Tabolngin I Morngaʼagen
Marngeqgen ea Bin Beqech ea M’ag
Fare yat ku Yesus Kristus nge girdiq Rok niyad belek
Fare Bible ea lʼagrow guruy: bin Kakrom ea Mʼag nge bin Beqech ea Mʼag. Bin Kakrom ea Mʼag ea bay ea yol ko pi profet ni kakrom riy. Boech ea pi profet ney ea yoeloey ni Got ea micheg nira piq reb ea Tathpeg. Ir ea remang Fak Got me thapegdad ko denen nge yamʼ ningeyog ningkud pired ku Got biyay.
Isaiah 53:3–5; Jacob 7:11; Moses 4
Bin Beqech ea M’ag ea be weliy marngeqgen rogon nike buch ea re michmich ney. Be weliy marngeqgen fare gargel ku Yesus Kristus, fare Pagal nifak Got.
Bin Beqech ea M’ag ea kube weliy marngeqgen ea yifos ku Yesus. Ir paer u fidik ea Jews me machib nag ngodad rogon ningad pired meyog nigad suled ko Chitmangdad nu Tharmiy bor rran.
Yesus ea yibliy me pigpig ko girdiq. I ngongliy bugi maqangqang nifan ngorad, ni boed nike golnag ea girdiq nib m’ar me sulweg ea yifos ko girdiq nike yim’.
Me mel’eg Yesus ragag nge l’agrow ko fapi girdiq nima lek ninge mang bugi Apostol. Maki pii’ mat’won raed ni ngar pow’iyed e Galasia Rok’.
Nibchan ea gadad bat’uf Rok, Yesus ea kefek Ngadaken gubin ea pi amith, kirban’ nge denen rodad. Ke yim’ nifan ngodad. Ma, dalip ea rran ngatomren, Me gel ko yam’ nge fos ko yam’! Yesus Kristus ea fos ko yam’ ere bachan Ir, rayog ningad kalngan’gad kopi denen rodad ma gadad fos biyay u tomuren nikad m’ad.
Girdiq nimnang ma ba adag Yesus er yoeloeyed marngeqgen gubin ea pinn’ey. Apostol Rok er yoeloeyed ea babiyor ninge ayweg choenggin ea Galasia ngar gaq niged ea mich rorad ngak Yesus Kristus. Pin’en nikar yoeloeyed ea kan chaqriy nike bukun, ea duw. Chiney ea rayog ningam beqeg u langgin ea bin Beqech ea M’ag mag fil rogon ningam lek Yesus Kristus.