Վարդապետության սերտման կրկնություն 11

Հասկացեք և կիրառեք

Painting of Christ reading to people from a scroll in a synagogue.

Այս դասը կօգնի ձեզ կրկնել վարդապետությունների սերտման հատվածներում գտնված ճշմարտությունները և կօգնի ձեզ կիրառել այդ ճշմարտությունները տարբեր հանգամանքներում:

Ներգրավեք ուսանողներին ուսումնական գործընթացում Ուսումնառության ընթացքում ակտիվորեն մասնակցող ուսանողները ավելի հեշտ կհիշեն իրենց սովորածը: Ուսանողներին առաջարկեք մասնակցել ֆիզիկական շարժում և մարդկանց և առարկաների հետ հարաբերություն նախատեսող վարժություններին:

Ուսանողի նախապատրաստում: Հնարավորության դեպքում ուսանողներին տրամադրեք դասի համար նախատեսված թերթիկի մի օրինակ: Առաջարկեք նրանց կրկնել վարդապետության սերտման հղումները և հիմնական արտահայտությունները: Նաև խնդրեք նրանց հիշել, թե որ իրավիճակներում վարդապետության սերտման այս հատվածներում գտնված ճշմարտությունները կարող են օգտակար լինել:

Հնարավոր ուսումնական վարժություններ

Վարդապետության սերտման սուրբ գրությունների հատվածներին վերաբերող դասը կարող է ուսուցանվել այս կրկնության դասի փոխարեն: Վերանայեք տարածաշրջանի, շրջանի տնօրենի կամ համակարգողի կողմից տրամադրված դասացուցակը՝ համոզվելու համար, որ սուրբ գրությունների վարդապետության սերտման հատվածներին վերաբերող յուրաքանչյուր դաս կուսուցանվի սեմինարիայի ընթացքում:

Կրկնեք վարդապետության սերտման հատվածները

Կրկնեք Նոր Կտակարանում գտնվող վարդապետությունների սերտման հատվածները: Դրանցից ո՞րն էիք լավ հիշում: Ո՞րի հետ էիք ավելի քիչ ծանոթ:

• Այս հատվածներում ուսուցանված ո՞ր ճշմարտություններն են առավել իմաստալից ձեզ համար:

Եթե ուսանողների համար օգտակար լինի վարդապետության սերտման հղումները և հիմնական արտահայտությունները կրկնությունը, կարող եք կատարել հետևյալ վարժություններից ցանկացածը կամ բոլորը.

Նշում. Այս վարժությունները կատարելիս օգտակար կլինի ուսանողներին առաջարկել զույգերով աշխատել: Կարող եք օգնության կարիք ունեցող ուսանողներին զուգընկեր ընտրել այն ուսանողներին, ովքեր ցանկանում են և կարող են օգնել նրանց:

1. Ցուցադրեք հղումները գրատախտակի մի կողմում, իսկ պատահական հերթականությամբ ներկայացված հիմնական արտահայտությունները՝ մյուս կողմում: Ուսանողներին առաջարկեք տեսնել, թե նրանք քանի հղում և հիմնական արտահայտություն կկարողանան համապատասխանեցնել: Առաջարկեն նրանց օգտագործել իրենց սուրբ գրությունները՝ իրենց աշխատանքը ստուգելու համար:

2. Ցուցադրեք հիմնական արտահայտության մի մասը և ուսանողներին առաջարկեք ավարտել այն և նշել հղումը:

3. Սկսեք դանդաղ կարդալ հիմնական արտահայտությունը: Երբ ուսանողները ճանաչեն վարդապետության սերտման հատվածը, նրանք կարող են այն բացել իրենց սուրբ գրություններում:

Doctrinal Master - Matthew - John

Սուրբ գրությունների հղումներ	Սուրբ գրության հիմնական արտահայտությունը
Ղուկաս 2.10–12	«Թէ այսօր ձեզ Փրկիչ ծնուեցավ Դաւիթի քաղաքումը. որ է Քրիստոս Տէրը»:
Հովհաննես 3.5	«Եթե մէկը ջրից եւ Հոգուց չծնուի, նա կարող չէ Աստուծոյ արքայությունը մտնել»:
Հովհաննես 3․16	«Որովհետեւ Աստուած այնպէս սիրեց աշխարհքը որ իր միածին Որդին տուաւ»:
Մատթեոս 5.14–16	«Այսպէս լուսաւորէ ձեր լույսը մարդկանց առաջին»:
Մատթեոս 11.28–30	«Ինձ մոտ եկեք, ամեն վաստակածներ եւ բեռնաւորուածներ. եւ ես հանգիստ կտամ ձեզ»:
Մատթեոս 16.15–19	Հիսուսն ասաց. «Ես կտամ քեզ երկնքի արքայութեան բանալիները»:
Հովհաննես 7.17	«Եթե մեկը կամենում է նրա կամքն անել, նա կիմանա այս վարդապետության համար»։
Մատթեոս 22.36–39	«Սիրիր քո Տէր Աստուծուն։ … Սիրիր քո ընկերին»։
Ղուկաս 22.19-20	Հիսուս Քրիստոսը պատվիրեց` ճաշակեք հաղորդությունը «իմ յիշատակի համար»:
Հովհաննես 17.3	«Եվ սա է հավիտենական կյանքը, որ ճանաչեն քեզ միայն ճշմարիտ Աստուած և Հիսուս Քրիստոսին»։
Ղուկաս 24.36–39	«Ոգին մարմին եւ ոսկերք չունի, ինչպէս ինձ էք տեսնում որ ունիմ»:

Սուրբ գրությունների ճշմարտությունները հիշելու միջոցներից մեկն է՝ կապել դրանք առօրյա առարկաների հետ: Ընտրեք վարդապետության սերտման երկու հատվածներ և կրկնեք դրանց հիմնական արտահայտությունները: Այնուհետև յուրաքանչյուր հատվածի հետ կատարեք հեևյալը.

