Yesus nike yib nga Jerusalem
Fapi gidii’ e welcome niged fare Tathpeg rorad
Ke chigura nga napan fare Passover, ba pari nib ga’fan ko Jews. Bo’or ea gidii’ nike yaen nga Jerusalem ko fare Passover. Yesus nge pigchaelpen ea kuranoed boech. Napan ni rungqag ea gidii’ nike yib Yesus, miyaed yan ngar mada’ Niged.
Napan ni chuchgur Yesus nge Pigchaelpen nga Jerusalem, me yoeg ngorad ning ranoed rafeked ba dangki i yib Ngak. Bo’or ea duw nike yaen, niba profet ea yoeg ni fare Tathpeg ea rayib nib sobut’, nibay u daken ea dangki.
Matthew 21:1–7; mukum guy Zechariah 9:9
Me yib Jesus ngalanggin fare city nibay u daken fare dangki. Fapi gidii’ ea kar falfalan’ nikar guyed. Miyaed welcome nag niboed ba pilung. Miyaed tay yuwan ea palm nge mad ngadaken ea but’ ninge yaen fare dangki u daken. Miyaed qoeg ea magar ku Got miyaed tolul nag, “Hosanna: Ngan yiliy fare pilung ko Israel nike yib u daken fidngan fare Samoel.”
Matthew 21:8–9; Luke 19:36–38; John 12:13
Bo’or boech ea gidii’ u Jerusalem niyaed be lemnag komang ea bebuch. “Mini’ ea che’ ney?” mir fithed. Me fulweg boech ea gidii’ ni fare Yesus nu Nazareth.
Nge reb, me yaen Yesus nga temple. Boech ea gidii’ u rom ea yaed be thilthilyeg ea salpiy me yaed be selnag ea gamanman ningan miligach ngay. Ma nang Yesus ni da’an riyul’yul’ gad.
Dabun Yesus niyaed be fek ea salpiy ko gidii’ nike yib ninge mebil u langgin fare temple. Ke tulufrad ko fare temple me buthug ngabut ea tebel rorad. Me ga’ar, “naqun Roeg ea nga noeg ni na’un ni tafen ea meybil, machene kamted kamang tafen ea moro’ro’.”
Matthew 21:12–13; muguy ko Isaiah 56:7; Jeremiah 7:11
Gidii’ nib ma’ew, fa batagan tungun’ay ea yib ku Yesus ngalanggin ea temple, me gol nagrad. Me ga’ar Fapi Bitir “Hosanna,” miyaed ufnag Yesus miyaed be yoeg ni Qir fare Tathpeg.
Boech fapi priest nge scribes ea kar puwaen’gad u napon nir guyed ea n’en nike rin’ Yesus nge n’en nikar rung’agged nike yoeg fapi bitir. Me pug’uran Yesus ngorad marnge’gen ba chep nib thothup nibe yoeg ni Got ea bayi ngongliy ea thin nibfel’ ngeyib u langan ea bitir.
Matthew 21:15–16;mukum guy Psalm 8:2