6:

Punoni: Merrni Përgjegjësi dhe Këmbëngulni

Raportoni:Tregojini shkurtimisht grupit diçka që e arritët javën e kaluar ngaqë e përdorët mirë kohën tuaj.

Përsiatni:Përse Ati Qiellor dëshiron që unë të marr përgjegjësi vetjake për jetën time?

Shikoni:“Sedrick’s Journey” [“Udhëtimi i Sedrikut”], në dispozicion te srs.lds.org/videos. (Nuk keni material filmik? Lexoni faqen 17.)

Udhëtimi i Sedrikut

Nëse nuk jeni në gjendje ta shikoni materialin filmik, lexoni këtë tekst.

fotografi nga “Sedrick’s Journey” [“Udhëtimi i Sedrikut”]

Sedriku:Unë quhem Sedrik Kambezabue. Jetoj në Republikën Demokratike të Kongos. Jam anëtar i Kishës SHDM.

Jam misionar dege në fshatin e Kipusangës. Duhet të përgatitem për të shkuar në një mision të huaj. Në mënyrë që të shkoj në një mision, më nevojitet një pasaportë, e cila tani kushton 250 dollarë amerikanë.

Për të fituar para, unë dhe babai im blejmë banane. Disa fshatra prodhojnë shumë banane: Tishabobo, Lusuku dhe Kamanda.

Tishabobo është rreth 14,5 kilometra larg prej këtu. Lusuku është 29 kilometra larg. Edhe Kamanda është 29 kilometra larg. Ne shkojmë atje e blejmë banane dhe i sjellim këtu për t’i shitur.

Për të shkuar nëpër fshatra ne përdorim një biçikletë. Ne mund të marrim katër ose gjashtë tufa banane.

Kur shkoj me biçikletë, një rrugë shkon një orë e gjysmë, nëse biçikleta punon dhe unë kam fuqi. Kur është mesditë dhe i nxehti është mbytës, unë lëviz ngadalë për shkak të të nxehtit dhe diellit.

Mund të bëj dy udhëtime në ditë nëse zgjohem shumë herët në mëngjes. Kjo është një mënyrë e mirë për të ndihmuar në pagimin e pasaportës sime.

Tani po fitoj para, pak e nga pak, ndaj po kursej si për shpenzimet e shkollës edhe të misionit. Dhe tani, pas katër vitesh punë, kam mjaftueshëm para për pasaportën time, plus 70 dollarë të kursyera.

Kthehuni te faqja 16.

Diskutoni:Si mësojmë të vazhdojmë pa u ndalur edhe kur puna është e vështirë?

Lexoni:Doktrina e Besëlidhje 42:42 dhe citimi nga Presidenti Xhejms E. Faust (në të djathtë)

“Mos ji dembel; sepse ai që është dembel nuk duhet të hajë bukën, as duhet të veshë rrobat e punëtorit.”

Doktrina e Besëlidhje 42:42

“Këmbëngulja tregohet me vepra nga ata që … nuk heqin dorë edhe kur të tjerët thonë: ‘Kjo nuk mund të bëhet’.”

James E. Faust, “Perseverance”, Ensign ose Liahona, maj 2005, f. 51

Diskutoni:Lexoni citimin nga Plaku D. Tod Kristoferson (në faqen 17). Përse Zoti pret nga ne që të punojmë për atë që marrim?

“Perëndia e ka projektuar këtë ekzistencë të vdekshme për të kërkuar thuajse një tendosje të përhershme. … Me punë ne mbajmë dhe pasurojmë jetën. … Puna ngre dhe përsos karakterin, krijon bukuri dhe është instrumenti i shërbimit tonë për njëri-tjetrin dhe për Perëndinë. Një jetë e shenjtëruar është e mbushur me punë, ndonjëherë e përsëritur, … ndonjëherë e pavlerësuar, por gjithmonë punë që përmirëson, … ngre [dhe] [synon].”

D. Tod Kristoferson, “Mendime mbi një Jetë të Përkushtuar”, Ensign ose Liahona, nëntor 2010, f. 17

Veprimtari

Hapi 1: Zgjidhni një partner dhe lexojeni së bashku çdo hap në modelin më poshtë.

Hapi 2: Kërkojini njëri‑tjetrit që të flisni rreth një detyre apo sfide shumë të vështirë që personi tjetër po has.

Hapi 3: Ndihmojeni njëri‑tjetrin që t’i zbatoni të katër hapat më poshtë për detyrën apo sfidën e vështirë.

➊ Mbani një Qëndrim Pozitiv	➋ Mbani Mend që të Punoni së Bashku	➌ Zëvendësojeni Frikën me Besim	➍ Shkoni Përpara me Durim e Guxim
Renditini bekimet tuaja.	Kërkojuni ndihmë miqve, bashkëmoshatarëve, anëtarëve të grupit dhe të tjerëve.	Shmangeni dyshimin. Mbajeni mend se Zoti e ka të gjithë fuqinë. Bëjini thirrje Atij dhe pranojeni vullnetin e Tij.	Kurrë, kurrë, kurrë mos hiqni dorë; duroni me besim. Kërkoni për mësime që Zoti mund të jetë duke ju mësuar.

Hapi 4: Shkruani dy ose tri mënyra se si mund të shkoni përpara me besim, duke mirëbesuar se Perëndia do të sigurojë për ju.

Përsiatni:Lexoni citimin nga Presidenti Tomas S. Monson (në të djathtë). Si reagoj unë kur përjetoj dështim?

“Përgjegjësia jonë është të ngrihemi nga mediokriteti te zotësia, nga dështimi tek arritja. Detyra jonë është të bëhemi vetja jonë më e mirë. Një prej dhuratave më të madhërishme të Perëndisë për ne është gëzimi i të provuarit përsëri, sepse asnjë dështim nuk ka pse të jetë përfundimtar.”

Thomas S. Monson, “The Will Within”, Ensign, maj 1987, f. 68

Zotohuni:Zotohuni që t’i bëni veprimet vijuese gjatë javës. Shenjojeni kutinë kur ta përfundoni secilin veprim.

• Zgjidhni diçka që është e vështirë ose e parehatshme dhe përfundojeni detyrën. Shkruajeni më poshtë.

• Tregojani familjes apo miqve tuaj atë që keni mësuar sot rreth punës dhe këmbënguljes.