Yesus ni Tamilangan’ nag L’agruw Gachalpen
Yan nga Emmaus
Ko fare ran ni fos Yesus ko yam’ bay l’agruw gachalpen ni chuw u Jerusalem me yan ngalan binaw ni fithingan Emmaus. Yow e reb pi gachalpen Yesus, ma ke kirbaen’ row. Yow be non ngorow ko mornga’agen Yesus nike yim’ nge ku boch ban’en nike thumur nike buch boche ran nga tomuren.
Napan e yow be yan, me yib Yesus ngabi un ngorow, machane dan nra nangew ni ireram Yesus. Me fith ko mange yow be weliy mornga’agen nge fan nikar kirbaen’ gow.
Ke gin owchrow ngay ni chan’ey e dani nang mornga’agen en’en nike buch. Rogew Ngak mornga’agen Yesus. Kar lemnigew ni chan’em era mang fare Tabayul rorow, machane ke yim’
Ma kur roged ni bay boche bpin ni yan ko malanag Rok, machane de moy e dogur rok Yesus urom. Boche engel e yaog ngak fapi bpin ni Yesus e bay nib fos.
Yesus e fil ngorad en’en nibe yoeg e chep nib thothup ni mornga’agen fare Tathapeg. Ke yoeg ni fapi profet e kar machib niged ni fare Tathapeg era yim’ ma kura fos biyay.
Napan era tawgad nga Emmaus, make midig yal’ Fagli gachalpen era fithew ngak Yesus ni nge par rorow. Yesus nike par ngar abich gaed utabaang. Me fek e flowa, me maybil nag, me t’ar fare flowa me pi’ ngorow. Ma chingiyal’ nem, miyow nang ni ireram Yesus. Ma de n’uw napan ngay me chuw rorow.
Fagli gachalpen era weliyew mornga’agen en’en nikar thamiyew u gum’ircha’enrow napan nibe machib nag Yesus ngorow fapi chep nib thothup. Ra papay gow ngar sulew ngalan yu Jerusalem ni ngar rogew ngak etin ni kabay pi gachalpen nikar guyew Yesus.