Mga Kahanas sa Pagtuon sa Kasulatan: Leksiyon 168

Pagbutang og Komento diha sa mga Kasulatan

Pagpauswag sa Atong Pagtuon pinaagi sa Pagmarka, Pagdugang og Mubo nga mga Sulat, ug Pag-link sa Atong mga Kasulatan

Ang personal nga pagtuon sa kasulatan makatabang nato sa pag-ugmad og mas lig-ong relasyon sa Langitnong Amahan ug ni Jesukristo. Makatabang nato ang pagbutang og komento sa atong mga kasulatan (pagmarka, pagdugang og mga mubo nga mga sulat, ug pag-link), aron sa paghatag og dugang nga pagtagad sa mga pulong nga atong gitun-an ug moresulta sa pagbati nga mas duol sa Langitnong Amahan ug ni Jesukristo. Niini nga leksiyon, makakat-on ang mga estudyante kon unsaon pagbutang og komento sa ilang mga kasulatan sa paagi nga makatabang nila nga mobati nga mas mapaduol sa Langitnong Amahan ug ni Jesukristo.

Pagpangandam sa estudyante: Dapita ang mga estudyante nga pangutan-on ang pipila sa ilang pamilya, ward, o branch kon unsay ilang nakita nga makatabang dihang magmarka sa mga kasulatan. Kinahanglang mosulod sa klase ang mga estudyante nga andam mopakigbahin sa ilang nakat-onan.

Posibleng mga Kalihokan sa Pagkat-on

Akses ngadto sa mga kasulatan

Sa pagsugod sa klase, ikonsiderar ang pagpakita o pagdrowing og usa ka batan-ong lalaki gikan sa kapanahonan sa Daang Tugon, sama sa mosunod. Sultihi ang mga estudyante nga kini maoy usa ka Israelita nga tin-edyer gikan sa 600 BC nga ginganlan og Jacob. Dapita ang mga estudyante sa paghanduraw nga ilang giinterbiyo si Jacob. Dapita ang mga estudyante nga hisgotan uban sa usa ka partner o gagmayng grupo kon unsaon kaha pagtubag ni Jacob ang mosunod nga tulo ka pangutana.

• Sa imong panahon, unsaon ninyo pagbaton og mga kasulatan?

• Unsay kinahanglan ninyong himoon aron makakat-on gikan sa mga kasulatan?

• Unsa kaha ang inyong interaksiyon sa mga kasulatan?

  Kon nagkinahanglan og tabang ang mga estudyante, pwede nimong ipakigbahin nga ang mga kasulatan niadtong 600 BC gikulit sa mga metal nga palid ug gisulat diha sa kahoy nga mga papan o posible sa papel nga gama sa panit. Kinahanglan tingaling mobiyahe si Jacob diin adunay mga kasulatan ug maminaw niadtong mobasa niini. Naminaw pod tingali siya niadtong mga tawo kinsa mopakigbahin sa ilang nahinumdoman.

• Kon si Jacob ang nag-interbiyo nimo, unsay imong tubag niining mga pangutanaha?

• Unsa kahay iyang hunahuna bahin sa imong mga tubag?

Aron tabangan ang mga estudyante nga hunahunaon ang ilang talagsaong kahigayonan nga adunay akses sa mga kasulatan, ipakigbahin ang mosunod nga pamahayag.

Si Elder D. Todd Christofferson sa Korum sa Napulog Duha ka Apostoles mitudlo:

