Eksodi 4–5; 7–12

Plagët e Egjiptit

Zgjedhjet e Faraonit kundër Zotit

Moisiu i mirëbesoi Zotit dhe u rikthye në Egjipt. Moisiu dhe vëllai i tij, Aaroni, shkuan te Faraoni dhe i kërkuan t’i linte izraelitët të lirë dhe të largoheshin nga Egjipti. Faraoni u zemërua dhe kundërshtoi. Ai i detyroi izraelitët të punonin edhe më shumë.

Eksodi 4:10–16; 5:1–18

Ngaqë Faraoni nuk e dëgjoi Zotin, egjiptianët u mallkuan me plagë të tmerrshme. Së pari, gjithë ujërat në Egjipt u shndërruan në gjak. Moisiu i kërkoi përsëri Faraonit që t’i linte izraelitët të shkonin, por Faraoni tha jo.

Eksodi 7:14–25

Pastaj, Zoti dërgoi bretkosa në Egjipt. Ato qenë kudo. Faraoni tha se do t’i linte izraelitët të shkonin nëse bretkosat largoheshin. Zoti bëri që bretkosat të largoheshin, por Faraoni nuk i la izraelitët të shkonin. Atëherë Zoti dërgoi mushkonja dhe miza.

Eksodi 8:1–32

Pastaj të gjitha kafshët bujqësore të egjiptianëve ngordhën, por asnjë nga kafshët e izraelitëve nuk ngordhi. Pastaj egjiptianët patën plagë të dhembshme në trupat e tyre.

Eksodi 9:3–12

Një stuhi e madhe me breshër dhe zjarr gjithashtu erdhi në Egjipt. Kjo shkaktoi shkatërrim të tmerrshëm.

Eksodi 9:22–35

Faraoni përsëri nuk do t’i linte izraelitët të shkonin. Atëherë Zoti dërgoi karkaleca dhe ata hëngrën gjithë ushqimin e popullit.

Eksodi 10:12–20

Atëherë pati tri ditë errësirë. Gjatë shumë plagëve, Faraoni premtoi t’i linte izraelitët të shkonin nëse plagët do të ndalonin, por çdo herë ai gënjeu.

Eksodi 10:21–23, 27

Pas nëntë plagësh të ndryshme, Faraoni përsëri nuk do t’i linte izraelitët të shkonin. Zoti i tha Moisiut se një tjetër plagë e tmerrshme do të vinte. Zoti i drejtoi dhe i mbrojti izraelitët kur ata prisnin për lirinë e tyre.

Eksodi 11:4–7; 12:1–13