Lesona 22

O Le Togiola a Iesu Keriso

Faamoemoega

Ina ia fesoasoani i tamaiti ia latou iloa e mafai e tagata ona salamo aua na togiola Iesu Keriso mo a tatou agasala.

Sauniuniga

1. Suesue ma le agaga tatalo le Luka 22:39-46 ma le Mosaea 27, ma ia saunia e faamatala atu le tala i le salamo o Alema.

2. Aumai upu o lo o tusia i fasipepa mai le lesona 10 (“Lagona le faanoanoa,” “Ole atu mo se faamagaloga,” Faasao le sese,” “Aua le toe faia le sese”).

3. Ia manatua o tamaiti laiti e i lalo ifo o le valu tausaga le matutua e le faitauina ma e le manaomia ona latou salamo i agasala. Ia faamalosia i latou ia faia pea le sao.

4. O Mea e Manaomia:

   1. Se Tusi a Mamona ma se Mataupu Faavae ma Feagaiga.

   2. Se maa lapoa po o se isi mea mamafa ma se taga e tuu ai i totonu ina ia mafai e se tamaititi ona amoina i lona tauau. Faaigoa le maa po o se isi mea i le tusia ai o le upu “gaoi.”

   3. Ata ʻoti: Alema le Itiiti (ata ʻoti 3-3), o atalii e toafa o Mosaea (ata ʻoti 3-4), ma se agelu (ata ʻoti 3-5).

   4. Ata 3-46, O Le Tatalo a Iesu i Ketesemane (62175; Taga Ata o le Talalelei 227).

5. Ia faia ni sauniuniga e talafeagai ai mo so o se gaoioiga e faamauoa mai ai e te manao e faaaoga.

Faalautelega Fautuaina o le Lesona

Tofi se tamaititi e faia le tatalo amata.

Toe tulitatao atu i tamaiti pe afai na uunaiina i latou e faataunuuina se mea i le vaiaso talu ai.

E Mafai e Tagata Ona Salamo i Filifiliga Sese

Gaoioiga faatosina

Faamatala atu i tamaiti le tala lenei:

Ao faia se faatauga a Iosua ma lona tina, sa aveesea e Iosua se mea mai le faleoloa e aunoa ma le totogiina. Na iloa lelei e Iosua ua ia faia se mea sese. Faatoa uma lava ona papatisoina o ia ma na ia iloa sa tatau ona ia filifilia le sao.

Faaali atu i tamaiti le maa lapoa (po o se isi mea mamafa) i totonu o se taga.

Fesili atu i le vasega po o le a se lagona o Iosua i le mea na ia gaoiina. Tuu atu i se tamaititi e faafoliga e pei o Josh. Ia amoina e le tamaititi lea le taga i luga o lona tauau. Ia faamalamalama atu sa lei lelei le lagona o Josh e tusa ma lana gaoiga. E pei lava o se mea mamafa i totonu ia te ia ua taofia ai o ia mai le fiafia atoatoa.

Gaoioiga faatosina

• E mafai faapefea ona toe fiafia Iosua? (E ala lea i le salamo.)

• O le a se mea e mafai ona faia e Josh e faasao ai lana filifiliga sese? (Salamo.)

Faaali atu i luga o le laupapa upu tusi e fa. Faamanatu atu i tamaiti sa latou aoao e uiga i le salamo i se lesona ua mavae.

Gaoioiga faatosina

• O le a se mea e mafai ona fai e Iosua e iloa ai ua salamo? (O tali atonu e aofia vaega nei: toe faafoi le mea na ia gaoiina, totogi le mea na ia gaoiina, faatoese i le faatauoloa, ma ofo atu na te faia se mea mo le faatauoloa e faaleleia ai lona sese.)

A maea ona faamatala mai e tamaiti pe faapefea ona salamo ia Iosua, ona aveese lea o le maa mamafa mai le taga a le tamaititi. Ia faamalamalama atu, a tatou salamo, ua tatou faasaolotoina i tatou lava mai lagona faanoanoa, ma o le a tatou fiafia.

Tau atu i le vasega o le avanoa e salamo ma faamagalo ai o se faamanuiaga matagofie lea.

Ata

Faaali atu le ata 3-46, O Le tatalo a Iesu i Ketesemane. Tau atu i tamaiti o le Faaola na mafai ai ona faamagaloina tagata.

