Mga Kahanas sa Pagtuon sa Kasulatan

Mga Kahanas sa Pagtuon sa Kasulatan

Kinatibuk-ang Pagpasabot

Ang mga kasulatan mao ang paagi nga gihatag sa Dios aron makakat-on kita bahin kang Jesukristo ug sa Iyang ebanghelyo. Pero, adunay mga himan nga atong magamit nga makatabang aron mas epektibo ang atong mga paningkamot nga mas mapaduol kang Jesukristo pinaagi sa pagtuon sa kasulatan. Kini nga mga leksiyon makatabang sa mga estudyante nga makasabot ug makapraktis sa paggamit sa mosunod nga mga himan: pagpunting sa Manluluwas, pagpangita sa mga kamatuoran sa ebanghelyo, pagbutang og mga mubo nga sulat diha sa mga tudling sa kasulatan, pagdapit sa Espiritu Santo, ug pagtandi aron mailhan ang mga baroganan nga wala klarong hisgoti diha sa mga kasulatan.

Sugyot sa gipaspason: Kini nga mga leksiyon mahimong itudlo bisan kanus-a. Pero, epektibo tingali ang pagtudlo sa usa o kapin pang leksiyon sa mga kahanas sa pagtuon sa kasulatan sa sinugdanan sa tuig sa pagtungha, dayon ipaila ang laing kahanas human sa pipila ka semana. Motugot kini sa mga estudyante nga makat-onan ug mapraktisan kini nga mga kahanas sa tibuok tuig.

Pangandam sa Pagtudlo

Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.

Pagpunting kang Jesukristo diha sa mga Kasulatan

Katuyoan sa leksiyon: Aron tabangan ang mga estudyante sa pagpunting sa Manluluwas samtang magtuon sa mga kasulatan.

• Pagpangandam sa estudyante: Dapita ang mga estudyante nga pangitaon ang mga panglantaw nga ilang nakat-onan bahin sa Langitnong Amahan ug kang Jesukristo samtang sila personal nga magtuon sa kasulatan o magtuon sa kasulatan uban ang ilang pamilya. Dapita sila sa pagsulod sa klase nga andam ipakigbahin ang ilang nakat-onan.

• Sulod nga ipakita: Pamahayag gikan kang Elder Christofferson; hulagway ni Sadrac, Mesac, ug Abednego diha sa nagkalayong hudno; Mga lakang nga motabang sa pagpunting sa Manluluwas diha sa pagtuon sa kasulatan

• Bidyo: D. Todd Christofferson “Ang mga Panalangin sa Kasulatan” gikan sa time code 10:49 hangtod 11:21

Pagpangitag mga Kamatuoran sa Ebanghelyo diha sa mga Kasulatan

Katuyoan sa leksiyon: Aron tabangan ang mga estudyante nga dugangan ang ilang katakos sa pagpangitag mga kamatuoran sa ebanghelyo diha sa kasulatan nga motabang nila nga mas maduol sa Ginoo.

• Pagpangandam sa estudyante: Dapita ang mga estudyante nga markahan o irekord sa ilang mga kasulatan ang usa ka butang nga ilang nakat-onan gikan sa ilang personal nga pagtuon sa kasulatan. Dayon pwede nilang hangyoon ang usa ka higala o sakop sa pamilya nga basahon ang mao ra nga tudling sa kasulatan, ipakigbahin ang ilang nakat-onan gikan niini, ug itandi ang mga panabot.

• Mga materyal: Pagdalag saging o prutas nga naay panit nga sagad dili gikaon; o, pagpakita og hulagway niini

• Handout: “Pagpangitag mga Kamatuoran diha sa mga Kasulatan”

• Sulod nga ipakita: Ipakita ang mga pangutana gikan sa “Hatagi og Kahulogan” nga bahin sa “Ilha ang mga kamatuoran nga wala direktang hisgoti”; ipakita ang mga instruksiyon gikan sa “Pagpraktis” nga bahin sa sama nga seksiyon

Pagbutang og mga Mubo nga Sulat diha sa mga Kasulatan

Katuyoan sa leksiyon: Makakat-on ang mga estudyante sa pagbutang og mga mubo nga sulat diha sa ilang kasulatan sa paagi nga makatabang nila nga mas maduol sa Langitnong Amahan ug ni Jesukristo.

