O Le A Se Mea E Tatau Ona Ou Faia Pe A Ou Lagona Le Osofaia po o le Afaina Gofie?

Tamaitai faifeautalai o loo mafaufau loloto

1. Ia nofouta ma faailoa atu ou mafaufauga, lagona ma amioga. Ia malamalama i auala e mafai ona osofaia atili ai oe i le faaaoga sese o le tekinolosi.

2. Filifili e faatino. Ia tali atu i ni auala amiotonu ma aoga i mea o loo e lagonaina.

3. Aoao ma faaleleia. Faaaoga ou aafiaga e faaauau ai ona aoaoina ma alualu i luma mo le lumanai.

alii faifeautalai o loo tūtū

E le faigofie le aoao ia ola i malupuipuiga e pei o lou fai mai o le a e faia; e manaomia ai le taumafaiga ma le fai soo. E tusa lava pe ua avea malupuipuiga ma se vaega masani o ou mafaufauga ma amioga, o le a i ai lava taimi e te lagona ai le osofaia po o le afaina gofie. Atonu na e atiina ae ni mausa le lelei i le faaaogaina o le tekinolosi ao le’i alu lau misiona lea sa faigata ona faatoilalo. O nisi o faifeautalai na tauivi ma ponokalafi a o le’i maua o latou valaauga, ma atonu e faaosoosoina e toe foi i mamanu o amioga sa i ai muamua. Po o le a lava le tulaga e i ai, o le a fesoasoani le faagasologa o loo i luga e faafetaui i ai lou ola i malupuipuiga ma puipui ma faamalosia ai oe lava faasaga i faaosoosoga. Ia manatua e te tau le faatoilaloina nao oe ia luitau. Ia faalagolago i le malosiaga lea e ala mai i le Togiola a Keriso a o e taumafai e ola i malupuipuiga ma faatoilalo vaivaiga faaletagata lava ia.

• 1. Ia Nofouta ma Faailoa Atu

• 2. Filifili e Faatino

• 3. Aoao ma Faaleleia