Մատթեոս 27.24-66, Մարկոս 15.15-38
Մինչ Փրկիչը խաչի վրա դաժան ցավեր էր ապրում, Նրա թշնամիները ծաղրում էին Նրան՝ հորդորելով ազատվել այդ տառապանքներից: Սակայն Նա արդարաբար դիմացավ և շարունակեց տառապել մեզ համար: Այս դասը կօգնի ձեզ ավելի լավ հասկանալ և գնահատել Փրկիչի տառապանքները և մահը խաչի վրա՝ որպես Նրա Քավության կարևոր մաս:
Հնարավոր ուսումնական վարժություններ
Հիսուս Քրիստոսը տվեց Իր կյանքը մեզ համար
Այս դասի ժամանակ դուք կիմանաք Հիսուս Քրիստոսի մահվան մասին: Մի պահ մտածեք, թե ինչ գիտեք Փրկիչի մահվան մասին, և ինչ եք զգում դրա մասին մտածելիս: Դուք հավատո՞ւմ եք, որ Նա մահացավ՝ ձեզ փրկելու համար: Եթե այո, ինչպե՞ս կարող եք ձեր երախտագիտությունը ցուցադրել Նրա զոհաբերության համար: Ուսումնասիրելիս փնտրեք Սուրբ Հոգու առաջնորդությունը՝ այս հարցերի պատասխանները ստանալու համար:
Հիսուս Քրիստոսի խաչելությունը
Հրեաների, Հերովդեսի և Պիղատոսի կողմից հարցաքննվելուց հետո Փրկիչը խարազանվեց և խաչվեց Գողգոթայում:
Նշեք «նորան խաչը հանեցին» արտահայտությունը Մատթեոս 27.35 : Կարդացեք «Խաչելություն» գրառումը Սուրբ գրքերի ուղեցույցում կամ Bible Dictionary :
Կարդացեք Փրկիչի Խաչելության մասին հետևյալ հատվածները: Նշեք կարևոր մանրամասները:
-
Մատթեոս 27․27-31 : Հռոմեացի զինվորները ծաղրեցին Փրկիչին:
-
Մատթեոս 27․35-44: Փրկիչին ծաղրեցին խաչի վրա:
-
Մատթեոս 27․45-46, 50 Փրկիչը տառապեց և մահավ խաչի վրա Նշում. Հիսուսը խաչվեց «երրորդ ժամին» ( 9:00, տես Մարկոս 15.25): «Վեցերորդ ժամը» նշանակում է 12:00, «իններորդ ժամը» նշանակում է 15:00:
Որպեսզի լավ պատկերացնեք այս իրադարձությունները, կարող եք դիտել «Հիսուսին խարազանում և խաչում են» տեսանյութը ChurchofJesusChrist.org կայքում 1:04-4:48-ը:
Երեց Ջեֆրի Ռ. Ռ․ Հոլլանդը Տասներկու Առաքյալների Քվորումից բացատրել է, թե Փրկիչն ինչու է հարցրել. «Իմ Աստուած՝ իմ Աստուած, ի՞նչու թողեցիր ինձ»: (Մատթեոս 27․46)
Դիտեք «Ոչ ոք Նրա հետ չէր» տեսանյութը ChurchofJesusChrist.org կայքում 9:00-12:46-ը կամ կարդացեք հետևյալ հայտարարությունը:
Հոգուս ողջ համոզվածությամբ ես վկայում եմ, որ … կատարյալ Հայրը չէր լքել Իր Որդուն այդ պահին։ Իրոք, իմ անձնական հավատամքն է, որ Քրիստոսի ողջ մահկանացու ծառայության ընթացքում Հայրը հավանաբար երբեք այդքան մոտիկ չէր եղել Իր Որդուն, որքան հոգեվարքի այդ տառապանքի վերջին պահերին: Այնուամենայնիվ, … Հայրը մի կարճ պահ Հիսուսից հեռացրեց Իր Հոգու հանգստությունը, Իր անձնական ներկայության աջակցությունը: Իսկապես, Քավության մեջ ամենակարևորն այն էր, որ այդ կատարյալ Որդին, ով երբեք չէր վատաբանել, մեղք չէր գործել, ոչ մի անմաքուր բանի չէր դիպչել, պետք է հասկանար, թե ինչ են զգում բոլոր մարդիկ, երբ մեղքեր են գործում։ Որպեսզի Նրա Քավությունը լիներ անսահման և հավերժական, Նա պետք է զգար, թե ինչ է նշանակում մահանալ ոչ միայն ֆիզիկապես, այլև հոգեպես, զգալ, թե ինչ է նշանակում, երբ աստվածային Հոգին հեռանում է, թողնելով մարդուն զգալ ամբողջովին նվաստացած, անհուսորեն միայնակ:
(Ջեֆրի Ռ․ Հոլլանդ, «Ոչ ոք Նրա հետ չէր», Ensign կամ Լիահոնա, մայիս 2009, 87–88):
-
Երեց Հոլլանդն ի՞նչ է ձեզ օգնել հասկանալ Երկնային Հոր և Հիսուս Քրիստոսի մասին:
-
Այդ իրադարձություններից ի՞նչ է ձեզ տպավորել Հիսուս Քրիստոսի մասին: Ինչո՞ւ:
Խաչաձև հղումներ
Փրկիչը ի զորու էր ազատվել խաչի վրա նվաստացուցիչ և ցավոտ փորձառությունից (տես Մատթեոս 26.52–54), բայց Նա չարեց:
Կարդացեք հետևյալ սուրբ գրություններից առնվազն երեքը՝ հասկանալու համար, թե ինչու: Կարող եք ստեղծել հետևյալի նման աղյուսակ՝ ձեր մտքերը և զգացմունքները համակարգելու համար: Կարող եք նաև խաչաձև հղում անել այս հատվածները Մատթեոս 27.26-ի հետ կամ նշել այս այս հղումները ձեր ընտրած վերնագրով:
Փրկիչն ինչո՞ւ հնազանդվեց խաչելությանը |
Ինչ օրհնություններ ստացանք Նրա արածի շնորհիվ |
Վարդապետություն և Ուխտեր 76․40-42
-
Ո՞ր հատվածն էր առավել նշանակալից ձեզ համար: Ինչո՞ւ:
-
Ի՞նչ սովորեցիք այն մասին, թե Փրկիչն ինչու էր պատրաստ խաչվել մեզ համար:
-
Այս սուրբ գրություններում նշված ո՞ր օրհնությունների համար եք առավել երախտապարտ: Ինչո՞ւ:
Կարևոր է հասկանալ, որ Հիսուս Քրիստոսը խաչվել է աշխարհի մեղքերի համար: Փրկիչի տառապանքները սկսվեցին Գեթսեմանիի պարտեզում և ավարտվեցին Գողգոթայի խաչի վրա: Եթե Փրկիչը չմահանար մեր մեղքերի համար, Նա չէր կարողանա վերադառնալ մեր Երկնային Հոր մոտ:
-
Ինչպե՞ս կբացատրեիք որևէ մեկին այն, որ Փրկիչի Խաչելությունը Իր Քավության մի մասն է: Ինչպե՞ս կբացատրեիք, թե ինչու է այն նշանակալից ձեզ համար:
Եպիսկոպոս Ժերալդ Կոսեն բացատրել է, թե Փրկիչի Քավությունն ինչպես է անձնական յուրաքանչյուրիս համար:
Տիրոջ Քավությունը, իր հասանելիությամբ անսահման և համընդհանուր լինելով հանդերձ, միևնույն ժամանակ զարմանալիորեն նեղ անձնական պարգև է, յուրաքանչյուրիս համար անհատապես։ Այնպես, ինչպես Հիսուսը հրավիրեց նեփիացի աշակերտներից ամեն մեկին շոշափել Իր վերքերը, Նա մեռավ յուրաքանչյուրիս համար, անհատապես, կարծես թե դուք կամ ես միակ մարդը լինեինք երկրի վրա: Նա մեզ անհատական հրավեր է հղում՝ գալ Իր մոտ և ճաշակել Իր Քավության հրաշալի օրհնությունները:
Ժերալդ Կոսե, «Կենդանի վկայություն կենդանի Քրիստոսի մասին», Ensign կամ Լիահոնա մայիս 2020, 40)
-
Ձեր կարծիքով, ինչո՞ւ է կարևոր ճանաչել Փրկիչի Քավության անձնական բնությունը:
Որպեսզի դուք կարողանաք զգալ և հիշել Փրկիչի՝ ձեզ համար կատարված Քավության անձնական բնույթը, ձեր օրագրում գրառում կատարեք: Կարող եք ներառել հետևյալը.