Na Togiola Iesu Keriso mo a Tatou Agasala

Faamatalaga a le faiaoga

Ia faamatala atu, ao lei maliu Iesu Keriso i luga o le satauro, na malaga atu o ia ma lona Au Aposetolo i le togalaau e igoa o Ketesemane. O Aposetolo e toatolu o Peteru, Iakopo, ma Ioane. Sa latou faatali atu i se nofoaga e le mamao ma le mea na alu atu iai Iesu i le togalaau ma tatalo ai i lona Tama Faalelagi. Na silafia e Iesu o le a tigaina o ia mo i tatou ina ia mafai ona tatou salamo ma faamagaloina a tatou agasala. I totonu o le togalaau o Ketesemane ma luga o le satauro, na puapuagatia ai Iesu mo i tatou. Na tigaina o ia mo a tatou agasala, po o mea sese tatou te faia.

Tusi le upu Togiola i luga o le laupapa. Ia faamalamalama atu o le Togiola o lona uiga ua totogiina e Iesu Keriso le tau mo a tatou agasala ina ia mafai ona tatou salamo ma faamagaloina. Na ia faia lenei mea aua e alofa ia i tatou ma e finagalo o ia ia mafai ona tatou salamo ma faamamaina. Tatou te faapea ane ua ia togiola mo a tatou agasala ma filifiliga sese. Ia faia faatasi e le vasega le upu Togiola.

E alofa foi le Tama Faalelagi ia i tatou, ma e finagalo ia i tatou taitoatasi ia salamo ma ia toe mau faatasi ma ia. Talu ai le togiola a Iesu Keriso, e mafai ai ona faamagaloina i tatou mai a tatou agasala ma filifiliga sese tatou te faia pe a tea le valu o o tatou tausaga.

Na Salamo Alema Le Itiiti

Tala o tusitusiga paia ma ata ʻoti

Ia faamatalaina i ni au lava upu le tala i le salamo ma le liliuina o Alema. Faaali atu ata ʻoti pe a e taua lea tagata ma lea tagata.

Faamatala atu i tamaiti o se perofeta o le Tusi a Mamona e igoa ia Alema sa iai sona atalii sa matuai fouvale lava ma faia le tele o mea sese. O le perofeta lava lea sa tatou aoao iai i le tala ia Apinati. Na ia faalogo i le Agaga Paia ma avea o se taitai ma se faiaoga sili i totonu o le Ekalesia. O lona atalii sa igoa foi ia Alema. E masani lava ona tatou faaigoaina le atalii o Alema le Itiiti ina ia aua ai nei fenumiai ia i tatou o ia ma lona tama.

Aumai manatu nei mai le tala o tusitusiga paia o lo o maua i le Mosaea 27:8-14:

Tala o tusitusiga paia ma ata ʻoti

1. Sa lei usitai Alema le Itiiti i lona tama. O ia ma ana uo e toafa sa latou feoai e faaumatia le ekalesia e ala lea i le aoao o tagata e faia mea sese.

2. E toatele tagata na talitonu ia Alema le Itiiti ma ua latou le toe usitai i poloaiga.

3. Sa popole le tama o Alema le Itiiti i lona atalii ma tagata o le ekalesia.

4. Sa tatalo le tama ina ia aoaoina e lona atalii le mea moni.

Talanoaga

Talanoaga

• Na faapefea ona talia e le Tama Faalelagi le tatalo a le tama o Alema le Itiiti? (Na ia auina mai se agelu e tau atu ia Alema ma ana uo ia salamo.)

• E iai se tasi na te iloa le mea na tupu ina ua mavae lena mea?

Tuu atu i tamaiti e faaauau ona faamatala mai le tele o le tala e mafai ona latou faamatalaina maia. Ia aumai ai manatu nei:

Talanoaga

1. Sa fefefe Alema ma ana uo ina ua latou vaaia le agelu ma o lea na latou pauu ai i le eleele.

2. Sa le mafai e Alema ona tautala pe gaoioi.

3. Na aveina atu Alema e ana uo i le fale o lona tama ma faamatala atu i lona tama le mea atoa na tupu.

4. E lua aso na tatalo ai ma anapopogi le tama o Alema ma le au faitaulaga o le Ekalesia ina ia mafai ona toe faafoisia le malosi o Alema ma mafai ona tautala atu ia te i latou.

5. Sa taliina mai a latou talosaga, ma sa tulai atu Alema le Itiiti ma ta’u atu se mea na matuai fiafia ma faafetai ai lona tama.

Ina ia sailia po o le mea na tau atu e Alema le Itiiti, faitau e oe po o le tuu atu i se tamaititi matua na te faitauina le vaega lenei mai le Mosaea 27:24: “Aua ua ia fai atu, Ua ou salamo i au agasala.”

Talanoaga

• O le a le mea na fai mai Alema ua ia faia?

