តើខ្ញុំគួរតែធ្វើដូចម្ដេចប្រសិនបើខ្ញុំមានអារម្មណ៍ទន់ខ្សោយ និង ងាយរងឥទ្ធិពល ?
-
ដឹងជាមុន និង ទទួលស្គាល់ អំពីគំនិត អារម្មណ៍ និង ឥរិយាបថរបស់អ្នក ។ យល់អំពីរបៀបដែលកត្តាទាំងនេះ អាចធ្វើឲ្យអ្នកកាន់តែមានអារម្មណ៍ទន់ខ្សោយ និង ងាយរងឥទ្ធិពលក្នុងការប្រើប្រាស់បច្ចេកវិទ្យាមិនត្រឹមត្រូវ ។
-
ជ្រើសរើសធ្វើសកម្មភាព ។ ឆ្លើយតបតាមរបៀបសុចរិត និង មានប្រសិទ្ធភាពចំពោះអារម្មណ៍របស់អ្នក ។
-
រៀនសូត្រ ហើយកែលម្អ ។ ប្រើប្រាស់បទពិសោធន៍របស់អ្នក ដើម្បីបន្តរៀនសូត្រ ហើយកែលម្អទៅពេលអនាគត ។
ការរៀនធ្វើតាមវិធីបង្ការទាំងនេះ គឺមិនងាយស្រួលធ្វើដូចការនិយាយថានឹងធ្វើនោះទេ វាតម្រូវឲ្យមានការខិតខំ និង ការហ្វឹកហាត់ ។ ទោះជាបន្ទាប់ពីវិធីបង្ការទាំងនេះបានក្លាយទៅជារឿងមួយធម្មតាក្នុងការគិត ហើយអនុវត្តក្ដី អ្នកនឹងមានគ្រាដែលអ្នកអាចមានអារម្មណ៍ថាទន់ខ្សោយ និង ងាយរងឥទ្ធិពលដែរ ។ ប្រហែលជាអ្នកបានមានទម្លាប់មិនល្អក្នុងការប្រើប្រាស់បច្ចេកវិទ្យាពីមុនបេសកកម្ម ដែលអ្នកពិបាកនឹងយកឈ្នះបាន ។ អ្នកផ្សព្វផ្សាយសាសនាខ្លះបានមានបញ្ហានឹងការណ៍អាសគ្រាមពីមុនការហៅបម្រើរបស់ពួកគេ ហើយអាចត្រូវបានល្បួងឲ្យត្រឡប់ទៅរកឥរិយាបថកាលពីមុនរបស់ពួកគេ ។ ទោះជាអ្នកស្ថិតនៅក្នុងស្ថានភាពបែបណាក៏ដោយ ដំណើរការខាងលើនេះនឹងជួយអ្នកឲ្យកែប្រែជីវិតដើម្បីធ្វើតាមវិធីបង្ការនានា ហើយពង្រឹងកម្លាំងខ្លួនអ្នកប្រឆាំងនឹងការល្បួង ។ ចូរចាំថា អ្នកមិនចាំបាច់យកឈ្នះលើឧបសគ្គនានាដោយខ្លួនអ្នកនោះទេ ។ ចូរពឹងផ្អែកទៅលើកម្លាំងដែលមានមកពីដង្វាយធួនរបស់ព្រះគ្រីស្ទនៅពេលអ្នកព្យាយាមធ្វើតាមវិធីបង្ការទាំងនេះ ហើយយកឈ្នះលើភាពទន់ខ្សោយផ្ទាល់ខ្លួន ។