Lipōtí: Vahevahe hoʻo palakalafi “kāpasa moʻuí” kapau ʻokú ke loto ki ai.
Fakalaulauloto: Ko e hā e ngaahi meʻa ʻoku mahuʻinga taha kiate koé?
Mamataʻi: “Fakahoko ʻa e Meʻa ʻOku Mahuʻinga Tahá (Doing What Matters Most),” maʻu ʻi he srs.lds.org/videos . (ʻIkai ha vitiō? Lau ʻa e peesi 31 .)
Kapau ʻoku ʻikai ke mou lava ʻo mamata ʻi he foʻi vitioó, pea lau ʻa e fakamatala ko ʻení.
ʻĪmisi
mei he Fakahoko ʻa e Meʻa ʻOku Mahuʻinga Tahá pē
Tokotaha Fakamatala : Naʻe tō ha vakapuna ʻi Folōlita ʻi ha pō fakapoʻuli ʻi Tīsema. Naʻe mate ai ha kakai ʻe toko 100 tupu. Naʻe maile pē ʻe 20 mei he feituʻu naʻa nau mei hao aí.
Palesiteni Dieter F. Uchtdorf : Hili e fakatuʻutāmakí, naʻe feinga ʻa e kau fakatotoló ke ʻilo hono tupuʻangá. Naʻe ʻosi tukuange fakalelei hifo pē ʻa e nāunau ia ʻoku tō ʻaki ʻe he vakapuná. Naʻe fakaʻofoʻofa ʻaupito pē ʻa e tafaʻaki fakamīsini ia ʻo e vaká. Naʻe ngāue lelei ʻa e meʻa kotoa pē—tuku kehe pē ha meʻa ʻe taha: ko ha foʻi ʻuhila ʻe taha naʻe pā. Naʻe hanga ʻe he kiʻi foʻi ʻuhila ko iá—ʻa ia ʻoku sēniti nai ʻe 20 hono mahuʻingá—ʻo kamataʻi ha ngaahi meʻa lalahi ne iku ke mole fakamamahi ai ha moʻui ʻa ha kakai ʻe toko 100 tupu.
ʻOku mahino, naʻe ʻikai ko e foʻi ʻuhilá naʻá ne fakatupu ʻa e fakatuʻutāmakí; naʻe hoko ia he naʻe tukutaha e tokanga ʻa e kau ngāué ia ʻi ha meʻa naʻe ʻikai fuʻu mahuʻinga he taimi ko iá, kae ngalo ʻiate kinautolu ʻa e meʻa mahuʻinga tahá.
ʻOku ʻikai ko e kau pailaté pē ʻoku nau faʻa fakahehema ke tukutaha ʻenau tokangá ʻi he ngaahi meʻa ʻoku ʻikai mahuʻingá, kae mole ai e meʻa mahuʻinga angé, he ʻoku hoko ia ki he tokotaha kotoa pē. ʻOku tau ʻi ha tuʻunga fakatuʻutāmaki kotoa pē. … ʻOku tukutaha nai ia ʻi he ngaahi meʻa muna mo laulaunoá pe ko e ngaahi meʻa mahuʻinga tahá?
(“ʻOku Tau Fai ha Ngāue Lahi pea ʻOku ʻIkai Ke Tau Faʻa ʻAlu Hifo,” Ensign pe Liahona, Mē 2009, 59, 60)
Foki ki he peesi 30 .
Aleaʻi: Ko e hā ha ngaahi meʻa taʻe-mahuʻinga ʻokú ne fakatuaiʻi kitautolu mei heʻetau fakalakalaká? ʻE tokoniʻi fēfē kitautolu ʻe he ngaahi ouau ʻo e ongoongoleleí?
Lau: Tokāteline mo e Ngaahi Fuakava 84:20 mo e lea naʻe fai ʻe Palesiteni Boyd K. Packer (ʻi he toʻomataʻú)
“ʻOku fakahā ʻi hono ngaahi ouaú ʻa e mālohi ʻo e anga faka-ʻOtuá.”
Tokāteline mo e Ngaahi Fuakava 84:20
“ʻE tāpuakiʻi kitautolu ʻe he ʻEikí ʻi heʻetau fakahoko ʻa e ngāue ʻo e ouau toputapu ʻo e ngaahi temipalé. ʻE ʻikai fakangatangata e ngaahi tāpuakí ki he ngāue fakatemipalé. ʻE tāpuakiʻi kitautolu ʻi heʻetau ngaahi ngāué kotoa. Te tau lava ai ke maʻu e tokanga ʻa e ʻEikí ki heʻetau ngaahi ngāue fakalaumālié mo fakatuʻasinó fakatouʻosi.
Boyd K. Packer , The Holy Temple (1980), 182
Aleaʻi: Ko e hā ʻoku mahuʻinga ai ke tau moʻui taau mo e temipalé, ʻi heʻetau feinga ke moʻui fakafalala pē kiate kitautolú?
Sitepu 1: Lau mo ha hoa ʻa e lea ʻa ʻEletā Quentin L. Cook (he toʻomataʻú) pea mo e ngaahi potufolofola ko ʻení. Laineʻi ʻa e ngaahi tāpuaki kuo talaʻofa mai maʻanautolu ʻoku lotu ʻi he temipalé?
“ʻE lelei kiate kitautolu kapau te tau ako ʻa e vahe 109 ʻo e Tokāteline mo e Ngaahi Fuakavá pea muimui ki he naʻinaʻi ʻa Palesiteni [Howard W] Hunter ‘ke fokotuʻu ʻa e temipale ʻo e ʻEikí ko e fakaʻilonga maʻongoʻonga ʻo [ʻetau] hoko ko e mēmipá.’”
Quentin L. Cook , “Sio Kiate Koe ʻi he Loto Temipalé,” Ensign pe Liahona, Mē 2016, 99; mei he Ngaahi Akonaki ʻo e Kau Palesiteni ʻo e Siasí: Hauati W. Hanitā (2015),194
“Ko ia, ʻoku fakahā ʻi hono ngaahi ouaú ʻa e mālohi ʻo e anga faka-ʻOtuá” (T&F 84:20
Pea ke nau tupu hake ʻi hoʻo ʻafió, ʻo maʻu ʻa hono kakato ʻo e Laumālie Māʻoniʻoní, pea fokotuʻutuʻu ʻa kinautolu ʻo fakatatau ki hoʻo ngaahi fonó, pea teuteuʻi ʻa kinautolu ke maʻu ʻa e ngaahi meʻa ʻaonga kotoa pē” (T&F 109:15 ).
“Pea ko e taimi ʻe maumau-fono ai ʻa ho kakaí, ha taha pē ʻiate kinautolu, ke nau fakatomala fakatoʻotoʻo pea tafoki mai ki hoʻo ʻafió, ʻo ʻiloʻi ʻa e ʻofa ʻi ho ʻaó, pea fakafoki ʻa kinautolu ki he ngaahi tāpuaki kuó ke tuʻutuʻuni ke lilingi hifo kiate kinautolu ʻe ʻapasia ki hoʻo ʻafió ʻi ho falé” (T&F 109:21 ).
“Pea ʻoku mau kole ki hoʻo ʻAfió, ʻe Tamai Māʻoniʻoni, ke ʻalu atu ʻa hoʻo kau tamaioʻeikí mei he falé ni kuo fakamahafu ʻa kinautolu ʻaki ho mālohí, pea ke ʻiate kinautolu ʻa ho huafá, pea ke takatakai ʻiate kinautolu ʻa ho nāunaú, pea ke tokangaʻi ʻa kinautolu ʻe hoʻo kau ʻāngeló” (T&F 109:22 ).
“ʻOku mau kole ki hoʻo ʻafió, ʻe Tamai Māʻoniʻoni … ke ʻoua naʻa ʻaonga ha mahafu tau kuo ngaohi ke tauʻi ʻa kinautolu” (T&F 109:24–25 ).
Sitepu 2: Fakakaukauloto fakafoʻituitui, “Ko e hā ʻoku fie maʻu ke liliu ʻi heʻeku moʻuí ke toe lahi ange ai ʻeku kau ki he ngaahi ouau ʻo e temipalé?”
Faʻu ha Fakamatala
Tukupā: Tukupā ke fakahoko ʻa e ngaahi ngāue ko ʻení he lolotonga ʻo e uiké. Fakaʻilongaʻi ʻa e kiʻi puhá ʻi he taimi kuó ke fakakakato ai e ngāue takitaha:
Kapau ʻoku ʻi ai haʻo lekomeni temipale, fokotuʻu ha ʻaho ke ke ʻalu ai ki he temipalé.
Kapau ʻoku ʻikai ke ʻi ai haʻo lekomeni temipale, fakataha mo hoʻo pīsopé pe palesiteni faka-koló ke mo talanoa ki ha founga te ke lava ai ke ke teuteu ke maʻu ai hoʻo ngaahi ouau ʻo e temipalé.
Vahevahe e ngaahi meʻa kuó ke ako fekauʻaki mo e ngaahi ouau ʻo e temipalé mo ho fāmilí pe ngaahi kaungāmeʻá.
ʻAlu ki he peesi 32 ʻo toe vakaiʻi hoʻo ngaahi sitepu hokó.