1 Edima eyen mi, ami mfiak ŋwet nnɔ fi man afo ɔfiɔk ete ke ami do nsuk ndu ke uwem; edi ŋwet ekpri mbaŋa se idide eke mfuhɔ.

2 Koro sese, ami mma nyene ɔkpɔsɔŋ eŋwan ye mme Lamanite, emi nnyin mikikanke; ndien Archeantus ɔduɔ ke akaŋkaŋ, ŋko ye Luram ye Emron; iŋ, ndien nnyin iminana akamba ibat mme edimek irenowo nnyin.

3 Ndien idahaemi sese, eyen mi, ami mfehe ndik mbak mme Lamanite ediwot mbon emi; koro mmɔ ikabakede esit, ndien Satan edemede mmɔ kpukpru ini ke iyaresit kiet ye eken.

4 Sese, ami ke nnam utom ye mmɔ kpukpru ini; ndien ke ini ami ntiŋde ikɔ Abasi ŋnyuŋ nsua nnɔ mmɔ enyek idem enyuŋ eyaresit ye ami; ndien ke ini mensuaha nnɔ mmɔ esɔŋ esit mmɔ ye enye; ke ntre, ami mfehe ndik mbak ke Spirit Jehovah etre ndinwana ye mmɔ.

5 Koro ke ata ɔkpɔsɔŋ ke mmɔ eyaresit tutu etie mi nte ke mmɔ inyeneke ndik mkpa; ndien mmɔ enana ima mmɔ, enɔ kiet eken; ndien mmɔ esat itɔŋ ebaŋa iyip ye usio usiene kpukpru ini.

6 Ndien idahaemi, edima eyen mi, ke misehe ibak mmɔ, yak nnyin isin ifik inam utom; koro edieke nnyin itrede ndinam utom, eyeda nnyin esin ke idak ubiom ikpe; koro nnyin iminyene utom ndinam ke ini idude ke atayat ntan emi, man nnyin ikan asua ofuri ndinen ido, inyuŋ inɔ ukpɔŋ nnyin nduɔk odudu ke obio ubɔŋ Abasi.

7 Ndien idahaemi ami ŋwet ekpri kabaŋa mme ufen mme owo emi. Koro nte asaŋade ye mbuk emi ami mbɔde nto Amoron, sese, mme Lamanite enyene ediwak mbon ŋkpɔkɔbi, emi mmɔ ekemumde ke tower Sherizzah; ndien mmɔ ekedi irenowo, iban, ye nditɔ.

8 Ndien mme ebe ye mme ete iban ye nditɔ oro mmɔ ewot; ndien mmɔ eda obukidem mme ebe mmɔ enɔ mme iban udia, ndien nditɔ ke obukidem mme ete mmɔ; ndien mmɔŋ iduhe, ibɔhɔke ekpri, ke mmɔ enɔ mmɔ.

9 Ndien ke misehe akwa mbubiam eke mme Lamanite emi, ikanke eke ikɔt nnyin ke Moriantum. Koro sese, ediwak nditɔ iban mme Lamanite ke mmɔ emum nte mbon ŋkpɔkɔbi; ndien ke ini ema ekebɔ mmɔ se ekemade inyuŋ isɔŋde urua ikan kpukpru ŋkpɔ, emi edide mfara ke idem ye unana ndina ye erenowo—

10 Ndien ke ini mmɔ ema ekenam ŋkpɔ emi, mmɔ ema ewot mmɔ ke usuŋ mfiomo emi akande kpukpru, etuhɔde idem mmɔ tutu mkpa; ndien ke ini mmɔ enamde emi, mmɔ eta obukidem mmɔ nte mme unam ikɔt, ke ntak isɔŋ-esit mmɔ; ndien mmɔ enam enye nte idiɔŋɔ uko.

11 O edima eyen mi, didie ke mme owo ntem, emi minyeneke ntat-enyin—

12 (Ndien isua ifaŋ ebe efep, ndien mmɔ ekedi mme ɔdiɔŋɔ idem ye mbon emi emade)

13 Edi O eyen mi, didie ke mme owo ntem, emi inemesit mmɔ esinede ke ɔkpɔsɔŋ mbubiam ido—

14 Didie ke nnyin ikere ite ke Abasi eyemum ubɔk esie ke ubiere ikpe ye nnyin?

15 Sese, esit mi ofiori: Ɔyɔdɔdiɔk ɔnɔ mbon emi. Wɔrɔ di ke ubiere ikpe, O Abasi, nyuŋ dip mme idiɔk-ŋkpɔ mmɔ, ye ibak, ye mme mbubiam ido mmɔke iso fo!