Hunahunaa ang gidaghanon sa atong panalangin sa pagkaangkon sa Balaang Biblia ug sa mga 900 ka dugang nga mga pahina sa kasulatan, lakip na ang Basahon ni Mormon, ang Doktrina ug mga Pakigsaad, ug ang Perlas nga Labing Bililhon. Dayon hunahunaa, nga dugang, sa mga pulong sa mga propeta nga gipamulong ingon nga sila nadasig pinaagi sa Espiritu Santo sa mga higayon nga sama niini, diin gitawag kini sa Ginoo og kasulatan (tan-awa ang D&P 68:2–4), muabot ngari kanato hapit kanunay. … Sa akong pangagpas wala gayod sukad sa kasaysayan nga ang mga tawo napanalanginan sa ingon ka buhong sa mga kasulatan. Ug dili lamang kana, apan ang matag lalaki, babaye, ug bata mahimong makaangkon ug magtuon sa iyang personal nga kopya niining sagrado nga mga teksto, labaw sa tanan diha sa iyang kaugalingong pinulongan. Hilabihan ka nindot niining butanga kon nahitabo sa mga … Santos sa unang mga dispensasyon! Sa tinud-anay uban niini nga panalangin ang Ginoo nagsulti kanato nga ang atong panginahanglan alang sa makanunayon nga kapilian sa mga kasulatan mas labaw ka dako kay sa bisan kanus-a sa miaging panahon. (“Ang Panalangin sa Kasulatan,” Liahona, Mayo 2010, 35)

• Unsay mipatigbabaw kanimo gikan sa pahayag ni Elder Christofferson?

• Unsay mga kaayohan sa pagbaton og kaugalingong hugpong sa mga kasulatan?

  Ikonsiderar ang pagpakita sa kaugalingon nimong hugpong sa mga kasulatan. (Kon naa ka niini, pwede nimong dad-on ang unang hugpong sa mga kasulatan nga imong gipanag-iya.) Pwede nimong ipakigbahin sa mga estudyante kon unsa kaimportante sa imong kinabuhi ang pagbaton og kopya sa mga kasulatan.

  Ipakigbahin sa mga estudyante nga usa sa mga panalangin sa pagbaton og personal nga mga kasulatan mao ang abilidad sa pagbutang og mga komento niini (pagmarka, pagsulat ug mubo nga mga sulat, ug pag-link sa mga bersikulo).

• Unsay mga kaayohan sa pagbutang og komento sa imong personal nga mga kasulatan?

Dapita ang mga estudyante nga mangita og mga paagi aron mas magamit nila ang ilang mga personal nga kasulatan karon pinaagi sa pagbutang og komento.

Wala tingali moy igong oras para hutdon paghisgot ang tulo ka kahanas sa pagbutang og komento. Pilia lang kadtong makahatag og labing makapanalangin sa imong mga estudyante. Kon daghang kahanas ang imong itudlo, pwede una nimong itudlo ang “Hatagi og Kahulogan” ug “Modelo” nga mga bahin sa mga kahanas, dayon hatagi og higayonang mga estudyante sa “Pagpraktis” sa mga kahanas sa samang higayon.

Sa dili pa nimo ipaila ang mga kahanas, ikonsiderar ang pagpakita o pagsulat diha sa pisara sa kompletong bersikulo sa Moises 7:18 (o uban pang bersikulo nga imong napili) aron mamarkahan kini sa lahilahi nga mga paagi sa tibuok leksiyon.

Kahanas: Pagmarka sa mga kasulatan

Hatagi og kahulogan

Ang pagmarka sa mga kasulatan mao ang usa ka paagi sa paghatag og gibug-aton sa usa ka pulong, hugpong sa mga pulong, o bersikulo nga para nimo importante o makahuloganon. Makatabang kini nimong mahinumdoman ang mga gitudlo sa bersikulo. Makatabang usab ang pagmarka sa mga kasulatan aron sa paghatag og mas dakong pagtagad sa imong gibasa, nga makaabli sa imong hunahuna ug kasingkasing sa mas lawom nga pagsabot kang Jesukristo, sa Iyang mga pagtulun-an, ug sa mga pulong sa Iyang mga sulugoon.

Modelo

Ikonsiderar ang pagdapit sa pipila ka estudyante nga moduol sa pisara aron ipakita ang lainlaing paagi sa pagmarka sa Moises 7:18, nga gipakita diha sa pisara.

• Unsa kaha ang lainlaing paagi tingali sa pagmarka sa mga tawo sa ilang mga kasulatan?

  Apil tingali sa mga tubag ang pag-highlight sa bersikulo, pagbadlis sa hugpong sa mga pulong, o paglingin sa usa ka pulong.

