២. ជ្រើសរើសធ្វើសកម្មភាព

រូបភាព

ព្រះគ្រីស្ទយាងនៅលើផ្ទៃទឹក

នៅពេលអ្នកដឹងថាខ្លួនអ្នកកំពុងមានអារម្មណ៍ថាទន់ខ្សោយ ឬ ថាអ្នកកំពុងតែល្មើសនឹងវិធីបង្ការណាមួយខាងក្រោមនេះ ចូរសម្រេចចិត្តលើកិច្ចការដែលអ្នកនឹងធ្វើដើម្បីធ្វើតាមវិធីបង្ការនោះ រួចជ្រើសរើសធ្វើសកម្មភាពតាមអ្វីដែល អ្នកបានដាក់ផែនការ ។ ចូរសរសេរសកម្មភាពជាក់លាក់ទាំងឡាយដែលអ្នកនឹងធ្វើ ដើម្បីធ្វើតាមវិធីបង្ការនានា ហើយកាត់បន្ថយអារម្មណ៍ទន់ខ្សោយ និង ងាយរងឥទ្ធិពល ។

ប្រសិនបើអ្នកត្រូវបានល្បួងឲ្យស្វែងរកមាតិកាដែលមិនសមរម្យនៅលើអ៊ិនធើរណែត ឬ ធ្វើទង្វើដែលប្រាសចាកពីវិធីបង្ការទាំងនេះ អ្នកអាចធ្វើសកម្មភាពមួយចំនួនដែលនឹងជួយអ្នកឲ្យគ្រប់គ្រងអារម្មណ៍ទាំងនេះបាន ។ អនុវត្ដសកម្មភាពដែលមានប្រសិទ្ធភាពខ្លាំងបំផុតសម្រាប់អ្នក ។ អ្នកអាចពិចារណាលើយោបល់ខាងក្រោមនេះដើម្បី ៖

អធិស្ឋានទូលសូមកម្លាំង និង ការការពារប្រឆាំងនឹងការល្បួង ។ ទូលព្រះវរបិតាសួគ៌អំពីអារម្មណ៍របស់អ្នក ។
ចែកចាយ រៀបរាប់ ហើយជជែកអំពីអារម្មណ៍របស់អ្នកជាមួយដៃគូ អ្នកដឹកនាំមណ្ឌលបេសកកម្ម តំបន់បេសកកម្ម ឬ ស៊ិស្ទើរដែលជាអ្នកបំពាក់បំប៉ន ។ ចូរចាំថា « កុំប្រឹក្សាជាមួយអ្នកផ្សព្វផ្សាយសាសនាដែលមានភេទផ្ទុយ ទោះជា [ ពួកគេ ] កំពុងបម្រើនៅក្នុងមុខតំណែងជាអ្នកដឹកនាំក៏ដោយ ។ ការនិយាយបែបនោះ អាចនាំឲ្យមានភាពមិនសមរម្យដល់អារម្មណ៍ និង ដល់ទំនាក់ទំនង » ( ក្បួនច្បាប់អ្នកផ្សព្វផ្សាយសាសនា ទំព័រ ៣៩ ) ។
ក្រោកឡើង ហើយធ្វើការ ។ ចេញដើរជាមួយដៃគូរបស់អ្នក ឬ ទៅហាត់ប្រាណ ។
សូត្របទគម្ពីរ ឬ ច្រៀងទំនុកតម្កើងមួយដែលនឹងជួយអ្នកឲ្យផ្ដោតអារម្មណ៍ទៅលើព្រះអង្គសង្គ្រោះ ។
បញ្ឈប់អ្វីដែលអ្នកកំពុងតែធ្វើ បិទភ្នែក ហើយដកដង្ហើមវែងៗ ហើយរាប់ដល់បួន ។ ធ្វើដូចនេះរយៈពេលបីពីរនាទី ។ កុំត្រឡប់ទៅប្រើអ៊ិនធើរណែតវិញឡើយ លុះត្រាតែអ្នកចងចាំអំពីគោលបំណងរបស់អ្នក ហើយមានអារម្មណ៍ធូរស្បើយ ថែមទាំងមានការផ្ដោតអារម្មណ៍ឡើងវិញសិន ។
វាយតម្លៃលើស្ថានភាពខាងសាច់ឈាមរបស់អ្នក ។ តើអ្នកត្រូវការទឹក អាហារសម្រន់ ឬ ការសម្រាកខ្លះទេ ? បំពេញតម្រូវការនានារបស់អ្នក ។
រំឭកឡើងវិញដោយលម្អិតអំពីបទពិសោធន៍ខាងវិញ្ញាណ ឬ ទិដ្ឋភាពដ៏គួររីករាយណាមួយ ដែលអាចជួយអ្នកឲ្យសម្រាកខាងផ្លូវចិត្តមួយ ឬពីរនាទី ។
សរសេរអ្វីដែលអ្នកមានអំណរគុណឲ្យបានប្រាំ ។
ចំណាយពេលប្រាំនាទី រួចសរសេរអារម្មណ៍របស់អ្នកនៅក្នុងទិនានុប្បវត្តិ ។

អាន Adjusting to Missionary Life ឡើងវិញ ដើម្បីបានគំនិតបន្ថែមស្ដីពីការគ្រប់គ្រងអារម្មណ៍ រួចដាក់បញ្ចូលគំនិតដែលទាក់ទង ទៅក្នុងផែនការរបស់អ្នក ។ ចូលមើលវគ្គសិក្សា « វិធីបង្ការក្នុងការប្រើប្រាស់បច្ចេកវិទ្យា » ដែលមាននៅលើអ៊ិនធើរណែត នៅពេលអ្នកដាក់ផែនការ ។ ចែកចាយផែនការនេះជាមួយដៃគូ អ្នកដឹកនាំក្នុងបេសកកម្ម និង ប្រធានបេសកកម្មរបស់អ្នក ។