16 Ndien efen, eyen mi, ediwak mme ebe-kpa ye nditɔ iban mmɔ emi esuhɔde ke Sherrizah; ye ubak ŋkpɔ udia emi mme Lamanite mikimenke inyɔŋ, sese, mbon ekɔŋ Zenephi emen enyɔŋ, ndien ekpɔŋ mmɔ ete eyo ke ebiet ekededi emi mmɔ ekemede eyom udia; ndien ediwak ŋkani iban esuhɔ ke usuŋ enyuŋ ekpa.

17 Ndien mbon ekɔŋ emi edude ye ami emem idem; ndien mbon ekɔŋ mme Lamanite edu ke ufɔt Sherrizah ye ami; ndien adaŋa nte ediwak emi efehede ebine mbon ekɔŋ Aaron eduɔ ke ndiɔkiso eduk ke idiɔk afai.

18 O ibak ikɔt mi! Mmɔ inyeneke iwuk inyuŋ inyeneke mbɔm. Sese, ami ndi erenowo, ndien nyene odudu erenowo, ndien nkemeke aba nnam enam mme uyo mi.

19 Ndien mmɔ ekabade enyene odudu ke ukwaŋ-ŋkpɔ mmɔ; ndien mmɔ edi afai ŋko, isuhɔke baba kiet, idighe akamba mme ekpri; ndien mmɔ edaresit ke kpukpru ŋkpɔ ibɔhɔke enye emi edide eti; ndien ufen iban ye nditɔ nnyin ke iso ofuri isɔŋ emi akan kpukpru ŋkpɔ; iŋ, edeme ikemeke nditiŋ, mme ekeme endiwet.

20 Ndien idahaemi, eyen mi, ami ntiŋke aba mbaŋa enyene ndik ŋkpɔ emi. Sese, afo ɔmɔfiɔk ibak mbon emi, afo ɔmɔfiɔk ke mmɔ inyeneke edu, ndien ebe ekikere; ndien ibak mmɔ akan eke mme Lamanite.

21 Sese, eyen mi, ami nkemeke ndimen mmɔ nwut Abasi mbak enye idimia mi.

22 Edi sese, eyen mi, ami memen fi nwut Abasi, ndien ami modori enyin ke Christ nte ke eyenyaŋa fi; ndien ami mbɔŋ akam nnɔ Abasi nte ke enye ɔyɔsuhɔ uwem fo, ndikut edinyɔŋ ndi ikɔt esie ntiene enye, mme ofuri nsobo mmɔ; koro mɔfiɔk nte ke ana nte mmɔ ekpa ibɔhɔke mmɔ ekabade esit enyuŋ enyɔŋ etiene enye.

23 Ndien edieke mmɔ ekpade editie nte eke mme Jaredite, ke ntak uduak esit mmɔ, ke ndiyom iyip ye usio usiene.

24 Ndien edieke edide ete ke mmɔ ekpa, nnyin imifiɔk ite ke ediwak nditɔ eka nnyin ewɔrɔ etiene mme Lamanite, ndien ediwak efen eyewɔrɔ etiene mmɔ; ke ntre, wet ekpri mme ŋkpɔ ifaŋ, edieke esuhɔde fi ndien ami nyekpa ndien nkwe fi; edi modori enyin nte ke nyɔsɔp nkut fi; koro ami menyene mme ndisana mbuk emi ami ndiyakde nnɔ fi.

25 Eyen mi, buɔtidem ke Christ; ndien kuyak mme ŋkpɔ emi ami ŋwetde enam fi ɔfuhɔ, ndifik fi nnim nnɔ mkpa; edi yak Christ emenede fi ke enyɔŋ, ndien yak mme ntuhɔde ye mkpa esie, ye ndiwut idem esie nnɔ mme ete nnyin, ye mbɔm ye anyan ime esie, ye idorenyin ubɔŋ ye nsisnsi uwem esie, edu ke esit fo ke nsinsi.

26 Ndien yak mfɔn Abasi Ete, emi ebekpo esie odude ke enyɔŋ ke mme heaven, ye Ɔbɔŋ nnyin Jesus Christ, emi etiede ke ubɔk nnasia odudu esie, tutu kpukpru ŋkpɔ oyodu ke idak ukara esie, edi, onyuŋ odu ye afo ke nsinsi. Amen.