-
Օրհնույթունները, որոնք կարող եք ստանալ Փրկիչի՝ ձեզ համար տարած տառապանքների և խաչելության շնորհիվ
-
Ի՞նչ է ձեզ համար նշանակում, որ Նա մեռավ անհատապես ձեր համար
-
Սուրբ Հոգուց ստացած մտքերն ու տպավորությունները
Բացատրական և պատմական տեղեկություններ
Ո՞րն է Փրկիչի Խաչելության վայրի և ժամի կարևորությունը
Նախագահ Ռասսել Մ. Նելսոնը բացատրել է․
Իր քավության երկրորդ մասը կատարվեց խաչի վրա …
Պիղատոսը մատուցեց Աստծո գառին խաչելության համար հենց նույն ժամանակ, երբ Զատիկի գառներին պատրաստում էին զոհաբերության համար: (Տես Հովհաննես 10․13-14)
Խաչելությունը տեղի ունեցավ Գողգոթա անունով բլուրի վրա, ինչը հունարեն նշանակում է «գանգ»: Գանգը խորհրդանշում էր մահը: Այսպիսի մի վայրում կատարվեց քավիչ զոհաբերությունը: Աշխարհի Փրկիչը հանվեց խաչին որպես մահվան նկատմամբ տարած Տիրոջ հաղթանակի խորհրդանիշ:
(Ռասսել Մ․ Նելսոն, «Ինչու այս սուրբ հողը», Ensign, դեկտեմբեր 1989, 18-19)
Հիսուս Քրիստոսն ինչո՞ւ չփրկեց Իրեն
Երեց Ռոնալդ Ա. Ռասբանդը Տասներկու Առաքյալների Քվորումից բացատրել է.
«Իջիր խաչիցը», - անհավատների ամբոխը չարությամբ ծաղրում էր Նրան Գողգոթայի վրա [Մատթոս 27:40]: Նա կարող էր այդպիսի հրաշք գործել: Բայց Նա գիտեր վերջն ի սկզբանե, և Նա մտադիր էր հավատարիմ մնալ իր Հոր ծրագրին: Մենք չպետք է թերանանք հասկանալ այդպիսի օրինակը։
Ռոնալդ Ա Ռասբանդ, «Ահա, ես հրաշքների Աստված եմ», Ensign կամ Լիահոնա, մայիս 2021, 111)
Քանի մարդու վրա է ազդել Փրկիչի տառապանքը և Խաչելությունը
Երեց Քվենթին Լ. Քուքը՝ Տասներկու Առաքյալների Քվորումից, բացատրել է.
Փրկիչը … Աննկարագրելի ցավ է ապրել Գեթսեմանիում և խաչի վրա՝ Իր Քավությունը կատարյալ դարձնելու համար: … Նա արեց այդ հանուն յուրաքանչյուր տղամարդու և կնոջ, ում Աստված ստեղծել է կամ ստեղծելու է։
(Քվենտին Լ. Քուք, «Հավերժական ամեն օրը», Ensign կամ Լիահոնա, նոյեմբեր 2017, 52)
Փրկիչն ի՞նչ զգաց խաչի վրա
Երեց Ջեյմս Ի. Ի. Թալմիջը Տասներկու Առաքյալների Քվորումից (1862–1933), բացատրել է.
Թվում է, որ բացի խաչելության սարսափելի տառապանքից, վերադարձավ Գեթսեմանիի հոգևարքը՝ հասնելով մարդու դիմանալու զորությունից դուրս մի աստիճանի: Այդ դառնագույն պահին մեռնող Քրիստոսը միայնակ էր, միայնակ սաստիկ իրականության մեջ: Որպեսզի Իր Որդու մեծագույն զոհաբերությունը կարողանար լինել այնքան ամբողջական, Հայրը Հիսուսից հեռացրեց Իր անձնական ներկայության աջակցությունը՝ թողնելով մարդկանց Փրկիչին մեղքի և մահվան ուժերի նկատմամբ հաղթանակի լիարժեք փառքը:
(Հիսուս Քրիստոսը [1916], 661)
Տասներկու Առաքյալների Քվորումից Երեց Բրյուս Ռ. Ռ. ՄակՔոնկին՝ Տասներկու Առաքյալների Քվորումից (1915–85), ուսուցանել է․
Այնուհետև երկինքը սևացավ: Խավարը պատեց երկիրը, այդ թվում նեփիացիներին՝ երեք ժամով: Ու մեծ փոթորիկ բարձրացավ, կարծես հենց ինքը Բնության Աստվածն էր հոգևարքի մեջ:
Նա իսկապես հոգևարք էր ապրում, և քանի դեռ Նա կախված էր խաչի վրա ևս երեք ժամ` կեսօրից մինչև ժամը 15-ը,Գեթսեմանիի բոլոր անսահման տառապանքները և անողորմ ցավերը վերադարձան:
(Բրյուս Ռ. Մակքոնկի, «Գեթսեմանիի մաքրագործող զորությունը», Ensign, մայիս 1985, 10)