“2. Filifili e Faatino,” Malupuipuiga mo le Faaaogaina o Tekinolosi (2015)
“2. Filifili e Faatino,” Malupuipuiga mo le Faaaogaina o Tekinolosi
2. Filifili e Faatino
O le taimi lava e te nofouta ai ua e lagona le osofaia, pe e te le o mulimuli i se tasi o malupuipuiga, ia filifili i le mea o le a e faia e mulimuli ai i le malupuipuiga, ona filifili lea e faatino lena fuafuaga. Tusi i lalo po o a ni faatinoga maoti o le a e faia, e mulimuli ai i malupuipuiga ma tuuitiitia ai lagona o le osofaia ma le afaina gofie.
Afai e te lagona le faaosoosoina e saili ni anomea le talafeagai i le initoneti, pe faatino soo se auala lava e ese mai i nei malupuipuiga, e mafai ona e faia nisi o faatinoga o le a faapea ona fesoasoani ai i lou taulimaina o nei faalogona. Ia faaaoga faatinoga e sili ona aoga mo oe. O nisi nei o fautuaga atonu e te mafaufau e faaaoga:
-
Tatalo mo le malosiaga ma le puipuiga e faasaga i faaosoosoga. Ta’u atu i le Tama Faalelagi ou lagona.
-
Faasoa atu, faamatala, ma talanoa atu e ala i ou lagona i lau soa, taitai itu, taitai sone, po o le taitai tamaitai. Ia manatua, “Aua nei e tuuina atu se fautuaga i faifeautalai o le itupa faafeagai, e tusa lava pe o [latou] galulue i se tofiga faaleautaitai. O talanoaga faapena e ono oo atu ai i lagona ma fegalegaleaiga e le talafeagai” (Tusitaulima a Faifeautalai, 38).
-
Tu i luga ma aluese. O ma lau soa e savalivali, pe o e faamalositino.
-
Tauloto se mau pe usu se viiga o le a fesoasoani e te taulai atu ai i le Faaola.
-
Tuu le mea o loo e faia, moeiini ou mata, ma manava tele i totonu a o faitau le [tasi] e oo i le fa. Ia faia lenei mea mo ni nai minute. Aua le toe foi atu i lau gaoioiga i luga o le initoneti seiiloga ua e manatua lou faamoemoega ma ua to’a ma toe taulai atu [i lou faamoemoega.
-
Iloilo lou tulaga faaletino. O e manaomia se vaiinu, se vai’aiga, po o se malologa? Ia faailoa atu ou manaoga.
-
Ia manatua auiliili se aafiaga faaleagaga po o se vaaiga matagofie e mafai ona fesoasoani e te faia ai se malologa faalemafaufau mo se minute e tasi pe lua.
-
Lisi ni mea se lima e te faafetai ai.
-
Faaalu le lima minute e tusi ai i lau api o talaaga mea o loo e lagonaina.
Toe iloilo le Fetuunai i le Olaga Faafaifeautalai mo manatu faaopoopo i le pulea o lagona osofaia, ma faaopoopo atu ni manatu talafeagai i lau fuafuaga. Ia tagai foi i le kosi i luga o le initoneti, Malupuipuiga mo le Faaaogaina o Tekinolosi, a o e fatua se fuafuaga. Faasoa atu lenei fuafuaga i lau soa, taitai misiona, ma le peresitene o le misiona.