1 Міне дәл солай болды Амаликия патшалыққа қол жеткізген бойда ламандықтардың жүректерін Нефи халқына қарсы бұра бастады; иә, ол ламандықтарға мұнараларынан нефиліктерге қарсы сөйлесу үшін адамдарды тағайындады.

2 Міне осылайша ол олардың жүректерін нефиліктерге қарсы бұрды, сондықтан ол төрешілер билігінің он тоғызыншы жылының соңғы жағында өзінің жоспарларын осы уақытқа дейін орындап, иә, ламандықтардың үстінен патша болған соң, ол сондай-ақ бүкіл жерге, иә, және сол жердегі барлық халыққа, нефиліктерге, сондай-ақ ламандықтарға билік етуге ұмтылды.

3 Сондықтан ол өзінің жоспарын орындады, өйткені ол ламандықтардың жүректерін қатайтып, олардың ақыл-ойын соқыр етті және оларды ашуландырғаны соншалықты, ол нефиліктерге қарсы соғысу үшін көптеген әскерді жинады.

4 Өйткені ол өз халқының санының көптігіне байланысты нефиліктерді жеңіп, оларды құлдыққа түсіруге бел байлады.

5 Міне осылайша ол зорамдықтардың бас қолбасшыларын тағайындады, олар нефиліктердің күшімен, олардың бекіністерімен және қалаларының ең әлсіз жерлерімен жақсы таныс болды; сондықтан ол оларды өз әскерлеріне бас қолбасшылар етіп тағайындады.

6 Міне дәл солай болды олар қостарын алып, шөл даладағы Зараһемла жеріне қарай жол тартты.

7 Міне дәл солай болды Амаликия алаяқтық пен алдау арқылы билікке ие болған кезде, Морони, керісінше, халықтың санасын өздерінің Құдайы Жаратқан Иеге адал болуға дайындады.

8 Иә, ол нефиліктердің әскерлерін нығайтып, шағын бекіністер немесе жасырынатын жер тұрғызды; өз әскерлерін қоршау үшін топырақтан бөгеттер жасап, сондай-ақ олардың қалалары мен елдерінің шекараларын қоршау үшін тас қабырғаларды тұрғызды; иә, бүкіл жердің айналасында.

9 Міне олардың ең әлсіз бекіністеріне ол көп адам орналастырды; және осылайша ол нефиліктердің иелігіндегі жерді қорғап, нығайтты.

10 Міне осылайша ол олардың бостандықтарын, жерлерін, әйелдері мен балаларын және олардың тыныштығын қолдауға дайындалды, және олар өздерінің Құдайлары Жаратқан Ие және олардың жауларының айтқандай мәсіхші ісін сақтап қалу үшін өмір сүреді.

11 Ал Морони мықты және құдіретті адам еді; ол кемел түсінікті адам еді; иә, қантөгістен рахат көрмеген адам; елінің, бауырларының тұтқын мен құлдықтан азаттығы мен еркіндігіне жаны шаттанған адам.

12 Иә, өз халқына берген көптеген артықшылықтар мен нығметтері үшін жүрегі Құдайына шүкіршілікке толы адам; халқының игілігі мен қауіпсіздігі үшін аянбай еңбек еткен адам.

13 Иә, ол Мәсіхке сенімін берік ұстанған және ол өз халқын, өз құқықтарын, елін және дінін, тіпті қанын жоғалтқанша қорғауға ант бергені адам еді.

14 Енді нефиліктерге жауларынан қорғануға, тіпті қажет болса, қан төгуге дейін үйретілді; иә, сондай-ақ олар ешқашан шабуыл жасамауға, иә, жауға қарсы өз өмірін сақтап қалу үшін болмаса, семсерін көтеруге болмайтынын үйретілді.

15 Міне егер олар солай істесе, Құдай оларды жерде өркендетеді, немесе басқаша айтқанда, Құдайдың өсиеттеріне адал болса ол оларды жерде өркендетеді; иә, оларға қауіп-қатерге қарай қашуды немесе соғысқа дайындалуды ескертеді деген бұл олардың сенімі болды;

16 Міне сондай-ақ, Құдай оларға жауларынан қорғану үшін қайда бару керектігін білдіріп, осылайша Жаратқан Ие оларды құтқаратынына; міне бұл Моронидің сенімі болды; және қан төгу арқылы емес, жақсылық жасау, өз халқын сақтау, иә, Құдайдың өсиеттерін орындау, иә, заңсыздыққа қарсы тұрумен оның жүрегі осыған риза болды.

17 Иә, шындығын, шындығын саған айтамын, егер барлық адамдар Морони сияқты болған және болатын болса, біліп қойыңдар, тозақ күштері мәңгілікке шайқалар еді; иә, шайтан адам баласының жүректеріне ешқашан билік ете алмайтын еді.

18 Міне, ол Мосияның ұлы Аммон, иә, және тіпті Мосияның басқа ұлдары, иә, міне Алма мен оның ұлдары сияқты адам еді, өйткені олардың барлығы Құдайдың адамдары еді.

19 Енді міне, Хеламан мен оның бауырлары халыққа Моронидан кем қызмет етпеді. өйткені олар Құдай сөзін уағыздады және олардың сөздерін тыңдағысы келген барлық адамдарды өкіну үшін су рәсімінен өткізді.

20 Міне осылайша олар барлық жерде жүрді, және халық олардың сөздері үшін кішіпейілділік танытқаны соншалықты, олар Жаратқан Иенің үлкен ризашылығына ие болды және осылайша олар өзара соғыстар мен даулардан, иә, тіпті төрт жыл бойы да азат болды.

21 Бірақ, менің айтқанымдай, он тоғызыншы жылдың соңында, иә, олардың өзара татулығына қарамастан, олар өздерінің бауырлары, ламандықтармен күресуге құлықсыз түрде мәжбүр болды.

22 Иә, және жалпы алғанда, олардың көп құлықсыздығына қарамастан олардың ламандықтармен соғыстары ұзақ жылдар бойы ешқашан тоқтамады.

23 Енді олар ламандықтарға қарсы қару алғандарына өкінді, өйткені олар қан төккенді ұнатпады; иә, бұл бәрі емес  —олар өздерінің Құдайымен кездесуге дайын емес, осы дүниеден көптеген бауырларын мәңгілік әлемге жіберудің құралы болғанына өкінді.

24 Соған қарамастан,кезінде өз бауырлары болған, Шіркеулерінен бас тартып, ламандықтарға қосылып оларды қырып салу үшін өздерін тастап кеткендердің қолынан әйелдері мен балалары айуан қатыгездікпен қаза таппас үшін олар өз өмірлерінен айырылуларына жол бере алмады.

25 Иә, олар Құдай өсиеттерін орындайтын кемінде бір адам бар кезінде, өз бауырларының нефиліктердің қаны үшін қуанғанына төзе алмады, өйткені Жаратқан Иенің уәдесі бойынша, егер олар оның өсиеттерін орындаса, олар сол жерде өркендеуі тиіс.