  Ionsiderar ang pagpasalida sa bidyo nga “A Marking System That Works for You” (1:56), diin gihisgotan ni Elder David A. Bednar sa Korum sa Napulog Duha ka Apostoles ang pagmarka sa mga kasulatan. Human sa bidyo, pwede nimong pangutan-on ang mga estudyante nga maghatag og dugang mga paagi sa pagmarka sa mga kasulatanan nga wala pa mahisgoti.

  Para sa digital nga mga kasulatan, ikonsiderar ang pagpakita sa mga estudyante kon unsaon pagmarka sa ilang mga kasulatan gamit ang lainlaing kolor sa pag-highlight ug pagbadlis. Kini nga mga feature maghatag sa mga estudyante og daghang kapilian kon unsaon pag-personalize sa mga estudyante ang pagbutang og komento. Alang sa tabang niini, iklik ang tulo ka tuldok sa ibabaw nga tuong bahin sa Gospel Library app, dayon iklik ang “Tabang.” Makita nimo didto ang bidyo nga nag-ulohang “Pag-highlight sa usa ka tudling.”

• Unsay pipila ka rason kon nganong ikaw nakahukom nga markahanog usa ka butang sa imong kasulatan?

Pagpraktis

Usa ka paagi sa pagtabang sa mga estudyante nga magpraktis mao ang paghatag sa matag estudyante og kopya sa handout nga “Pagpraktis sa Pagmarka sa mga Kasulatan sa kada estudyante.” Kon papel nga kasulatan ang gamit sa imong mga estudyante, imbes gamiton ang gihatag nga handout, pwede nimong kopyahon ang usa ka panid sa kasulatan diin naglakip sa Salmo 116:1–9 aron praktisan sa mga estudyante. Ang paghatag og usa niini nga mga kapilian nagtugot sa mga estudyante nga masulayan ang lainlaing paagi sa pagmarka aron makita kon unsaon nila parkama o dili pagmarka ang ilang personal nga mga kasulatan. Pwedeng basahon sa mga estudyante ang unang upat ka bersikulo sa handout (Salmo 116:1–4) gamit ang usa ka matang sa pagmarka ug ang kataposang lima ka bersikulo (Salmo 116:5–9) gamit ang laing matang sa pagmarka. Kon naggamit ang mga estudyante og elektronikong mga kasulatan, pwede nilang basahon ug markahan ang parehas nga mga bersikulo diha sa Librarya sa Ebanghelyo gamit ang lainlaing mga paagi. Pwede nimong ipakita nila kon unsaon nila pagtangtang ang ilang digital nga mga marka, kon gusto nila ning himoon human ang praktis.

Kahanas: Pagsulat og mubo nga mga sulat

Hatagi og kahulogan

Ang usa ka paagi sa pagbutang og komento mao ang pagsulat og mubo nga mga sulat.

Si Elder David A. Bednar sa Korum sa Napulog Duha ka Apostoles mitudlo sa mosunod bahin sa kon unsaon ug nganong magsulat og mubo nga mga sulat:

Ang pagsulat sa unsay atong nakat-onan, gihunahuna, ug gibati samtang magtuon kita sa mga kasulatan maoy laing matang sa pagpamalandong ug usa ka gamhanan nga pagdapit sa Espiritu Santo alang sa padayon nga pagtudlo. (“Tungod kay Kita Nakakita Kanila,” Liahona, Abr. 2006, 20)

Modelo

• Unsa ang lain-laing mga paagi nga atong masulat ang atong nakat-unan, gihunahuna, o gibati ingon nga bahin sa atong pagtuon sa kasulatan?

Tabangi ang mga estudyante nga masabtan nga pwede silang magsulat diha sa mga ngilit sa ilang mga kasulatan, sa ilang journal sa pagtuon, o sa elektronik nga note.

Gamit ang bersikulo diha sa pisara, ipakita kon unsaon sa mga estudyante pagsulat og mubo nga sulat diha sa mga ngilit sa ilang mga kasulatan. Ikonsiderar ang pagpakita sa ehemplo kon giunsa nimo pagsulat og mubo nga sulat diha sa kaugalingon nimong mga kasulatan o journal sa pagtuon. Pwede usab nimong ipakita kon unsaon pagkuha og elektronik nga note gamit ang note nga feature sa Gospel Library (tan-awa ang “Irekord ang imong mga hunahuna” sa seksiyong “Tabang”).