• Pagpangandam sa estudyante: Dapita ang mga estudyante nga pangutan-on ang pipila sa ilang pamilya, ward, o branch kon unsay ilang nakita nga makatabang dihang magmarka sa mga kasulatan. Kinahanglang mosulod sa klase ang mga estudyante nga andam mopakigbahin sa ilang nakat-onan.

• Mga aytem nga ipakita: Pagdala og personal nga hut-ong sa mga kasulatan, mas maayo kon ang unang hut-ong sa personal nga mga kasulatan

• Sulod nga ipakita: Ipakita o isulat diha sa pisara ang usa ka bersikulo sa kasulatan (mas maayo kon bersikulo sa Doktrinal nga Kahanas)

• Handout: “Pagpraktis sa Pagbutang og mga mubo nga sulat diha sa mga Kasulatan”

• Mga Bidyo: D. Todd Christofferson, “Ang Panalangin sa Kasulatan” gikan sa time code 13:51 hangtod 15:05; “Sistema sa Pagmarka nga Epektibo Para Nimo” (1:56); “Pag-highlight” (wala pa ma-publish); “Pagsulat og mga Nota” (wala pa ma-publish); “Pag-link” (wala pa ma-publish)

Mga Aksiyon nga Magdapit sa Espiritu Santo diha sa Pagtuon sa Kasulatan

Katuyoan sa leksiyon: Praktison sa mga estudyante ang mga kahanas nga magdapit sa Espiritu Santo diha sa pagtuon sa kasulatan.

• Pagpangandam sa estudyante: Dapita ang mga estudyante sa paglista sa mga ideya nga ikahatag nila sa usa ka higala nga motabang nila sa pagpauswag sa ilang personal nga pagtuon sa kasulatan. Pwede nilang pangayoan og ideya ang uban nga pwedeng idugang sa ilang listahan.

• Mga hulagway: Duha nga gidrowing nga stick nga tawo ang porma diha sa pisara

• Mga materyal: Gagmayng piraso sa papel para sa matag estudyante nga walay journal

• Bidyo: Elder Stevenson, “Mga Pag-aghat sa Espiritu” gikan sa time code 10:20 hangtod 10:41; Presidente Oaks, “2.3.1. Ganahan Ko sa Akong Inadlaw nga Pagtuon sa Kasulatan” gikan sa time code 0:24 hangtod 1:08; Elder D. Todd Christofferson, “Dihang Ikaw Makabig” gikan sa time code 3:25 hangtod 4:19

• Sulod nga ipakita: Naay upat ka punto nga instruksiyon diha sa “Pagpraktis” nga bahin sa seksiyon nga “Pamalandongi ang mga kasulatan”

Paghimog mga Pagtandi

Katuyoan sa leksiyon: Aron tabangan ang mga estudyante nga makahimo og mga pagtandi sa mga kasulatan aron mailhan ang kamatuoran nga wala direktang hisgoti.

• Pagpangandam sa estudyante: Dapita ang mga estudyante nga tun-an ang Moises 4:1–2, nga pangitaon ang mga kapareha ug kalainan nga ilang makita tali kang Jesukristo ug kang Satanas. Dapita sila nga pamalandongan kon nganong mapuslanon ang paghimo og mga pagtandi diha sa mga kasulatan.

• Sulod nga ipakita: Tulo ka pangutana sa sinugdanan sa leksiyon; ang hulagway sa Konseho sa Langit

• Mga materyal: Pagdalag gamayng asukar ug asin; o ipakita ang hulagway niini

• Hulagway: Hulagway sa asin ug asukar; hulagway sa Konseho sa Langit