Steven ni Michmicheg Yesus Kristu
Ba tapigpig nibe pi’ e yafos rok’ nifan ko mich rok’.
Fare Galasia e be mon’og nib papay. Ribe mo’maw’ ngak fapi Apostel ni ngar ayuweg urngin e choengin ea galasia.
Fapi Apostle er mel’eged medlip e pumo’on ninge pi’ e ayuweg. Maroegned ngak e pi choenggin ea galasia ningar sap niged e pummo’on niyad ba sug ko fare Kan Thothup ma yad ba gonop.
Reb ea girdii’ nikar mel’eged e Steven. Fapi Apostle er yibliyed. Steven e baga’ e mich rok make muruwliy e maʼangʼang ni bo’or u fithikʼ e girdiiʼ.
Steven e machib nag mornga’agen Yesus Kristus u fithik’ e ganop nibay fare Kan Thothiup riy. Machane fapi tiyugang’ ko synagogue e dubrad e n’en nibe machib nag. Yad beyoeg nibe welthin nib togopluw ngak Moses nge Got. Miyad fek Steven iyib nga po’owchen e High Priest nge boech fapi tiyugang’.
Owchen Steven e boed rogon owchen ba engel. Ke pug’uraen nghak fapi tiyugang’ ni Got eke l’oeg Moses ninge ayuweg fapi Israelites, machane gathi gubin ngiyal’ miyad be fol ku Moses. Steven yoeg ni Moses e boed Yesus Kristus. Got e pi’ Yesus ninga ayuweg e girdii’ Rok’, machene fapi tiyugang’ e dar folgad. Fapi tiyugang’e kar damumuw gad ngak Steven.
Steven nib sug ko fare Kan Thothup, e sap ngalane tharmiy. Me guy Yesus Krisrus nib sak’iy u ta’ben e Chitamngiy nu Tharmiy.
Napan ni yoeg Steven ngak fapi tiyugang’e n’en nike guy, me ri gel e damumuw rorad. Miyad tolul ni ba ga’ lamrad miyad koel Steven. Ere miyad girengiy i yaen nga wuru’ fare binaw.
Miyad tay nga but’ e thal ni wuru’ e mad rorad ngata’ben refrifen ba pummo’on ni Saul fithingan. ma aram miyad pag e malang ku Steven ninge yim’. Saul e ba adag e n’en niyad be rin’. me meybil Steven. Me ning ngak’ Somoel ninge n’agfan rok’ e pi’en ni yad be gafgow nag. Miki ning ngak Someol ninge thapeg e ya’al rok’ nga tharmiy.