« ម៉ូសេ ១; អ័ប្រាហាំ ៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៦ )
« ម៉ូសេ ១; អ័ប្រាហាំ ៣ ៖ ទិដ្ឋភាពទូទៅ » សៀវភៅសិក្សាព្រះគម្ពីរសញ្ញាចាស់សម្រាប់គ្រូបង្រៀនថ្នាក់សិក្ខាសាលា
ម៉ូសេ ១; អ័ប្រាហាំ ៣
ម៉ូសេ ១; អ័ប្រាហាំ ៣
ទិដ្ឋភាពទូទៅ
ម៉ូសេ ១ និង អ័ប្រាហាំ ៣ រៀបរាប់ឡើងវិញពីបទពិសោធន៍របស់ពួកព្យាការីជាមួយព្រះអម្ចាស់ ។ ព្រះអម្ចាស់បានបង្ហាញអ័ប្រាហាំថា ក្នុងជីវិតមុនផែនដី ទ្រង់បានហៅអ្នកត្រួតត្រាទាំងឡាយឲ្យជួយយើង ។ ព្រះអម្ចាស់បានបង្រៀនម៉ូសេថា ទ្រង់ជាបុត្ររបស់ព្រះដែលមានកិច្ចការដែលត្រូវធ្វើ ហើយថា « កិច្ចការនិងសិរីល្អរបស់ព្រះអម្ចាស់ គឺដើម្បីនាំឲ្យមានអមតភាព និងជីវិតដ៏នៅអស់កល្បជានិច្ចដល់មនុស្ស » ( ម៉ូសេ ១:៣៩ ) ។ ម៉ូសេក៏យកឈ្នះលើការល្បួងរបស់សាតាំងផងដែរ ។
បង្កើតបរិយាកាសដែលមានសុវត្ថិភាពមួយដែលមនុស្សទាំងអស់គោរព ហើយដឹងថា ការរួមចំណែករបស់ពួកគេមានតម្លៃ ។ ការចែកចាយការសរសើរដោយស្មោះស និងការលើកសរសើរដល់ការរួមចំណែករបស់សិស្សនៅក្នុងថ្នាក់ អាចបង្កើនឆន្ទៈរបស់ពួកគេក្នុងការចូលរួមក្នុងមេរៀន ។ ដើម្បីស្វែងយល់បន្ថែម សូមមើល « ស្រឡាញ់អស់អ្នកដែលអ្នកបង្រៀន » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ ឧទាហរណ៍មួយនៃរបៀបធ្វើបែបនេះ អាចរកបាននៅក្នុងមេរៀន « អ័ប្រាហាំ ៣ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
អ័ប្រាហាំ ៣
គោលបំណងមេរៀន ៖ ដើម្បីជួយសិស្សឲ្យយល់ពីរបៀបដែលការដឹងអំពីជីវិតមុនផែនដីនៅក្នុងផែនការរបស់ព្រះវរបិតាសួគ៌អាចជួយពួកគេបាន ។
-
ការរៀបចំរបស់សិស្ស ៖ សូមអញ្ជើញសិស្សឲ្យសួរមិត្ត ឬសមាជិកគ្រួសារអំពីអ្វីដែលពួកគេដឹងអំពីជីវិតមុនផែនដី និងរបៀបដែលការដឹងអំពីជីវិតមុនផែនដីអាចជួយពួកគេបាន ។
ម៉ូសេ ១:១–១១
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍ថា ពួកគេជាបុត្ររបស់ព្រះ ហើយទ្រង់មានកិច្ចការសម្រាប់ពួកគេធ្វើ ។
-
ការរៀបចំរបស់សិស្ស ៖ សូមអញ្ជើញសិស្សឲ្យជញ្ជឹងគិត ឬសរសេរអ្វីដែលពួកគេជឿថា ជាគោលបំណងនៅក្នុងជីវិតរបស់ពួកគេ ។
-
រូបភាព ៖ ឧទាហរណ៍ រូបភាពរបស់ម៉ូសេដែលកំពុងញែកទឹកសមុទ្រក្រហម ។
-
វីដេអូ ៖ « I Am a Son of God » ( ៦:៣០ ) ពីនាទីទី ០:០០ ដល់ ២:៤៩ « យើងមានកិច្ចការសម្រាប់អ្នក » ( ១០:២៥ ) ពីនាទីទី ០:១៨ ដល់ ១:១២ ។
ម៉ូសេ ១:១២–២៦
គោលបំណងមេរៀន ៖ ដើម្បីជួយសិស្សទទួលបានកម្លាំងពីព្រះក្នុងការយកឈ្នះលើការល្បួងរបស់ពួកគេផ្ទាល់ ។
-
ការរៀបចំរបស់សិស្ស ៖ សូមអញ្ជើញសិស្សឲ្យជញ្ជឹងគិតពីការល្បួងមួយដែលពួកគេប្រឈមមុខដោយផ្ទាល់ ហើយមករៀនដោយត្រៀមខ្លួនរួចជាស្រេចដើម្បីរៀនពីរបៀបយកឈ្នះការល្បួងនោះ ។
-
វីដេអូ ៖ « I Am a Son of God » ( ៦:៣០ ) ពីនាទីទី ២:៥០ ដល់ ៦:៣០ ។
ម៉ូសេ ១:២៧–៤២
គោលបំណងមេរៀន ៖ ដើម្បីជួយសិស្សឲ្យទទួលអារម្មណ៍ដឹងគុណចំពោះព្រះវរបិតាសួគ៌ និងកិច្ចការរបស់ទ្រង់ក្នុងការនាំមកនូវអមតភាព និងជីវិតដ៏នៅអស់កល្បជានិច្ចដល់បុត្រាបុត្រីទ្រង់ទាំងអស់ ។
-
ការរៀបចំរបស់សិស្ស ៖ សូមអញ្ជើញសិស្សឲ្យគិតពិចារណាអំពីភាពធំធេងនៃការបង្កបង្កើតរបស់ព្រះវរបិតាសួគ៌ និងក្ដីស្រឡាញ់ដែលព្រះវរបិតាសួគ៌មានចំពោះពួកគេម្នាក់ៗ ។ វិធីមួយដែលពួកគេអាចធ្វើបែបនេះបាន គឺការសម្លឹងមើលមេឃនារាត្រីដ៏ស្រឡះមួយ ហើយគិតអំពីអារម្មណ៍របស់ព្រះវរបិតាសួគ៌ចំពោះពួកគេ ក្នុងចំណោមផ្កាយ ភព និងកាឡាក់ស៊ីជាច្រើនដែលទ្រង់បានបង្កើត ។
-
មេរៀនដែលប្រើវត្ថុ ៖ ធុងខ្សាច់តូចមួយ និងធុងទឹកតូចមួយ ឬរូបភាពដីខ្សាច់ ។
-
វីដេអូ ៖ « នេះហើយជាកិច្ចការ និងសិរីល្អរបស់យើង » ( ១៧:១១ ) ពីនាទីទី ០:៥៣ ដល់ ១:៣១; « You Matter to Him » ( ១៩:៣០ ) ពីនាទីទី ៣:៥៦ ដល់ ៤:៤៦ ។