1 Usuŋ emi mme ebio-owo ye mme oku mmɔ enɔde ufɔk Abasi obukidem ye iyip Christ; ndien mmɔ enɔ enye nte asaŋade ye ibet Christ; ke ntre nnyin imifiɔk usuŋ emi ite ke edi akpanikɔ; ndien ebio-owo mme oku ama ɔdiɔŋ enye—

2 Ndien mmɔ ema etɔŋɔ edɔŋ ye ufɔk Abasi, enyuŋ ebɔŋ akam enɔ Ete ke enyiŋ Christ, ete:

3 O Abasi, Nsinsi Ete, nnyin ibeŋe fi ke enyiŋ Eyen fo, Jesus Christ, ite ɔdiɔŋ onyuŋ anam uyo emi asana ɔnɔ ukpɔŋ kpukpru mbon emi ediade enye, man mmɔ eta ke nditi ikpɔkidem Eyen fo, enyuŋ edi ntiense enɔ fi, O Abasi Nsinsi Ete, ete ke mmɔ enyime ndida nnɔ idem mmɔ enyiŋ Eyen fo, enyuŋ eti enye kpukpru ini, enyuŋ enim ibet esie emi enye ɔnɔde mmɔ, man mmɔ kpukpru ini ekpenyene Spirit esie ndidu ye mmɔ. Amen.