Yesus nibe Micheg ea Murwel Rok
Min Siyeg u Nazareth
Yesus ni yaen nga Nazareth, kogin nimapaer ea pi tabinaew nge pi fager Rok riy. Rigin’em ea gin Ni ilol riy Ko fare rran ko Sabbath, Me yaen ko fare synagogue, kogin mayaen ea profet ngay ngar filed fapi chep nib thothup miyad liyoer ku Got.
Uroem ko synagogue, me sakiy Yesus me beqeg ba chep nib thothup ko fare profet Isaiah. Fare chep nib thothup ea yoeg ni bayi borran ma ba Tathpeg ea bay yib. Ra machin nag ea gospel kopi gafgow nge piqen nike tagan gum’irchaqrad. Ra ayweg ea piqen nib maqew nge piqen nike madqad.
Memuq Yesus ko beqeg me paer ngabut’. Gubin ea girdiq mabe sap Ngak. Me yoeg ngorad ni rofen nem, fare chep nib thothup nike beqeg ea beyib i m’ug nib riyul’. I Ir fare Tathpeg.
Fapi girdiq nu Nazareth ea kar gingad ko n’en nike yoeg Yesus. Urogon ni Yesus ea ir fare Tathpeg? Ra lem niged ni Ir fare pagal nifak Mary nge Joseph, gathi Fak Got. Ngorad, Ir ea boed boech ea girdiq.
Yesus ea manang ni fapi girdiq ea yad ba adag Ninge ngongliy ba maqangqang nge micheg ni Ir fare Tathpeg. Me machibnag ni pi maqangqang ea fen ea girdiq nima mich u waen’, ma boech ea ngiyal’ ea ma ngongliy Got boech ea maqangqang ko piqen ni gathi girdiq nu Israel nibchan ea bagel boech ea mich rorad. Boech ea girdiq u langgin fare synagogue ea kar domomuw gad ngak Yesus.
Miyad towasriy i yaen ngawen i yaen ngadaken buchi burey. Yad ba adag ningar thuruyed Ir ngabut’ ko fare burey.
Machene me mil Yesus ngaqurel ko fapi girdiq nike domomuw.
Nibchan ea darqadged Ir u langgin Nazareth, Yesus ea yaen ngareb ea binaew ko machib.