Պատմական ամփոփագիր

Հետևյալ ժամանակագրությունն ապահովում է համառոտ պատմական հիմք Նախագահ Լորենզո Սնոուի ուսմունքների համար, որոնք ներկայացված են այս գրքում:

3 ապրիլի, 1814	Ծնվել է Մանտուայում, Օհայո, Ռոզետա Լեանորա Փեթիբոն Սնոուի և Օլիվեր Սնոուի ընտանիքում
1832	Լսում է Մարգարե Ջոզեֆ Սմիթի քարոզը Հայրամում, Օհայո:
1835	Թողնում է տունը՝ սովորելու Օբերլին Քոլեջում, Օբերլին, Օհայո: Ճանապարհին հանդիպում է Երեց Դեյվիդ Վ. Փաթենին՝ Տասներկու Առաքյալների Քվորումից:
1836	Թողնում է Օբերլին Քոլեջը և տեղափոխվում Կիրթլենդ, Օհայո՝ սովորելու եբրայերեն: Ընդունում է վերականգված ավետարանը և մկրտվում է ու հաստատվում հունիսին: Հետագայում կարգվում է երեց: Ստանում է հայրապետական օրհնություն Ջոզեֆ Սմիթ Ավագի կողմից, դեկտեմբերին:
1837	Քարոզում է ավետարանը Օհայոում
1838 թվականի հոկտեմբերից մինչև 1840 թվականի մայիսը	Ծառայում է ևս մեկ միսիա, քարոզելով ավետարանը Օհայո, Միսսուրի, Կենտուկի և Իլինոյս նահանգներում, և աշխատում որպես դպրոցի ուսուցիչ 1839–40թվականների ձմռան ընթացքում:
Մայիս 1840	Մեկնում է Նավույից, Իլինոյս, ծառայելու համար միսիա Անգլիայում: Տասներկու Առաքյալների Քվորումի ղեկավարության ներքո նախագահում է Եկեղեցում Լոնդոնում, Անգլիա, և շրջակա տարածքում: Հրատարակում է գրքույկ, որը կոչվում է «Փրկվելու միակ ուղին»:
12 ապրիլի, 1843	Ժամանում է Նավու, Իլինոյս, 250 նորադարձ Վերջին Օրերի Սրբերի հետ՝ Անգլիայից:
1843- ի վերջ և 1844-ի սկիզբ	Ուսուցանում է դպրոցում Լիմայում, Իլինոյս
1844	Ղեկավարում է ընտրարշավ Օհայոում՝ առաջադրելու համար Ջոզեֆ Սմիթին որպես Միացյալ Նահանգների նախագահ: Վերադառնում է Նավու Ջոզեֆ և Հայրում Սմիթի նահատակության մասին իմանալուց հետո, որը տեղի էր ունեցել հունիսի 27- ին:
Հունվար 1845	Նշանակվում է Նախագահ Բրիգամ Յանգի կողմից ճանապարհորդելու Օհայո նահանգով և հավաքելու նվիրատվություններ Նավույի Տաճարի կառուցման համար:
1845	Մտնում է բազմամուսնության մեջ, ինչպես այդ ժանանակ կիրառվում էր Եկեղեցում, ամուսնանալով Շարլոտա Սքուայերսի և Մարի Ադալին Գոդարդի հետ:
Փետրվար 1846	Թողնում է Նավուն ընտանիքի անդամների և ուրիշ Վերջին Օրերի Սրբերի հետ, Նավուի Տաճարում օժտումներ և կնքումներ ստանալուց հետո:
1846-1848	Ապրում է իր ընտանիքի հետ մի բնակավայրում, որը կոչվում է Մաունթ Փասգա Այովա նահանգ: Որոշ ժամանակ ղեկավարում է այդ բնակավայրը: 1848 թվականի գարնանը Սրբերի մի խումբ է տանում Սոլթ Լեյք Սիթի:
12 փետրվարի,1849	Ձեռնադվում է Առաքյալ Սոլթ Լեյք Սիթիում
1849	Նվիրատվություններ է հավաքում Ներգաղթի Մշտական Ֆոնդի համար:
1849- 1852	Միսիա է ծառայում Իտալիայում: Ծառայում է նաև Անգլիայում, որտեղ ղեկավարում է Մորմոնի Գրքի թարգմանությունը՝ իտալերենով, ինչպես նաև՝ Շվեյցարիայում և Մալթայում: Հրատարակում է Ջոզեֆի ձայնը վերնագրով մի գրքույկ:
1852	Ընտրվում է Յուտայի Նահանգի օրենսդրական մարմնում:
1853	Կանչվում է Նախագահ Բրիգամ Յանգի կողմից ղեկավարելու Վերջին Օրերի Սրբերին մի բնակավայրում, որը կոչվում էր Բոքս Էլդեր Քաունթի, որը տեղադրված էր Յուտայի հյուսիսային մասում: Անվանում է գլխավոր քաղաքը Բրիգամ Սիթի: Երկար տարիներ ծառայում է որպես ղեկավար Եկեղեցում և համայնքում:
Մարտ 1864 - մայիս 1864	Մի խմբի հետ, որը ղեկավարվում էր Տասներկուսի Քվորումից Երեց Էզրա Թաֆթ Բենսոնի կողմից, ծառայում է կարճատև միսիա Հավայան կղզիներում:
հոկտեմբեր 1872 - հուլիս 1873	Մի խմբի հետ, որը ղեկավարվում էր Առաջին Նախագահության Առաջին Խորհրդական՝ Նախագահ Ջորջ Ա. Սմիթի կողմից, ուղևորության է մեկնում Եվրոպայի որոշ մասեր և Մերձավոր Արևելք, ներառյալ Սուրբ Երկիր: Ճանապարհորդությունը կատարվում է Նախագահ Բրիգամ Յանգի խնդրանքով:
1882	Միացյալ Նահանգների Կոնգրեսն ընդունում է Էդմունդսի ակտը, որը բազմամուսնությունը դիտում է որպես հանցագործություն և արգելում բազմամուսնություն ունեցողներին քվեարկել, հասարակական գրասենյակ ունենալ կամ երդվյալ ատենակալի պարտականություն կատարել:
1885 թվականի օգոստոսից մինչև 1885 թվականի հոկտեմբեր	Միսիա է ծառայում Ամերիկյան հնդկացիների մեջ Միացյալ Նահանգների հյուսիս արևմուտքում և Վայոմինգի նահանգում:
1886 թվականի մարտի 12- ից մինչև 1887 թվականի փետրվարի 8-ը	Բանտարկվում է բազմամուսնություն կիրառելու համար
1887	Միացյալ Նահանգների Կոնգրեսը ընդունում է Էդմունդս Թակեր ակտը, մեկ այլ հակաբազմակնության օրենք, թույլ տալով ֆեդերալ կառավարությանը բռնազավթել Եկեղեցու անշարժ գույքի մեծ մասը: Ակտը դառնում է օրենք 1887 թվականի մարտի 3- ին:
21–23 մայիսի, 1888	Մանթի Յուտա Տաճարի նվիրագործման նիստերի ժամանակ կարդում է նվիրագործման աղոթքը:
7 ապրիլի, 1889	Հաստատվում է Տասներկու Առաքյալների Քվորումի Նախագահ
1893 մայիսի 19-ից մինչև 1898 թվականի սեպտեմբերը	Ծառայում է որպես Սոլթ Լեյքի Տաճարի առաջին նախագահ
2 սեպտեմբերի, 1898	Դառնում է ավագ Առաքյալ և Եկեղեցու նախագահող առաջնորդ Նախագահ Վիլֆորդ Վուդրուֆի մահվան ժամանակ: Ստանում է աստվածային դրսևորում Սոլթ Լեյքի Տաճարում, որում Տերը հրահանգում է նրան արագացնել Առաջին Նախագահության վերակազմավորումը:
13 սեպտեմբերի, 1898	Հաստատվում է Տասներկու Առաքյալների Քվորումի կողմից որպես Եկեղեցու Նախագահ: Սկսում է ծառայել որպես Նախագահ:
9 հոկտեմբերի, 1898	Հաստատվում է որպես Եկեղեցու Նախագահ գերագույն համաժողովի ընթացքում:
10 հոկտեմբերի, 1898	Ձեռնադրվում է որպես Հիսուս Քրիստոսի Վերջին Օրերի Սրբերի ԵկեղեցուՆախագահ:
Մայիս 1899	Ճանապարհորդում է Սենթ Ջորջ, Յուտա, որտեղ ստանում է հայտնություն քարոզելու տասանորդի օրենքը Սրբերին: Սկսում է հաղորդել այս ուղերձը Սենթ Ջորջում և ղեկավարում է այն հաղորդելու ջանքերը ողջ Եկեղեցում:
1 հունվարի, 1901	Հրատարակում է մի հռչակագիր՝ «Ողջույն աշխարհին» վերնագրով, ողջունելով 20-րդ դարը:
10 հոկտեմբերի, 1901	Մահանում է Սոլթ Լեյք Սիթիում. Յուտա, 87 տարեկան հասակում: