3:

Administrojini Paratë

Raportoni:Tregojini shkurtimisht grupit mënyrën se si dita e Shabatit apo Libri i Mormonit e forcuan besimin tuaj javën e kaluar.

Përsiatni:Përse është administrimi i parave kaq i vështirë – dhe kaq i rëndësishëm?

Shikoni:“First Things First!” [“Në Fillim Gjërat e Para”], në dispozicion te srs.lds.org/videos. (Nuk keni material filmik? Lexoni faqen 10.)

Në Fillim Gjërat e Para!

Nëse nuk jeni në gjendje ta shikoni materialin filmik, zgjidhni rolet dhe lexoni këtë tekst.

Mjedisi: Një djalë dhe një vajzë e vogël, të veshur me rroba të rriturish, duke u sjellë si prindërit e tyre.

Djali: Jam në shtëpi, e dashur.

Vajza: Mirë se erdhe në shtëpi. Ua, sa i lodhur që dukesh.

Djali: Edhe ti. Ti punon shumë, apo jo?

Vajza: Epo, na duhet të punojmë, apo jo?

Djali: Fitova 10 [mijë lekë] sot.

Vajza: O, çfarë bekimi. Pra, në fillim gjërat e para! Le ta paguajmë të dhjetën tonë, dakord?

Djali: Por, po sikur të mos kemi mjaftueshëm?

Vajza: Pikërisht atëherë na duhet besim!

Djali: Në rregull. Pra, çfarë vjen pastaj?

Vajza: Epo, do të na duhet të blejmë ushqime, të paguajmë për biletat e autobusit e të paguajmë qiranë. Dhe më pas, do të ishte bukur po të blinim një karrige …

Djali: Por nuk mundemi. E shikon? Nuk kemi para mjaftueshëm.

Vajza: A mund të marrim ca borxh?

Djali: Thonë se borxhi është i rrezikshëm. Ne nuk duam të futemi në telashe.

Vajza: Në rregull. Ke të drejtë. Pra, çfarë duhet të bëjmë me këto?

Djali: Le t’i ruajmë! Nuk i dihet kurrë se çfarë do të ndodhë.

Vajza: Kjo duket e drejtë. Por nuk na mbetet asgjë për t’u dëfryer.

Djali: Ne kemi njëri‑tjetrin! Dhe unë do të përpiqem të fitoj më shumë.

Vajza:Unë do të përpiqem të shpenzoj më pak!

Djali: Në atë mënyrë ne mund të jemi të lumtur – e të mbështetur te vetja!

Vajza: E drejtë! Nuk ishte aq e vështirë. Pse të rriturit e bëjnë kaq të madhe?

Djali: O, ti e di. Kështu janë të rriturit!

Kthehuni te faqja 8.

Diskutoni:Pse duhet të mbajmë shënim se ku shkojnë paratë tona dhe t’i kursejmë ato?

Lexoni:Doktrina e Besëlidhje 104:78 dhe thënia nga Përgatisni Çdo Gjë Të Nevojshme: Financat e Familjes (në të djathtë)

“Dhe përsëri, në të vërtetë unë ju them, lidhur me borxhet tuaja – vini re, është vullneti im që ju duhet t’i paguani të gjitha borxhet tuaja.”

Doktrina e Besëlidhje 104:78

“Paguani të dhjetën dhe ofertat, … shmangni borxhin, … përdorni buxhet, … përcaktoni si t’i pakësoni shpenzimet për gjëra jo të rëndësishme … [dhe] disiplinoni veten për të jetuar brenda planit tuaj buxhetor.”

Përgatisni Çdo Gjë Të Nevojshme: Financat e Familjes (broshurë, 2007), f. 3

Diskutoni:Lexoni për metodën e mbështetjes te vetja rreth administrimit të parave (poshtë). Si mund ta bëjmë këtë një zakon?

Veprimtari

Hapi 1: Individualisht rishikoni shpenzimet tuaja më poshtë.

Si Ndihem rreth Shpenzimeve të Mia?
Kategoria	Shpenzoj tepër pak	Ndihem mirë për shpenzimet e mia	Shpenzoj me tepri
Shembull  Veshje			✓
Ngrënia në restorante
Artikujt ushqimorë
Ushqimet e lehta dhe pijet
Zbavitjet
Strehimi
Shërbimet komunale
Veshjet
Gjëra për shtëpinë
Transporti
Sigurimet
Telefoni
Pagesat e borxhit
E Dhjeta
Dhurimet për bamirësi
Të tjera

Hapi 2: Lexoni citimin nga Plaku Robert D. Hejls (në të djathtë). Diskutoni se si mund t’i zvogëloni shpenzimet në kategoritë ku ju harxhoni shumë para.

“Duket se ka një ndjesi të së drejtës për ta zotëruar diçka në kulturën e sotme. … Kur ngarkohemi me borxhe të tepërta, ne e kemi … vënë veten në një robëri të krijuar nga ne vetë, duke harxhuar gjithë kohën, gjithë energjinë dhe gjithë mjetet tona për shlyerjen e borxheve tona. … Është thelbësore që ne të … hartojmë një plan shpenzimesh dhe kursimesh – një buxhet – dhe të bëjmë dallimin midis dëshirave dhe nevojave.”

Robert D. Hales, “Seek and Attain the Spiritual High Ground in Life” (mbledhje rreth vatrës e Sistemit Arsimor të Kishës, mars 2009), lds.org/media-library

Zotohuni:Zotohuni që t’i bëni veprimet vijuese gjatë javës. Shenjojeni kutinë kur ta përfundoni secilin veprim.

• Mbajini shënim ato që fitoni dhe shpenzoni çdo ditë. Ju mund të përdorni Dokumentin e të Ardhurave dhe Shpenzimeve në faqen 11.

• Tregojani familjes apo miqve tuaj atë që keni mësuar sot rreth administrimit të parave.

Dokumenti i të Ardhurave dhe Shpenzimeve

Shkruani se sa shpenzoni çdo javë. Si do të ishte nëse do të kishit mjaft para për nevojat tuaja?

Sa shpenzoj çdo javë?					Sa më duhen çdo muaj për të qenë i mbështetur te vetja?
	Java 1	Java 2	Java 3	Java 4
Të Ardhurat
Të dhjetat, ofertat
Kursimet
Ushqimi
Strehimi
Shpenzimet mjekësore
Transporti
Shpenzimet e arsimimit
Pagesat e borxhit
Veshjet
Shërbimet komunale
Telefoni
Zbavitjet
Sigurimet
Të tjera
Shpenzimet gjithsej