1 Ngan yana ine nahitabo nga an ika 91 katuig an nakalabay ngan ine ika 600 katuig tikang hadto nga panahon han paggawas ni Lehi ha Jerusalem; ngan ine in tuig ni Lakaneus an puno nga hukom ngan gobernador han katunaan.

2 Ngan hi Nephi, an anak ni Helaman, an lumakat ha katunaan han Zarahemla, ngan nagtugon ngadto han iya anak nga hi Nephi, nga iya pinakamagurang nga anak nga lalaki, hiunong han mga lamina nga tumbaga, nga ngatanan nga mga sinurat nga gintitipigan, ngan ngatanan hadton ngatanan nga waray kinabuhi nga butang nga sagrado nga gintitipigan tikang han pagbaya ni Lehi ha Jerusalem.

3 Pagkahuman bumaya hiya ha katunaan, ngan kun nasingain hiya, waray tawo nga maaram; ngan an iya anak nga hi Nephi in nagtipig han mga sinurat saliwan ha iya, ngan liwat, an sinurat hine nga mga tawo.

4 Ngan ine nahitabo nga han pagtikang han ika 92 katuig, kamatuoran, an mga panagna han mga propeta in nagtikang na hin katuman hin hingpit; kay nagtikang na pagkamayada him urusahon nga mga tigaman ngan darayawon nga mga milagro nga ginbuhat ha butnga han katawhan.

5 Kundi mayada iba nga nagtikang hin pagsiring nga an takna in nakalabay na agud an mga panagna in matuman, nga iginyakan ni Samuel, nga Lamanite.

6 Ngan hira in nagtikang hin pagkalipay tungod han ira mga kabugtoan, nga nagsisiring: Pamati an takna in naglabay na, ngan an mga panagna ni Samuel in waray katuman; sanglit, an iyo kalipayan ngan an iyo pagtuo hiunong hine nga nahuna-huna in nawaray kapulsanan.

7 Ngan ine nahitabo nga hira in naghimo hin dako nga kaaringasa ha bug-os nga katunaan; ngan an mga tawo nga natuo in nagtikang hin duro nga pagkasubo, ngan bangin ha ano man nga paagi adto nga mga hitabo nga iginyakan in dire matuman.

8 Kundi kamatuoran, hira in mahugot nga nagbantay hadto nga oras ngan hadto nga gab-i nga ha adlaw nga angay magin usa nga adlaw nga baga hin waray gab-i, agud ira mahibaroan nga an ira pagtuo in waray kakawang.

9 Ngan yana ine nahitabo nga mayada usa ka adlaw nga iginlain hadton mga waray pagtuo, nga an ngatanan nga mga natuod han sugad nga pamatasan in naangay nga patayon labot la kun an tigaman in matuman, nga iginhatag ni Samuel an propeta.

10 Ngan yana ine nahitabo nga han makita ni Nephi, nga anak ni Nephi, an sugad nga karaotan han iya mga tawo, an iya kaburut-on in duro hin kasubo.

11 Ngan ine nahitabo nga hiya in gumawas ngan ginduko an iya kalugaringon ha tuna, nga nakimaluoy hin duro kakusog han iya Diyos ha kaupayan han iya mga tawo, ngan liwat, adton naangay maghingaraot tungod han ira pagtuo ngan han pamatasan han ira mga kaapoy-apoyan.

12 Ngan ine nahitabo nga hiya in nakimaluoy hin duro kamakusog ha Ginoo ha bug-os nga oras; ngan dagmit, an tingog han Ginoo in umabot ha iya, nga nagsisiring:

13 Ihangad mo an imo ulo ngan paglipay; kay kamatuoran, an oras in harani na, ngan hine nga gab-i an tigaman in ighahatag, ngan kinabuwasan maabot ako ha kalibutan, agud ipakita ha kalibutan nga tutumanon ko an ngatanan nga akon iginpahimo nga ginyakan pinaagi han mga baba han akon mga baraan nga mga propeta.

14 Kamatuoran, ako in mapasinganhi ha kalugaringon nga pagburut-an, agud tumanon an ngatanan nga nahuna-huna nga akon iginpasabot ngadto han anak han katawhan tikang pa han pagkahimo han kalibutan, ngan agud buhaton an kaburut-on, han Amay ngan Anak — han Amay tungod ha akon, ngan ha Anak tungod ha akon unod. Ngan kamatuoran, an oras in harani na, ngan hine nga gab-i an tigaman in ighahatag.

15 Ngan ine nahitabo nga an mga saad nga umabot kan Nephi in natuman, subay hadton mga iginyakan; kay dagmit, ha pagkatunod han adlaw dire magkakamayada hin kasirum; ngan an mga tawo in nagtikang hin paghi-pausa tungod kay waray magkaada hin kasirum han pag-abot han kagab-ihon.

16 Ngan mayada mga kadam-an, nga waray tumuod han mga tugon han mga propeta, an natumba ha tuna baga hin nasugad nga mga patay, kay maaram hira nga an dako nga plano han pagkabungkag nga ira igin-andam kontra hadton mga natuod han mga tugon han mga propeta in nakawang; kay an mga tigaman nga iginhatag in inabot na.

