3. Aoao ma Faaleleia

Ata

O Mamona o loo otootoina papatusi

A o e galue ia mulimuli i malupuipuiga, ia aoao mai i ou aafiaga. O le aoao ma faaleleia o le salamo lea, lea e te latalata atili atu ai ia Keriso a o e faaaogaina Lana Togiola. Pe a e liliu atu ia te Ia, o le a fesoasoani o Ia ia e alualu i luma. Ua Ia folafola mai: “Afai e o mai [la’u fanau] ia te au o le a ou faaali atu ia te i latou o latou vaivaiga. … Ua lava lo’u alofa tunoa i [a i latou] uma o e faamaulaloina i latou lava i o’u luma; aua afai latou te faamaulaloina i latou lava i ou luma, ma faatuatua ia te au, ona ou faia lea o mea vaivai ma mea malolosi ia te i latou” (Eteru 12:27). O le a fesoasoani le Atua ina ia e aoao ma alualu i luma mai au measese sa i ai muamua, ina ia e maua ai le malosi mai ou vaivaiga. E ala i le Togiola a Iesu Keriso, ua faamagalo mai ai le Atua ma galo ai na mea sese ua tuanai.

Ata

tamaitai faifeautalai e toalua o loo tilotilo i telefoni.

Pe a oo ina faaosoosoina oe e faaaoga sese tekinolosi, e mafai ona e aoao mai i ou aafiaga, e ala i le taulai atu ma le toto’a i filifiliga e te faia ma taunuuga e maua mai ai. Tusi ou manatu ma lagona i lau api o talaaga. Aoao ia iloa mamanu i ou mafaufauga, lagona, po o amioga, ia e faigata ai ona e faaaogaina ma le amiotonu le tekinolosi. E mafai ona e aloese i faaosoosoga e ala i le aloese i nei mamanu. Mo se faataitaiga, atonu e te iloa e matele lava ina faalavelaveina oe i lau masini pe a leai ni au fuafuaga anoa ma maoti mo le aso. O le filifili e fuafua i taimi uma ni gaoioiga anoa, e tau le faalavelaveina ai oe i lau masini.

O le a fesoasoani atu foi soa ma taitai o le misiona ina ia e aoao ma faaleleia. Ia manatua, a o faaaoga e le fili le faalilolilo ma le tuua toatasi e taitai atu ai tagata i le pouliuli, ua uunaia e le Alii i tatou e saili le malamalama e ala i le faamaoni ma le mea sa’o. O le fausia o sootaga malolosi ma amiotonu ma au soa ma tagata o le itu, o se tasi lea o au puipuiga sili ona lelei ma mafai ai ona e faia se aganuu o amioga amiotonu ma i ai se faamoemoega.