Pagpraktis

Kon gigamit nimo ang handout ganina, dapita ang mga estudyante nga mopili og butang nga ilang gimarkahan gikan sa Salmo 116. Dayon dapita ang mga estudyante nga isulat sa mga ngilit ang ilang nakat-onan, nahunahunaan, o nabati samtang nagtuon. Kon naggamit ang mga estudyante og digital nga mga kasulatan, pwede silang magdugang og note sama sa usa sa ilang mga gimarkahan gikan sa mga bersikulo.

Kon aduna pay oras, pwede nimong dapiton ang mga estudyante nga ipakigbahin ang ilang gisulat ngadto sa klase o gagmayng grupo.

Kahanas: Pag-link sa mga bersikulo

Hatagi og kahulogan

Tungod kay ang mga kasulatan makadugang og pagsabot o suporta sa ubang mga kasulatan, makatabang tingali ang pag-cross reference o pag-link sa maong mga kasulatan. Usa ka paagi sa paghimo niini mao ang pagsulat og usa ka kasulatan ngadto sa ngilit sa laing kasulatan. Pwede usab nimong gamiton ang “Link” nga function sa Gospel Library.

Modelo

I-refer ngadto sa kasulatan diha sa pisara. Dapita ang mga estudyante nga basahon ang mosunod nga kasulatan ingon nga cross reference. Kon lahi nga bersikulo ang imong gibutang sa pisara, pangita og haom nga bersikulo nga imong i-link niini.

Basaha ang Doktrina ug mga Pakigsaad 97:21 ug pangitaa kon sa unsang paagi kini nga bersikulo may kalabotan sa Moises 7:18.

• Ngano kahang makatabang man ang pag-link niining duha ka bersikulo?

Isulat ang Doktrina ug mga Pakigsaad 97:21 tupad sa bersikulo nga naa sa pisara nga morag gisulat kini diha sa ngilit sa bersikulo. Para sa digital nga mga kasulatan, ipakita sa mga estudyante kon unsaon pag-link sa mga bersikulo gamit ang “Link” nga function sa Librarya sa Ebanghelyo (tan-awa ang “I-link ang konektadong mga content” diha sa seksiyong “Tabang”).

Pagpraktis

Dapita ang mga estudyante nga tan-awon pag-usab ang handout. Para niini nga praktis, ikonsiderar ang pagbahin sa mga estudyante ngadto sa gagmayng grupo ug dapita sila sa paghunahuna og laing mga kasulatan nga may kalabotan sa ilang gimarkahan diha sa ilang papel. Samtang mangita sila og mga ehemplo, pwede kining ipakigbahin sa mga estudyante ngadto sa ilang mga grupo ug dungan kini nilang basahon. Dayon pwedeng idugang sa mga estudyante ang mga cross reference diha sa mga ngilit sa papel o magdugang og mga link gamit ang link function diha sa ilang digital nga mga kasulatan.

Panapos

Ionsiderar ang pagdapit og pipila ka boluntaryo sa pagpakigbahin sa unsa ilang nakat-onan samtang nagpraktis niini nga mga kahanas sa pagbutang og komento. Pwede nimo silang pangutan-on og sama sa duha ka pangutana sa ubos. Pasalamati ang tubag sa mga estudyante.

• Sa unsang paagi nakatabang ang imong pagbutang og komento sa imong kasulatan aron mas maduol pa ni Jesukristo diha sa imong personal nga pagtuon?

• Unsa ang usa ka panabot o kahanas ang imong nabatonan karon nga makatabang nimo aron makiglambigit nga mas makahuloganon sa mga kasulatan?

Pwede nimong ipakigbahin ang imong pagpamatuod kon sa unsang paagi nahimong panalangin sa imong kinabuhi ang pagbutang og komento sa imong personal nga mga kasulatan. Dapita ang mga estudyante nga maningkamot nga mobati nga maduol sa Langitnong Amahan ug ni Jesukristo pinaagi sa pagpraktis sa pagbutang og komento sa ilang mga kasulatan.

