Yesus e Golnag Btapigpig ko Ch’an Niga’lingun ko Solthaw—Roman nib ga’lingun e dag e mich rok

Yesus e Golnag Btapigpig ko Ch’an Niga’lingun ko Solthaw

Roman nib ga’lingun e dag e mich rok

Ch’an nib ga’lingun e bay ko solthaw rok.

Ch’an nib ga’lingun e i par u Capernaum, biney ni’i machib Yesus riy. Ir be’ nib ga’lingun ko b’olung i giridi’ ko solthaw.

Luke 7:1–2

Ch’aney e bay ba tapigpig rok nrib roek. Me tapigpig roek e yib bm’ar ngak nib alamrin.

Luke 7:2

Me yoeg e ch’an niga’lingun ngak fapi tiyugang’ ko Jewish ngan gay Yesus.

Amorgon ni gathi ’ir be’ nib Jew, ma’i rung’ag mornga’agean Yesus. Mich u wan’ ni Yesus e bay gelngin ko m’ang’ang. Me yol’oeg girdi’en e Jew nibga’lingun ngar fithed ngak Yesus ko rayog ninge yib nge golnag e tapigpig rok.

Luke 7:3–4

Boech e girdi’ e yoeg ngak Yesus ndabiyan ngatafen e na’un ko ch’anef nib ga’lingun.

Mir yoeged ngak Yesus mornga’agaen e ch’anef nge facha’ nima pigpig ngak. Miyad yoeg ni ch’anem e be’ nib mangil ngak e Jew. Me tabab Yesus i wok ngatafen e ch’anef. U m’on Ni taw ngaram, ma boech e fagar ko ch’anem e rtalaged Yesus. Miyad yoeg Ngak ndabiyog ninge yib ngalane na’un.

Luke 7:4–6

Me yoeg e girdi’ ngak ni ch’an niga’lingun e be yoeg nda’ani bung rogon.

Fapi fage e ryoged ni ch’an niga’lingun e thamiy nda’ani mat’aw rogon ngak Yesus ninge yib nga na’un rok. Mich u wan’ nrayog ninge golnag Yesus e tapigpig rok nib palag!

Luke 7:6–8

Yesus e yoeg ni facha’ niga’lingun e bay e mich rok nib gel.

I falfalaen’ Yesus ngay ko mich rok e ch’anef. Me yoeg ndawri guy e mich ni arogon nib gel.

Luke 7:9

Fare tapigpig ko facha’ niga’lingun e gol.

Napan ni taw e fagar ko facha’ niga’lingun nga tabinaw rok, ma fare tapigpig e bgol. Golnag Yesus, nwoed rogon ni facha’ niga’lingun e mich u wan’ Nra Rin’.

Luke 7:10