Gaoioiga toe iloilo

Fai atu i tamaiti e te manao latou te taliina mai nisi o fesili ma talanoaina pe na faapefea ona tatou iloa ua salamo moni ia Alema le Itiiti. Toe tagai i upu tusi o lo o faapipiiina ao iloilo lenei mataupu.

Gaoioiga toe iloilo

• Pe na lagona ea e Alema le Itiiti lona faanoanoa i le mea sa ia faia?

• O ai sa manaomia ona ole atu iai Alema le Itiiti ina ia faamagalo ia te ia? (O le Tama Faalelagi; o lona tama o Alema; ma le Ekalesia.)

Ia faamalamalama atu, ina ia faasaoina le sese, na alu atu Alema mai lea aai i lea aai ma tau atu i tagata uma e uiga i le ekalesia moni. Na avea o ia ma se faifeautalai.

Gaoioiga toe iloilo

• Tou te manatu ea na salamo faamaoni ia Alema? (Ia faamamafa atu le matuai suia atoatoa o le olaga o Alema ina ua ia salamo.)

• Aisea na mafai ai ona faamagaloina Alema ina ua ia salamo? (Talu ai le togiola a Iesu Keriso, lea na puapuagatia mulimuli ane mo agasala a Alema le Itiiti.)

Aotelega

Tau atu i tamaiti, talu ai le alofa ma le togiola a Iesu Keriso, o lea ua mafai ai e tagata ona salamo pe a latou faia se mea sese, ma o le a faamagaloina i latou e le Tama Faalelagi ma Iesu Keriso. Ia faamalamalama atu, e sili atu pe a tatou le faia ni mea sese ina ia le manaomia ai ona tatou salamo. Ae pe a tatou agasala, e mafai ona tatou salamo ma faamamaina. Na folafola mai e Iesu o le a ia le toe manatuaina mea sese na tatou faia pe afai tatou te salamo faamaoni (tagai i le MFF 58:42).

Molimau a le faiaoga

Tuuina atu lau molimau e uiga i le togiola a Iesu Keriso ma le taua o le salamo.

Tofi se tamaititi e faia le tatalo faaiu

Gaoioiga e Faatosina Mai Ai

Filifili mai gaoioiga nei ni gaoioiga o le a sili ona fetaui mo tamaiti. E mafai ona e faaaogaina i le lesona lava ia po o le avea ma se iloiloga po o se aotelega. Mo nisi taiala faaopoopo, tagai i “Taimi o le Vasega” i “Fesoasoani mo le Faiaoga.”

1. Fesoasoani i tamaiti matutua e tauloto le mataupu faavae lona tolu o le faatuatua. Iloilo lenei mataupu faavae o le faatuatua faatasi ma tamaiti laiti. Faamalamalama atu ni upu po o ni manatu e le malamalama ai tamaiti.

2. Tusi i luga o le laupapa le Mataupu Faavae ma Feagaiga 19:16, ona tuu atu lea i tamaiti matutua o le vasega latou te faitauina mai. Ia faamalamalama atu o le “Atua” i le fuaiupu lea o lona uiga o Iesu Keriso. Fai atu i tamaiti e faamatala mai le fuaiupu i ni a latou lava upu.

   Ia faamatala atu e alofa le Tama Faalelagi ia i tatou ma e finagalo o ia ina ia tatou toe mau faatasi ma ia. Ao lei mafai ona tatou toe mau faatasi ma ia, e tatau ona tatou salamo mai a tatou agasala uma ma ia faamagaloina.

   • Aisea lava na naunau ai Iesu Keriso e puapuagatia mo i tatou uma taitoatasi? (Aua e alofa o ia ia te i tatou.)

   • Na faapefea ona fesoasoani puapuaga o Iesu Keriso ia i tatou? (Aua na ia puapuagatia mo a tatou agasala, ua mafai ona tatou salamo ma faamagaloina.)

   Tufatufa atu ni kopi o le pepa e tufaina atu o lo o i lalo ma se penitala mo tamaiti taitoatasi uma o ē mafai ona faitau ma tusitusi. Faitau faatasi ma i latou le savali. Fesili atu po o ai na te mafaia ona iloa po o a upu e tuu i avanoa. O avanoa muamua lava e ono e mo mataitusi o le upu salamo, ae o isi avanoa e fitu e mo le upu Togiola. Tuu atu i tamaiti latou te faatumuina ia avanoa. Ia e luiina tamaiti e ave a latou savali i le fale, ma faitau atu i o latou matua, ma faamatala atu iai mea na latou aoaoina i le Peraimeri. Ia faaiuina le gaoioiga i le faitauina faatasi leotele e le vasega le savali.

special message

O Se Savali Faapitoa

E mafai ona faamagaloina au pe a ou talu ai le a Iesu.