1 Usuŋ emi mme mbet, emi ekekotde mme ebioowo ufɔk Abasi, ekenimde mme oku ye mme andikpep—

2 Ke ini mmɔ ema ekebɔŋ akam enɔ Ete ke enyiŋ Christ, mmɔ edori mmɔ mme ubɔk mmɔ, enyuŋ edɔhɔ ete:

3 Ke enyiŋ Jesus Christ ami nnim fi nte edi oku (midighe edieke enye edide andikpep, ami nnim fi nte edi andikpep) ndikwɔrɔ edikabade esit ye edisio ke idiɔk ŋkpɔ nto Jesus Christ, ke ndinyene mbuɔtidem ke enyiŋ esie tutu esim utit. Amen.

4 Ndien ke usuŋ emi ke mmɔ ekenim mme oku ye mme andikpep, nte asaŋade ye mme enɔ ye mme ikot Abasi ɔnɔde mme owo; ndien mmɔ ekenim mmɔ ke odudu Edisana Spirit, emi okodude ke mmɔ.