1 Ut kik’ulman sa’ xkutankil laj Ajas ralal laj Jotam, ralal laj Osias, li rey sa’ xb’een Juda, naq laj Rasin, li rey sa’ xb’een Siria, ut laj Pekaj ralal laj Romelias, li rey sa’ xb’een Israel, ke’taqe’ sa’ xjayal Jerusalen re xpleetinkil, a’b’anan ink’a’ ke’ru chi numtaak sa’ xb’een.

2 Ut kiyeeman re lix junkab’al laj David, ke’xye: Siria xk’uub’ xna’leb’ rik’in ^aEfrain. Ut ki’eek’an xch’ool, ut xch’ooleb’ lix tenamit, jo’ chanru neke’eek’an lix toonaleb’ li che’ sa’ k’iche’ xb’aan iq’.

3 Toja’ naq kixye li Qaawa’ re laj Isaias: Ayu anajwan chixk’ulb’al laj Ajas, laa’at aawochb’een laj ^aSehar-Yasub laa walal, sa’ ru’uj li b’e ha’ sa’ li taqenaqil k’uuleb’aal ha’, sa’ li nim b’e sa’ xch’och’ laj puch’unel;

4 Ut ye re: Taawil aawib’, ut ch’anch’ooqat; ^amatxuwak, chi moko chilajq aach’ool xb’aan xkab’ichal lix ye’ li ru xam a’in neke’el xsib’el, xb’aan xnimal lix josq’il laj Rasin rik’in Siria, ut li ralal laj Romelias.

5 Xb’aan naq Siria, Efrain, ut li ralal laj Romelias ke’xk’uub’ xna’leb’ chasachb’al, ut ke’xye:

6 Chootaqe’q chixpleetinkil Juda ut chiqarahob’tesi, ut ^achiqate junaq na’ajej aran choq’ qe, ut chiqaxaqab’ jun li rey sa’ xyi, relik chi yaal, li ralal laj Tabeal.

7 Jo’ka’in naxye li Qaawa’ Dios: Moko taaxaqab’aaq ta a’an, chi moko taak’ulmanq.

8 Xb’aan naq lix jolomil Siria a’an Damasko, ut lix jolomil Damasko, laj Rasin; ut moko taanume’q ta oxk’aal rik’in oob’ chihab’ naq taaq’ete’q Efrain, jo’kan naq moko taawanq ta chik choq’ tenamit.

9 Ut lix jolomil Efrain a’an Samaria, ut lix jolomil Samaria a’an li ralal laj Romelias. Wi ^aink’a’ nekexpaab’an, ch’olch’o naq ink’a’ texxaqab’aaq.

10 Ut jo’kan ajwi’, li Qaawa’ kiraatina wi’chik laj Ajas, ut kixye:

11 Patz’ jun li ^aeetalil re li Qaawa’ laa Dios; patz’ sa’ li chamal taq’a, malaj chi taqe’q sa’ aab’een.

12 A’ut laj Ajas kixye: moko tinpatz’oq ta, chi moko ^atinyal rix li Qaawa’.

13 Ut a’an kixye: Ab’ihomaq anajwan, ex xjunkab’al laj David; ma ka’ch’in ajwi’ cheru xtitz’ob’resinkileb’ li winq, naq teetitz’ob’resi ajwi’ lin Dios?

14 Jo’kan ut, li Qaawa’ ajwi’ tixk’e eere jun eetalil—K’ehomaq reetal, jun li ^atuq’ixq taakanaaq sa’ yu’am, ut taarala jun li ralal, ut aj ^bEmmanuel tixk’e choq’ xk’ab’a’.

15 Li mantekiiy ut xya’al kab’ tixk’ux, re tixnaw xtz’eqtaanankil li ink’a’ us ut xsik’b’al ru li us.

16 Xb’aan naq toj maji’aq tixnaw li ^ach’ina al xtz’eqtaanankil li ink’a’ us ut xsik’b’al ru li us, naq isinb’ilaqeb’ chaq ^bxkab’ichaleb’ li rey sa’ li ch’och’ li xik’ nakawil.

17 Li Qaawa’ ^atixk’am chaq sa’ aab’een laa’at, ut sa’ xb’eeneb’ laa tenamit, ut sa’ xb’een li rochoch laa yuwa’, li kutan moko wanjenaq ta chalen chaq naq ki’el chaq ^bEfrain rik’in Juda, li rey aj Asiria.

18 Ut taak’ulmanq sa’ li kutan a’an naq li Qaawa’ ^ataaxuxb’aq chaq choq’ re li raxyaat li wan chaq sa’ li raqal q’axal najt aran Egipto, ut choq’ re li saq k’aw li wan chaq sa’ li ch’och’ Asiria.

19 Ut te’k’ulunq, ut talaje’hilanq chixjunil sa’eb’ li chaqi ru taq’a, ut sa’eb’ lix hopolaleb’ li pek, ut sa’ xb’eeneb’ chixjunil li k’ix, ut sa’ xb’eeneb’ chixjunil li pim.

20 Sa’ li kutan ajwi’ a’an ^ataab’esoq li Qaawa’ rik’in jun li b’esleb’ li tojb’il, rik’ineb’ li wankeb’ chaq chi junpak’al li nima’, rik’in lix ^breyeb’ laj Asiria, li jolomej, ut rismal li oqej, ut tixset ajwi’ li machej.

21 Ut taak’ulmanq sa’ li kutan ajwi’ a’an, jun li winq ^atixch’olani jun li saaj wakax ut wiib’ karneer;

22 Ut taak’ulmanq naq sa’ xk’ab’a’ xya’aleb’ xtu’ te’xk’e, tixtzeka li mantekiiy, xb’aan naq mantekiiy ut xya’al kab’ tixtzeka li junjunq li kanajenaqaq sa’ li ch’och’.

23 Ut taak’ulmanq sa’ li kutan a’an, sa’aq li junjunq chi na’ajej wanjenaqeb’ wi’ chaq jun mil xtoonal li uva, jun milaq tumin plaat xtz’aq, li taawanq chik choq’ re li pajl ut li k’ix.

24 Rik’in tzimaj ut roq tzimaj te’k’ulunq li winq aran, xb’aan naq chixjunil li ch’och’ taapajlo’q ut taak’ixo’q.

25 Ut chixjunileb’ li tzuul li k’alenb’ilaqeb’ chaq rik’in jokleb’, ink’a’ te’ok aran xmaak li pajl ut li k’ix; taawanq b’an re taataqlamanq aran li b’ooyx, ut re te’yeq’oq aran li ^aketomq.