Ŋwed Moroni
Ibuot 1
Moroni ewet ke ufɔn mme Lamanite—Ewot mme Nephite emi midikaŋke Christ. Ŋkpɔ nte K.E. 401–421.
1 Idahaemi ami, Moroni, ke mma nkekure ndinam mbuk ikɔt Jared edi ibio, ami mma nkere ke ndiwetke efen, edi ami mkpaha kaŋa; ndien ami nnamke mme Lamanite efiɔk mi mbak mmɔ idiwot mi.
2 Koro sese, mme ekɔŋ mmɔ ema esɔŋ ata eti eti ke otu idem mmɔ, ndien ke ntak ibak mmɔ mmɔ ema ewot kpukpru mme Nephite emi midikaŋke Christ.
3 Ndien ami, Moroni, ndikaŋke Christ; ke ntre, ami nyo ŋka ebiet emi ami nkemede ke ntak ndikpeme uwem mi.
4 Ke ntre, ami nwet mme ŋkpɔ ifaŋ efen, emi misaŋake ye se ami nkekerede; koro ami nkekere ke ndiwetke ndomo kiet ndian, edi ami nwet ekpri ŋkpɔ efen, nte ke nte edide ke mmɔ ekeme ndinyene ufɔn nnɔ nditɔeka mi, mme Lamanite, ke ini iso, nte asaŋade ye uduak Jehovah.