1 Мөнхүү улиран тохиох дор бид бүхий л төрлийн үрийг янз бүрээр, төрөл бүрийн үр тарианы, мөн түүнчлэн төрөл бүрийн жимсний үрийг аль алиныг нь бөөгнүүлэн цуглуулсан байв.

2 Мөнхүү улиран тохиох дор эцэг минь аглаг буйдад түр амьдрах зуураа, тэрээр бидэнд хандан ярьж, өгүүлсэн нь: Болгоогтун, би зүүд зүүдлэв; эсвээс, өөрөөр хэлбэл, би үзэгдэл үзэв.

3 Мөн болгоогтун, би үзсэн зүйлийнхээ учир Их Эзэнд баясах шалтгаан надад буй нь Нифайн болон түүнчлэн Сэмийн улмаас бөлгөө; учир нь тэд болон тэдний үр удмаас олон нь аврагдана гэж бодох шалтгаан надад буй.

4 Гэвч болгоогтун, Лемен, Лемүел хоёр оо, би та хоёрын төлөө үлэмж их зовнино; учир нь болгоогтун, миний ухаарснаар би зүүдэндээ баргар мөн дүнсгэр аглаг буйдыг харсан болой.

5 Мөнхүү улиран тохиох дор би нэгэн хүмүүнийг харав, мөн тэрээр цагаан орхимж өмссөн байв; мөн тэрбээр ирж, бас миний өмнө зогсов.

6 Мөнхүү улиран тохиох дор тэрбээр надад хандан ярьж, мөн өөрийг нь дагахыг надад тушаав.

7 Мөнхүү улиран тохиох дор би түүнийг дагахдаа өөрийгөө баргар мөн дүнсгэр зэлүүдэд байгааг болгоов.

8 Мөн би харанхуйд олон цагийн турш зорчсоныхоо эцэст нигүүлслийнхээ дагуу намайг нигүүлсээсэй хэмээн залбирч эхэлсэн буюу.

9 Мөнхүү улиран тохиох дор Их Эзэнд хандан залбирсныхаа дараа би уудам болоод цэлгэр талбарыг болгоов.

10 Мөнхүү улиран тохиох дор хүмүүнийг жаргалтай болгох хүсэл татам жимстэй нэгэн модыг би харсан бөлгөө.

11 Мөнхүү улиран тохиох дор би урагшлан мөн үүний жимснээс хүртэв; мөн энэ нь урьд өмнө миний амсаж байсан бүхнээс дээгүүр тэргүүн амтат байсныг би болгоосон бөлгөө. Тийм ээ, мөн түүний жимс нь цагаан, урьд өмнө миний үзсэн бүхнээс үлэмж цагаан байсныг би болгоов.

12 Мөн би үүний жимснээс хүртэх үед энэ нь миний бодгалийг үлэмж агуу баяраар дүүргэв; иймийн тул, гэр бүлийнхэн маань үүнээс түүнчлэн хүртээсэй хэмээн би хүсэж эхлэв; энэ нь бусад бүхий л жимснээс илүү хүсэл татам болохыг бибээр мэдсэний учир буюу.

13 Мөн түүнчлэн би гэр бүлийнхнийгээ олж магад хэмээн эргэн тойронд хараа бэлчээх зуураа нэгэн голыг олж харав; мөн энэ нь жимснээс нь миний хүртэж буй тэр модны дэргэдүүр урсах ажгуу.

14 Мөн би үүнийг хаанаас эхтэйг нь олж мэдэхээр харав; мөн үүний эх нь ялимгүй цаана байхыг үзэв; мөн би үүний эхэн дээр та нарын эх Сариа, мөн Сэм болон Нифайг харав; мөн тэд хааш явах ёстойгоо мэдэхгүй мэт зогсож байсан болой.

15 Мөнхүү улиран тохиох дор би тэднийг даллав; мөн түүнчлэн би тэдэнд хандан өндөр дуугаар, тэднийг надад ирж, мөн бусад бүхий л жимснээс илүү хүсэл татам тэр жимснээс хүртвэл зохино хэмээн хэлсэн бөлгөө.

16 Мөнхүү улиран тохиох дор тэд надад ирж мөн жимснээс түүнчлэн хүртсэн авай.

17 Мөнхүү улиран тохиох дор Лемен, Лемүел хоёрыг ирж мөн түүнчлэн жимснээс хүртээсэй хэмээн би хүсэж байв; иймийн тул, би тэднийг харж магад хэмээн голын эхэн тийш хараа бэлчээв.

18 Мөнхүү улиран тохиох дор би тэднийг харав, гэвч тэд над руу ирж мөн жимснээс хүртэхээс татгалзав.

19 Мөн би нэгэн төмөр бариулыг болгоов, мөн энэ нь голын эргийн дагуу үргэлжилсэн бөгөөд дэргэд нь миний зогсож буй тэр мод руу хөтөлж байв.

