Simon nge fare Gelngin Got
Fil mornga’agen e priesthood rok’ Got
Bay ba mo’on ni kanoeg i Simeon ngak nima paer u Samaria. Napan ni rung’ag e gospel ku Yesus Kristus, me mich u waen’. Ke gin owchen ko fare ma’ang’ang ni ke rin’ fapi pigchalpen Yesus u dakaen fare gelngin Got. min tawfe nag Simon, nge boech e pumo’on nge bpin u Samaria.
Fapi Apostle u Jerusalem er rung’ag’ed ni girdii’ nu Samaria e kan tawfe nag raed. Peter nge John e ranow nga Samaria. Udakaen fare gelngin Got, fare priesthood, miyow tay pa’row nga dakaen loelgen e pi’in ni kan tawfe nag raed mi yow pii’ ngroaed fare tawa’ath ko fare Kan ni Thothup.
Napan niguy Simon Peter nge John ni kar rrin’ew e biney, me pii’ e salpiy ngorow me ga’ar, “mu Pi’ew e binir e gelngin ngog.” Ba adag ni nge chuw’iy fare priesthood rok’ Got ye ngeyog ni nge pii’ boech e towa’ath ko fare Kan Thotup.
me weliy Peter ngak ni dabiyog ni ngad chuw’iyed gelngin Got. Ya ba tawa’ath nibe yib Rok’. me yoe Peter ngak Simon nibt’uf ni nge thilyeg gum’ircha’en. Me yoeg ku Simon ni nge kalngan’ me mebil ngak Got ngening e n’agfan.
Simon e ke kirbaen’. Me yoeg ngak Peter ni nge meybil ni nifen ninge ayuw nge thilyeg pingin.