Tabitha, ba’ nib Bpin nib “Sug ko Ngongol nib Mangil”
Nikan faseg ko yam’ u dakaen gelngin Yesus Kristus
Tabitha, ba’ nib Bpin nib “Sug ko Ngongol nib Mangil” Mapaer u binaew nib chuchugur ko day, ni kanoeg Joppa ngay. Ma ba adag nima pigpig mabe ayuweg e girdii’ nib gafgow.
Tabitha e ma ngongliy e mad nge pi’ ngak fapi bpin nibt’uf e mad rorad. Yad ba adag Tabitha
Reb e rran, me yibi m’ar Tabitha. Ke m’ar nibgel ke yim’.
Boech fapi choenggin ko Galasia Joppa eke kirebaen’ rad. yad mang ni Peter, nireb e Apostle rok’ Yesus, e bay u reb e binaw nib chuchugur. Mir l’oeged ruwi pummo’on ning ranow ra pinngew Peter ninge papay ngeyib i guy rad.
meyib Peter kogin nibay e dogur ku Tabitha riy. Boech e bpin ni tabitha e i ayuweg e bay u roem. Miyad dag ngak Peter fapi mad ni ke fal’eg Tabitha nifan rad.
me yoeg Peter ngak gubin e girdii’ ningar chuwgad kore singgil nem. Me ragbug nga but’ nge mebil
Tomuren nike mu’ ko mebil, me ga’ar Peter, “Tabitha, mu suwon.” Me pithig owchen me suwon ngalang. Me ayuweg Peter Tabitha nge sak’iy. Ke fos biyay! me pining Peter fapi fagar rok’ Tabitha ningar baed ngar guyed. Miyad gin! Kar nanged nikan faseg ko yam’ u daken fare gelngin Yesus Kristus. mari Yo’or boech e girdii’ ni michaen’ rad Ngak.