“1. Ia Nofouta ma Faailoa Atu,” Malupuipuiga mo le Faaaogaina o Tekinolosi (2015)

“1. Ia Nofouta ma Faailoa Atu,” Malupuipuiga mo le Faaaogaina o Tekinolosi

1. Ia Nofouta ma Faailoa Atu

Ata

O le Tupu o Peniamina o loo talanoa atu i tagata

Ina ia mafai ona e aoao e ola i nei malupuipuiga e aunoa ma le tau mafaufau muamua, e tatau ona e nofouta i taimi e le ogatasi ai ou mafaufauga po o amioga ma nei taiala. E tatau foi ona e nofouta i taimi e te lagonaina ai se mea e mafai ona osofaia atili ai oe. Mo se faataitaiga, o le ivā, tuuatoatasi, ita, popole, fefe, popolevale, fiaai, po o le lelava, e mafai ona faigata atili ai ona faaaoga ma le poto ia tekinolosi. O le nofouta i nei tulaga ma faalogona o le a mafai ai ona e tali atu i ou lagona i se auala lelei ma aoga. Na aoao mai le Tupu o Peniamina, “Afai tou te lē vaavaaia outou lava, ma o outou mafaufauga, ma a outou upu, ma a outou galuega, ma tausi i poloaiga a le Atua, ma tumau pea i le faatuatua i mea ua outou faalogo i ai e uiga i le afio mai o lo tatou Alii, e oo lava i le iuga o o outou ola, e fano lava outou. Ma o lenei le tagata e, ia manatua, ma lē fano ai” (Mosaea 4:30).

Ata

alii faifeautalai e toalua o loo faaaoga ni komepiuta e i luga o kesi.

E oo faifeautalai uma i vaivaiga ma lagona o le osofaia. Nai lo o le nanā po o le le ano i nei lagona, ia faailoa atu ma le faamaoni i latou ina ia mafai ona fesoasoani ia te oe lava e filifili ai se tali lelei atu ma faatoilalo le tofotofoga. Ioe ia te oe lava i mea o loo e lagonaina, ma iloilo pe o i ai se mea po o se tulaga maoti atonu o loo e tali atu i ai. Ia faamaoni i lau soa ma isi faifeautalai faatuatuaina, ina ia mafai ona latou fesoasoani atu ia e nofouta i ou lagona ma ona aafiaga ia te oe. I au tatalo, ia e faamaoni i le Tama Faalelagi e uiga i ou lagona ina ia mafai ona Ia fesoasoani ia te oe ma tuu atu ia te oe le malosi e faatoilalo ai faaosoosoga e ala i le Togiola a Keriso.