Hokohoko atu ʻi he Ko Hoku Hala ki he Moʻui Fakafalala pē Kiate kitá
-
Lau:Talamonū atu! ʻI he uike ʻe 12 kuo maliu atú naʻá ke fokotuʻu ai ha ngaahi ʻulungaanga foʻou mo ke mouʻi fakafalala lahi ange ai kiate koe. ʻOku fie maʻu koe ʻe he ʻEikí ke hokohoko atu hoʻo ngāueʻi e ngaahi tufakanga ko ʻení mo fakatupulaki ha ngaahi tufakanga foʻou. ʻI heʻetau lotu mo fakafanongó, ʻe lava ke tokoniʻi kitautolu ʻe he Laumālie Maʻoniʻoní ke ʻilo ʻa e ngaahi meʻa ʻoku fiemaʻu ke fakatupulaki ʻi heʻetau moʻuí.
-
Aleaʻi:Ko e hā te tau lava ʻo fai ke hokohoko atu ʻi hotau hala ki he moʻui fakafalala pē kiate kitá. ʻE founga fēfē haʻatau hokohoko atu ke fetokoniʻakí?
-
Tukupā:Tukupā ke fakahoko ʻa e ngaahi ngāue ko ʻení ʻi he uike ʻe 12 ka hoko maí. Fakaʻilongaʻi ʻa e kiʻi puhá ʻi he taimi kuó ke fakakakato ai e ngāué takitaha:
-
Toe vakaiʻi mo hokohoko atu ke moʻui ʻaki e ngaahi tefitoʻi moʻoni ʻe 12 kotoa mo e ngaahi ʻulungaanga ʻo e moʻui fakafalala pē kiate kitá.
-
Vahevahe mo e niʻihi kehé e meʻa kuó ke ako fekauʻaki mo e moʻui fakafalala pē kiate kitá. Hokohoko atu hono tokoniʻi e kau mēmipa ho kulupú pe fokotuʻu ke ke fakahinohinoʻi ha kulupu moʻui fakafalala pē kiate kita foʻou.
-
Langaki hoʻo ngaahi tuʻunga malavá ʻaki haʻo kau atu ki ha kulupu moʻui fakafalala kiate kita ʻe taha.
-
Ako ʻa e ngaahi tefitoʻi moʻoni fakatokāteline ʻo e moʻui fakafalala pē kiate kita ʻi laló.
-
|
Ngaahi Tefitoʻi Moʻoni Faka-Tokāteline ʻo e Moʻui Fakafalala Pē Kiate Kitá | ||
|---|---|---|
|
Ko e moʻui fakafalala pē kiate kitá ko ha fekau ia. |
Ko e taumuʻa ʻa e ʻEikí ke tokonaki maʻa Hono Kāingalotú, pea ʻokú Ne maʻu ʻa e mālohi kotoa pē ke fai ia. |
ʻOku taha pē ʻa e fakatuʻasinó mo e fakalaumālié |
|
Tokāteline mo e Ngaahi Fuakava 104:15; Sione 10:10; Mātiu 28:18; Kolose 2:6–10 | ||