Rahabi dhe Spiunët

Një zgjedhje që shpëton një familje

Një grua e quajtur Rahab jetonte në Jeriko përpara se të pushtohej nga izraelitët. Ajo dëgjoi se Zoti e kishte ndarë në mes Detin e Kuq për izraelitët. Rahabi e dinte se Zoti do t’i ndihmonte izraelitët që të luftonin kundër qytetit të saj. Njerëzit në Jeriko ishin të ligj.

Jozueut 2:9–11

Profeti Jozue udhëhoqi ushtrinë izraelite. Ai dërgoi dy spiunë në Jeriko. Por spiunët u panë dhe mbreti i Jerikos dërgoi rojat për t’i arrestuar.

Jozueut 2:1–3

Spiunët erdhën te shtëpia e Rahabit. Rahabi ra dakord t’i ndihmonte spiunët, prandaj i fshehu mbi çatinë e vet.

Jozueut 2:4–6

Njerëzit e mbretit kërkuan në shtëpinë e Rahabit, por nuk mundën t’i gjenin spiunët. Pasi ata u larguan, Rahabi u kërkoi spiunëve ta mbronin familjen e saj kur ushtria e tyre të vinte për të luftuar kundër Jerikos. Spiunët i premtuan Rahabit se familja e saj do të ishte e sigurt. Atëherë Rahabi hodhi një litar jashtë dritares që spiunët ta përdornin për të shpëtuar.

Jozueut 2:3, 12–15

Spiunët u kthyen te profeti Jozue dhe i thanë ushtrisë izraelite që të mos dëmtonte askënd në shtëpinë e Rahabit. Më vonë, kur izraelitët luftuan kundër Jerikos, ata e mbajtën premtimin që i bënë Rahabit. Guximi i Rahabit e shpëtoi familjen e saj. Familja e saj u bashkua me popullin e Zotit.

Jozueut 2:23; 6:25; Hebrenjve 11:31