Christmas lit white lightbulbs

• Նկարեք կամ լուսանկարեք այն առարկան, որը, ըստ ձեզ, կապ ունի հատվածի հիմնական արտահայտության հետ: (Օրինակ՝ Մատթեոս 5.14–16 -ի համար կարող եք նկարել կամ լուսանկարել լույսը):

• Գրեք կարճ բացատրություն, թե այդ առարկան ինչ կապ ունի հատվածում ուսուցանած ճշմարտության հետ:

Կապեք ճշմարտությունները կյանքին

Երեց Դեյվիդ Ա․ Բեդնարը Տասներկու Առաքյալների Քվորումից ուսուցանել է մի ճշմարտություն, որը կարող է մեզ օգնել կիրառել վարդապետության սերտման հատվածները: Նա ուսուցանել է, որ «մինչ մենք անցնում ենք մահկանացու կյանքի տարբեր հանգամանքներով, մարտահրավերներով, որոշումներով և փորձառություններով», ավետարանի սկզբունքները «տրամադրում են հավերժական կյանքի արժեքավոր հեռանկարը» («Իմ ավետարանի սկզբունքները», Լիահոնա, մայիս 2021, 123-24): Վարդապետության սերտման հատվածներում գտնված սկզբունքները կարող են օգնել մեզ իմանալ, թե ինչպես արձագանքել կյանքում առաջացող տարբեր իրավիճակներին:

Հետևյալ վարժության համար ուսանողները կարող են գրել իրավիճակը թերթիկի դիմերեսին, իսկ վարդապետության սերտման հատվածը և բացատրությունը՝ դարձերեսին:

Նկարագրեք մի իրավիճակ, որտեղ որևէ մեկը կարող է կիրառել ձեր կողմից ընտրված հատվածի ճշմարտությունը: Բացատրեք, թե այդ ճշմարտության կիրառումն ինչպես կարող է օգնել այդ մարդուն ստանալ Փրկիչի օգնությունը:

Կարող եք հավաքել ուսանողների սցենարները և կարդալ դրանք դասարանին: Դա ուսանողներին թույլ կտա լսել իրենց դասընկերների գաղափարները և տեսնել, որ մեկ հանգամանքում կարելի է կիրառել տարբեր ճշմարտություններ:

Ուսանողների մասնակցությունը խթանելու միջոցներից մեկն է՝ կարդալ սցենարը և ուսանողներին առաջարկել (անհատապես կամ փոքր խմբերով) գրել վարդապետության սերտման այն հղումն ու հիմնական արտահայտությունը, որը, ըստ իրենց, կարող է օգնել սցենարում ներկայացված մարդուն: Եթե ուսանողը կամ խումբը բացահայտել է մի ուրիշ ճշմարտություն, առաջարկեք նրանց բացատրել, թե այդ ճշմարտությունն ինչպես կարող է օգնել:

Խորհեք Փրկիչի ճշմարտությունների շուրջ

Խորհեք վարդապետության սերտման հատվածների և տարվա առաջին կեսում ուսուցանված հիմնական արտահայտությունների շուրջ (տես դասի սկզբում ներկայացված աղյուսակը):

Կարճ նամակ գրեք որևէ մեկին, ով նոր է սկսում հաճախել սեմինարիան և չգիտի վարդապետության սերտման հատվածների մասին: Բացատրեք, թե այդ հատվածներն ինչպես կօգնեն նրանց ավելի լավ ճանաչել Փրկիչին և ինչպես կպատասխանեն այն հարցերին և մարտահրավերներին, որոնց նրանք կարող են հանդիպել իրենց կյանքում: Կարող եք կիսվել օրինակով այն մասին, թե երբ եք դուք կամ ձեր ծանոթը օրհնվել Փրկիչի վարդապետության սերտման հատվածներում ուսուցանված ճշմարտությունները իմանալուց կամ հիշելուց:

Օժանդակ ուսումնական վարժություններ

Դերախաղ

Նախագահ Ջոյ Դ․ Ջոնսը, ով ծառայել է որպես Երեխաների միության գերագույն նախագահ, հայտարարել է, որ դերախաղը «կարող է երեխաներին պատրաստել մարտահրավերների» ( «Կարևոր զրույցներ», Լիահոնա, մայիս 2021, 13): Կարող եք ուսանողներին առաջարկել բացահայտել մի իրավիճակ, որտեղ վարդապետության սերտման հատվածում գտնված ճշմարտությունը կարող է օգնել: Այնուհետև նրանք կարող են դերախաղով ցույց տալ, թե ինչպես կարձագանքեին այդ իրավիճակին՝ օգտագործելով նշված ճշմարտությունը: