay an Amay, ngan Ako, ngan an Espiritu Santo in uusa la.

37 Ngan liwat nasiring ako ha iyo, kinahanglan kamo magbasul, ngan magin sugad han gutiay nga bata, ngan magpabunyag han akon ngaran, o dire hiya makakarawat hine nga mga butang.

38 Ngan liwat nasiring ako ha iyo, kamo in kaangayan magbasul, ngan magpabunyag ha akon ngaran, ngan magin sugad han gutiay nga bata, o kun dire kamo in dire makakapanunod han ginhadian han Diyos.

39 Kamatuoran, kamatuoran, nasiring ako ha iyo, nga ine an akon doktrina, nga hin-o man nga magtitindog ha bawbaw hine in nagtitindog ha bawbaw han akon bato, ngan an mga purtahan han impiyerno in dire makakalupig ha ira.

40 Ngan hin-o man nga magpapahayag hin sobra o kulang hine, ngan igtukod ine nga akon doktrina, ha iya magtitikang an maraot, ngan dire igintukod ha bawbaw han akon madig-on nga pundasyon; kundi hiya nagtutukod ha pundasyon nga baras, ngan an purtahan han impiyerno in matukdaw nga abri ha pagkarawat han baha ngan paglapdosan han hangin.

41 Sanglit, pakadto hine nga mga tawo, ngan ipasamwak adton mga tugon nga akon ginyakan, ngadto ha katutubtuban han kalibutan.