5:

Përdoreni Kohën me Mençuri

Raportoni:Tregojini shkurtimisht grupit për një bekim që e morët javën e kaluar, ngaqë ishit të bindur.

Përsiatni:Përse koha është një nga dhuratat më të mëdha të Perëndisë?

Shikoni:“The Gift of Time” [“Dhurata e Kohës”], në dispozicion te srs.lds.org/videos. (Nuk keni material filmik? Lexoni faqen 15.)

Dhurata e Kohës

Nëse nuk jeni në gjendje ta shikoni materialin filmik, zgjidhni rolet dhe lexoni këtë tekst.

fotografi nga “The Gift of Time” [“Dhurata e Kohës”]

Kofi: Përshëndetje, motra Benkozi. Si je?

Motra Benkozi: A je mirë, Kofi?

Kofi: O, motra Benkozi. Jam kaq i zënë. Duhet të punoj dhe të shërbej e ta ndihmoj familjen time … dhe pastaj kam edhe futboll. Nuk kam kohë!

Motra B.: Kofi, ti ke gjithë kohën në dispozicion.

Kofi: Çfarë?

Motra B.: Biri im, Perëndia na ka dhënë një dhuratë të madhërishme – kohën tonë. Ne duhet të bëjmë me të atë që ka më shumë rëndësi.

Kofi: Po si, motra Benkozi? Ti gjithnjë ke bërë kaq shumë gjëra. Ia ke dalë mbanë me familjen tënde, me biznesin tënd. Ti u ke shërbyer e ke bekuar shumë njerëz, përfshirë mua. Nuk e di se si ia del.

Motra B.: Dëshiron vërtet ta dish? Nëse do të ulesh e dëgjosh, do të ta tregoj sekretin tim.

Çdo mëngjes unë ngrihem përpara lindjes së diellit. Vishem dhe laj fytyrën e duart e mia.

Lexoj shkrimet e shenjta. Pastaj bëj një listë me ato që duhet të bëj atë ditë.

Mendoj se kujt mund t’i shërbej. Lutem për të ditur vullnetin e Perëndisë. Dhe mbaj vesh.

Ndonjëherë, emrat ose fytyrat e njerëzve më vijnë në mendje. I shtoj ata në listën time.

Kofi: A është kjo mënyra se si ti e di gjithnjë saktësisht se kush ka nevojë për shërbimin tënd?

Motra B.: Po, Kofi. Dhe unë lutem për forcë e urtësi. Lutem që Perëndia ta “shenjtërojë kryerjen t[ime]”. Kjo thuhet te 2 Nefi 32.

Unë e falënderoj Atë. Premtoj se do të bëj më të mirën time. I kërkoj që Ai të bëjë atë që unë nuk mundem.

Pastaj e hedh vështrimin te lista ime. Vë një “1‑sh” pranë gjësë më të rëndësishme, pastaj një “2‑sh”.

Kofi: Nga i di përparësitë?

Motra B.: Unë mbaj vesh kur lutem! Pastaj shkoj të punoj. Vështroj numrin 1 dhe përpiqem ta bëj të parin, pastaj numrin 2.

Ndonjëherë gjërat ndryshojnë. Fryma e Shenjtë më thotë të bëj diçka tjetër. Ajo është gjë e mirë.

Unë punoj shumë fort, por kam paqe. E di se Perëndia do të më ndihmojë.

Prandaj, me listën dhe Shpirtin, unë bëj atë që ka rëndësi, Kofi.

Kofi: Kjo duket e thjeshtë dhe e vështirë në të njëjtën kohë.

Motra B.: Ke të drejtë! Kur më në fund përgatitem për të fjetur, unë lutem. I raportoj Atit Qiellor. I tregoj Atij se si shkoi dita. I bëj pyetje. E pyes se çfarë mund të bëj më mirë. Mbaj vesh. Shpesh e ndiej dashurinë e Tij. E di se Ai e lartëson atë që përpiqem të bëj. Më pas kam paqe, Kofi, dhe fle.

Kofi: Ajo është gjë e mirë, mama Benkozi. Unë e dëshiroj këtë paqe. Dëshiroj ta përdor kohën time. Dëshiroj të punoj e të shërbej më mirë.

Kthehuni te faqja 14.

Diskutoni:Çfarë mësuat nga motra Benkozi?

Lexoni:Alma 34:32 dhe citimi nga Presidenti Brigam Jang (në të djathtë)

“Pasi vini re, kjo jetë është koha për njerëzit që të përgatiten të takohen me Perëndinë; po, vini re, dita e kësaj jete është dita për njerëzit që të kryejnë punët e tyre.”

Alma 34:32

“Koha është gjithë fondi i kapitalit që gjendet këtu në tokë. … Nëse përdoret siç duhet, ai sjell atë çfarë do ta shtojë ngushëllimin, volinë dhe kënaqësinë tuaj. Le ta marrim parasysh këtë e të mos rrimë më ulur duarkryq, duke e çuar kohën dëm.”

Brigham Young, në Discourses of Brigham Young, përzgj. John A. Widtsoe (1954), f. 214

Veprimtari

Hapi 1: Me një partner, lexoni pesë hapat që mund të ndërmerrni çdo ditë për ta përdorur mirë kohën tuaj.

➊ Renditni Detyra	➋ Lutuni	➌ Vendosni Përparësi	➍ Vendosni Synime, Veproni	➎ Raportoni
Çdo mëngjes, bëni një listë me detyrat që duhen bërë. Shtoni emra të njerëzve që duhet t’u shërbeni.	Lutuni për udhërrëfim. Rishikojeni listën tuaj të detyrave. Mbani vesh. Zotohuni për të bërë më të mirën tuaj.	Në listën tuaj të detyrave, vini një “1‑sh” pranë detyrës më të rëndësishme, një “2‑sh” pranë asaj të radhës nga rëndësia e kështu me radhë.	Dëgjoni Shpirtin. Vendosni synime. Punoni fort. Filloni me detyrën më të rëndësishme e vazhdoni deri në fund të listës.	Çdo natë, raportojini Atit Qiellor në lutje. Bëni pyetje. Mbani vesh. Pendohuni. Ndiejeni dashurinë e Tij.

Hapi 2: Në një copë letër të veçantë, renditni detyrat tuaja. Këto duhet të jenë detyra të rëndësishme për punën tuaj, për studimet tuaja, për kishën apo shërbimin familjar – jo vetëm punët e përditshme të shtëpisë. Lutuni rreth listës suaj dhe renditni përparësitë në të.

Hapi 3: Nesër ju duhet të vendosni synime, të veproni dhe të raportoni se si e keni përdorur kohën tuaj.

Zotohuni:Zotohuni që t’i bëni veprimet vijuese gjatë javës. Shenjojeni kutinë kur ta përfundoni secilin veprim:

• Ushtrojini këta hapa çdo ditë për ta përdorur kohën tuaj më me mençuri. Çdo natë, raportojini Atit Qiellor në lutjet tuaja.

• Tregojani familjes apo miqve tuaj atë që keni mësuar sot rreth përdorimit të kohës me mençuri.