Dapita ang mga estudyante nga maghunahuna kon unsa sila kamaayo sa paggamit sa kahanas sa pagbutang og komento ug sa pagpili og kahanas nga ilang nakat-onan og buhaton kini diha sa ilang personal nga pagtuon sa kasulatan.

Dugang nga mga Kapanguhaan

Unsa nga mga kaayohan ang moabot gikan sa pagsulat og mubo nga mga sulat atol sa pagtuon sa kasulatan?

Si Elder Richard G. Scott (1928–2015) sa Korum sa Napulog Duha ka Apostoles mitudlo:

Isulat sa usa ka luwas nga dapit ang importanteng mga butang nga imong nakat-onan gikan sa Espiritu. Imong makaplagan nga samtang magsulat ka sa bililhong mga impresyon, kasagaran dunay daghan pang moabut. Usab, ang kahibalo nga imong maangkon magamit sa tibuok nimong kinabuhi. (“To Acquire Knowledge and the Strength to Use It Wisely,” Ensign, June 2002, 32)

Ang mga kasulatan makahatag og lain-laing pagpasabut sa managlahing panahon sa atong kinabuhi, sumala sa atong panginahanglan. Ang kasulatan nga kadaghan na natong nabasa makahatag og bag-ong kahulogan nga makapalagsik ug puno sa panglantaw kon kita mag-atubang og bag-ong hagit sa kinabuhi.

Sa personal nga paagi giunsa ninyo paggamit ang mga kasulatan? Markahan ba ninyo ang inyong kopya? Butangan ba ninyo og mga sulat ang kilid aron makahinumdom sa espirituhanong giya o sa usa ka kasinatian nga nagtudlo kaninyo og lawom nga leksyon? (“Ang Gahum sa Kasulatan,” Liahona, Nob. 2011, 6)

Dugang nga mga Kalihokan sa Pagkat-on

Dugang mga paagi sa pagmarka sa mga kasulatan

Gipakigbahin ni Presidente Dallin H. Oaks sa Unang Kapangulohan ang iyang hunahuna bahin sa kon unsaon pagmarka ang mga kasulatan. Kini nga bidyo, “Marking Scriptures,” (1:45) pwedeng ipasalida ingon nga kapuli o idugang sa bidyo ni Elder Bednar diha sa leksiyon.

Pag-tag sa mga kasulatan

Ang laing feature nga makatabang sa pagtuon sa mga kasulatan gitawag og pag-tag. Makatabang ang pag-tag aron maorganisar ang mga kasulatan sa usa lang ka hilisgotan. Pananglitan, pwedeng maghimo og tag ang mga estudyante nga nag-ulohan og “Pagdawat og personal nga pagpadayag.” Samtang makadiskobre sila og mga kasulatan o mga pamahayag gikan sa mga lider sa Simabahan bahin ini nga hilisgotan, pwede nilang i-highlight ang maong mga bersikulo o pamahayag, i-touch ang “Tag” nga icon, ug pilion ang tag nga “Pagdawat og personal nga pagpadayag” nga ila nang gihimo sa nangagi. Para sa mga instruksiyon kon unsaon ni paghimo, tan-awa ang “Pagkategorya gamit ang mga tag” diha sa seksiyon nga “Tabang” sa Librarya sa Ebanghelyo.

Para sa papel nga mga kasulatan, makahimo ang mga estudyante og susamang mga tag pinaagi sa pagsulat og mga hilisgotan sa likod sa ilang mga kasulatan o pagbutang og gagmayng papel diha sa ilang mga kasulatan nga naay mga hilisgotan o konektadong mga bersikulo.

Pwede nimong hatagan og higayon ang mga estudyante nga magpraktis pinaagi sa paghimo og tag nga nag-ulohang “Ang calling sa mga propeta.” Dayon pwedeng idugang sa mga estudyante ang mga bersikulo nga sama sa Josue 1:1–9; 2 Mga Hari 2:5–15; Isaias 6:5–8; Jeremias 1:4–10; ug Moises 6:27–34. Dasiga ang mga estudyante nga magdugang sa tag ug maghimo og uban pang tag para sa mga hilisgotan samtang padayon silang nagtuon sa mga kasulatan.