1 Jo’kan ajwi’, li raatin li Qaawa’ kixye we: Chap jun li nimla b’otb’ookil hu, ut tattz’iib’aq chi sa’ rik’in xtz’iib’leb’ li winq, chirix laj ^aMaher-salal-Jas-Bas.

2 Ut kinb’oqeb’ chaq laj ^ayehol nawom tiikeb’ re xtz’iib’ankil resil, laj Urias, aj tij, ut laj Sakarias, ralal laj Jeberekias.

3 Ut kin’ok rik’in li ^aprofeet ixq, ut a’an kisihaak chaq rik’in, ut kiyo’la jun lix yum. Toja’ naq kixye li Qaawa’ we: Taak’e choq’ xk’ab’a’, Maher-Salal-Jas-Bas.

4 Xb’aan naq k’e reetal, li ^ach’ina al toj ^bmaak’a’aq xna’leb’ re tixye, At inyuwa’, ut at inna’, naq akaq isinb’ilaq chaq lix b’ihomal Damasko ut ^cli maq’b’il chiru Samaria sa’ rilob’aal li rey aj Asiria.

5 Kinraatina wi’chik ajwi’ li Qaawa’, ut kixye:

6 Rik’in naq li tenamit a’in neke’xtz’eqtaana lix ha’il ^aSiloe, li timil roq, ut neke’saho’ b’an sa’ xch’ool rik’in laj ^bRasin ut li ralal laj Romelias;

7 Anajwan ut k’ehomaq reetal, li Qaawa’ naxk’am ^asa’ xb’eeneb’ lix ha’il li nima’, kawaq roq ut naab’al, a’anaq li rey aj Asiria ut chixjunil lix loq’al, ut a’an tixb’ut’ chixjunil lix roq ha’, ut taanume’q sa’ xb’een chixjunil lix maril.

8 Ut a’an ^ataanume’q chiru Juda, taab’ut’inq ut taanume’q sa’ xb’een, taawulaq toj sa’ xkux, ut rik’in xchirib’ankil lix xik’ tixnujob’resi x’anchalil laa ch’och’, at ^bEmmanuel.

9 ^aMolk’ahomaq eerib’, ex tenamit, ut texjoriiq; ut k’ehomaq eexik, chejunilex aj najtil tenamit, tiqib’omaq eerib’, ut texjoriiq chaq; tiqib’omaq eerib’, ut texjoriiq chaq.

10 K’uub’ahomaq eena’leb’ sa’ komonil, ut maak’a’ taa’ok wi’; yehomaq li aatin, ut moko taakanaaq ta chi xaqxo; ^axb’aan naq li Dios wan qik’in.

11 Xb’aan naq li Qaawa’ kinraatina chi jo’kan rik’in kawil uq’ej, ut kinixtzol re naq ink’a’ tinb’eeq sa’ xb’ehil li tenamit a’in, ut kixye:

12 Meeye, Li ^amolam chi tenamit, reheb’ chixjunil li yeeb’ileb’ re xb’aan li tenamit a’in, Li molam chi tenamit; moko chexuwa ta li neke’xxuwa a’an, chi moko chiwanq ta eexiw.

13 Chesantob’resi tz’aqal li Qaawa’ reheb’ li Teepal, ut ^achiwanq a’an choq’ eexiw, ut xuwanb’ilaq a’an eeb’aan.

14 Ut a’an taawanq choq’ ^asantil muheb’aal; a’b’an choq’ ^btichk’ob’aal pek, ut choq’ pek re rahob’tesink choq’ reheb’ xkab’ichal lix junkab’al laj Israel, choq’ ra’al ut chapleb’ chiru li wankeb’ chaq Jerusalen.

15 Ut naab’al sa’ xyanqeb’ ^ate’tichk’oq ut te’t’ane’q, ut te’toqe’q, ut te’ra’leeq, ut te’k’ame’q.

16 B’ak’omaq chaq li yaal ch’olob’anb’il, tz’apomaq chaq li ^achaq’rab’ sa’ xyanqeb’ lin tzolom.

17 Ut laa’in tinwoyb’eni li Qaawa’, li ^anamuquk re li rilob’aal chiru lix junkab’al laj Jakob, ut laa’in tinsik’ a’an.

18 K’ehomaq reetal, laa’in wochb’een eb’ li walal ink’ajol kixk’e we li Qaawa’, wanko choq’ ^aeetalil ut choq’ sachb’a-ch’oolej sa’ Israel, k’eeb’il xb’aan li Qaawa’ reheb’ li Teepal, li wan rochoch sa’ li tzuul Sion.

19 Ut naq te’xye eere: Sik’omaqeb’ chaq li neke’wan ^axmuheleb’ li kamenaq rik’ineb’, ut eb’ laj ^beek’ li neke’hashot ut neke’choqoqnak chi aatinak—^cma ink’a’ ta tento raj jun li tenamit te’xsik’ lix Dios re naq eb’ li yo’yo te’rab’i ^draatineb’ li kamenaq?

20 Chi’ilmanq li chaq’rab’ ut li yaal ch’olob’anb’il; ut wi ^aink’a’ neke’aatinak jo’ chanru li aatin a’in, a’an sa’ xk’ab’a’ naq maak’a’ li saqen rik’ineb’.

21 Ut ^ate’nume’q chiru chi rahob’tesinb’ileb’ ut tz’okajenaqeb’; ut naq te’tz’okaaq, taak’ulmanq naq te’chalq xk’a’uxl, ut te’xmajewa lix Rey ut lix Dios, ut te’iloq taqe’q.

22 Ut te’iloq sa’ li ch’och’ ut te’xk’e reetal li ch’a’ajkilal, ut li q’ojyin, ut raak’ab’il li yot’e’k, ut te’alinasiiq sa’ li q’ojyin.