17 Ngan nagtikang hira pakahibaro nga an Anak han Diyos in magpapakita ha dire na maiha; oo, ngan ha katapusan, ngatanan nga mga tawo ha bawbaw han tuna tikang ha katundan ngadto ha sinirangan, bisan ha katunaan han amihan ngan timog, in duro hin paghipausa nga hira in natumba ha tuna.

18 Kay maaram hira nga an mga propeta in nagpamatuod hine nga mga hitabo ha damo nga mga katuigan, ngan an tigaman nga iginhatag in inabot na; ngan hira in nagtikang hin pagkahadlok tungod han ira karaotan ngan han ira kawaray pagtuo.

19 Ngan ine nahitabo nga waray magkaada hin kasirum hadto nga bug-os nga gab-i, kundi adto in sugad hin kalamrag han udto nga adlaw. Ngan ine nahitabo nga an kaurudtohon in sinmirang ngahaw pagkaaga, subay ha eksakto nga kamutangan hine; ngan nahibaroan nira nga amo ine an adlaw nga an Ginoo in angay igpakatawo, tungod han mga tigaman nga iginhatag.

20 Ngan ine nahitabo, ngan liwat, ngatanan nga hitabo, kada bagis, subay han mga tugon han mga propeta.

21 Ngan ine nahitabo liwat, nga usa nga bag-o nga bitoon in nagpakita, subay han mga panagna.

22 Ngan ine nahitabo nga tikang hine nga takna nagtikang hin pagkamayada pagbinuwa nga iginpadara ha kadam-an nga mga tawo, ni Satanas, agud patig-ahon an ira mga kasingkasing, ha panuyo nga dire hira tumuod han mga tigaman ngan urusahon nga ira nahikit-an; kundi ha luyo han ira pagbinuwa ngan mga panlimbong daro-damo nga bahin han mga tawo in tumuod, ngan bumalik ha Ginoo.

23 Ngan ine nahitabo nga nasingadto han kadam-an nga tawo hi Nephi, nga sugad man an damo nga iba pa, ginbunyagan an mga nagbasul, nga ha diin nagkamayada hin dako nga pagpasaylo han mga sala. Ngan ha sugad an mga tawo in nagtikang liwat hin kamurayawan ha katunaan.

24 Ngan waray magkaada hin paglantugi, labot han iba nga nagtikang hin pagwali, nga nagtalingoha nga pamatud-an pinaagi ha baraan nga mga kasuratan nga dire na kinahanglan pa nga sundon adton mga balaod ni Moises. Ngan yana hine nga hitabo hira in nagsasayop, kay waray nira mahisaboti an mga baraan nga kasuratan.

25 Kundi ine nahitabo nga waray kaiha nga hira in nakombertir, ngan hira in nahibaro han ira mga kasaypanan, kay iginpahibaro ha ira nga an balaod in waray pa katuman, ngan ine in angay matuman tubtub ha kada kudlit; oo, ngan an tugon in umabot ha ira nga ine in angay matuman; oo, ngan an usa nga tulbok o bagis in dire angay lumabay ngada nga ine ngatanan in matuman; sanglit hine nga tuig hira in nadadara ha paghibaro han ira kasaypanan ngan gintangdoan an ira mga pagsayop.

26 Ngan ha sugad an ika 92 katuig in nakalabay, nga nagdadara hin maupay nga mga sumat ngadto ha mga tawo mahitungod han mga tigaman nga nahitabo na, subay han mga tugon nga mga panagna han ngatanan nga mga baraan nga mga propeta.

27 Ngan ine nahitabo nga an ika 93 katuig an nakalabay hin mahimyang, labot la hadton mga tulisan nga Gadianton, nga naguukoy ha mga kabukiran, ngan namumugad ha katunaan; kay madig-on an ira kuta ngan an ira mga sekreto nga lugar sanglit, an mga tawo in waray makalupig ha ira; sanglit hira in nagbuhat hin damo nga pagpatay, ngan damo nga pamatay ha butnga han mga tawo.

28 Ngan ine nahitabo nga dida han ika 94 katuig hira in nagtikang pagdamo hin dako nga umento; tungod kay damo an mga natipa nga mga Nephite nga tumampo ha ira, nga naghatag hin dako nga kabidoan han mga Nephite nga nagpabilin dida han katunaan.

29 Ngan mayada liwat tungod han ka duro han kabidoan han mga Lamanite; kay kamatuoran, damo it ira mga anak nga nagdagko ngan nagtikang hin magin makusog ha katuigan, ngan hira in nasugad han ira kalugaringon, ngan nadara pahirayo han iba nga mga Zoramite, pinaagi han ira pagbinuwa ngan ira pasobra nga mga tugon, nga umapi hadton mga tulisan nga Gadianton.

30 Ngan ha sugad nga an mga Lamanite in ginkurian liwat, ngan nagtikang pagtikaubos an ira pagtuo ngan kamatadong, tungod han karaotan han mga nagtutubo nga katulinan.