20 Мөн түүнчлэн уг төмөр бариулыг даган, бүр миний дэргэд нь зогсож буй тэр модонд хүргэх давчуу бөгөөд нарийн замыг би болгоов; мөн түүнчлэн энэ нь голын эхийн дэргэдүүр өнгөрч, дэлхий мэт уужим бөгөөд цэлгэр талбарт хүргэх ажээ.

21 Мөн би тоо томшгүй олон хүнийг харав, дэргэд нь миний зогсож буй тэр модонд хүргэх замыг олж болохын тулд тэднээс олон нь урагш тэмүүлж байгааг би харав.

22 Мөнхүү улиран тохиох дор тэд урагшлан ирж мөн мод руу хөтлөх замаар явж эхэлсэн буюу.

23 Мөнхүү улиран тохиох дор харанхуй манан, тийм ээ, бүр үлэмжийн их харанхуй манан татав; үүний хэрээр замд гарсан тэд зүг чигээ алдсанаас тэд төөрөлдөн мөн алдагдсан ажгуу.

24 Мөнхүү улиран тохиох дор урагш тэмүүлж буй бусдыг би болгоов, мөн тэд урагшлан ирж мөн төмөр бариулын үзүүрээс барьж авав; мөн тэд хүрч очоод мөн бүр уг модны жимснээс хүртэх хүртлээ төмөр бариулаас барьсаар харанхуй манан дундуур урагш тэмүүлж байсан ажгуу.

25 Мөн тэд уг модны жимснээс хүртсэнийхээ дараа ичингүйрхсэн мэт нүд бэлчээн харж байв.

26 Мөн түүнчлэн би эргэн тойронд хараа бэлчээн, бас уст голын нөгөө эрэг дэх агуу бөгөөд нүсэр барилгыг болгоов; мөн энэ нь газраас дээгүүр, агаарт тогтсон мэт байв.

27 Мөн энэ нь өтөл болоод залуу, эрэгтэй болоод эмэгтэй хүмүүсээр дүүрэн байв; мөн тэдний хувцасласан маяг нь үлэмж тансаг байв; мөн тэд, ирж бас жимснээс хүртэж байсан тэднийг хуруугаараа занган басхүү элэглэх байдалтай байв.

28 Мөн тэд жимснээс амссаныхаа дараа өөрсдийг нь тохуурхаж байсан тэднээс ичингүйрхсэн болой; мөн тэд хориглогдсон зам руу орж мөн алдагдсан бөлгөө.

29 Мөн эдүгээ, Нифай би эцгийнхээ бүх үгийг ярих нь үгүй.

30 Гэвч товчлон бичвээс, болгоогтун, урагш тэмүүлж буй бусад олныг тэрээр харав; тэд ирж бас төмөр бариулын үзүүрээс барьж авав; мөн тэд ирж бас доош унаад мөн уг модны жимснээс хүртэх хүртлээ, төмөр бариулаас үргэлж тууштай зуурсаар урагш тэмүүлсэн бөлгөө.

31 Мөн түүнчлэн тэрбээр, уг агуу бөгөөд нүсэр барилгын зүг замаа тэмтрэн алхаж буй бусад олныг харсан бөлгөө.

32 Мөнхүү улиран тохиох дор олон нь голын гүнд живэв; мөн олон нь этгээд замуудаар хэрэн тэнэсээр түүний хараанаас алдрав.

33 Мөн уг этгээд барилга руу орогсод агуу олон байв. Мөн тэд тэр барилга дотор орсныхоо дараа, жимснээс хүртэж буй над руу болон түүнчлэн тэдний зүг хуруу занган тохуурхаж байв; гэвч бид тэднийг анхаарсан нь үгүй болой.

34 Эдгээр нь миний эцгийн үгс буюу: Өөрөөр хэлбэл, тэднийг анхаарсан болгон нь замаа алдсан ажгуу.

35 Мөн Лемен, Лемүел хоёр жимснээс хүртсэнгүй хэмээн эцэг минь хэлэв.

36 Мөнхүү улиран тохиох дор миний эцэг өөрийн зүүд буюу үзэгдлийн талаар олон болох, тэрхүү бүх үгийг ярьсныхаа дараа, тэрээр үзэгдэлд харсан энэхүү зүйлсийн учир, Лемен, Лемүел хоёрын төлөө үлэмж зовниж байгаагаа бидэнд хэлэв; тийм ээ, тэднийг Их Эзэний оршихуйгаас зайлуулагдах болуузай хэмээн тэр зовниж байв.

37 Мөн тэгээд Их Эзэн тэдэнд нигүүлсэнгүй хандан, тэднийг хаяхгүй байж болохын тулд, тэд өөрийнх нь үгсийг анхаарч болохын тулд, эцэг минь элэгсэг хайрт эцгийн бүхий л сэтгэлээр ухуулав; тийм ээ, эцэг минь тэдэнд номлов.

38 Мөн тэрбээр тэдэнд номлосны, мөн түүнчлэн тэдэнд олон зүйлийн тухай бошиглосныхоо дараа Их Эзэний зарлигуудыг сахихыг тэдэнд хэлэв; мөн тэр тэдэнд ярихаа төгсгөл болгов.