undefined undefined Apendiks 2: Giya alang sa Paghimo og Dugang nga mga Pagbansay sa Kahanas
Mga Calling sa Misyon
Apendiks 2: Giya alang sa Paghimo og Dugang nga mga Pagbansay sa Kahanas

Apendiks 2

Giya alang sa Paghimo og Dugang nga mga Pagbansay sa Kahanas

Samtang maghunahuna ka sa mga panginahanglan niadtong anaa sa imong klase, mahimo nimong ilhon ang usa ka kahanas nga imong gibati nga importante apan wala matubag sa mga materyal sa kurso. Kini nga giya magsilbi nga usa ka sumbanan nga imong magamit sa paghimo og dugang nga mga pagbansay sa kahanas alang sa imong klase.

Mahinungdanong mga Elemento alang sa mga Pagbansay sa Kahanas

Adunay upat ka Elemento nga gilatid alang sa matag pagbansay sa kahanas:(1) paghatag og kahulogan, (2) pagpakita, (3) pagpraktis, ug (4) paggamit. Ang mosunod nga mga giya makatabang nimo aron ilakip kining mahinungdanong mga elemento ngadto sa mga pagbansay sa dugang nga kahanas nga imong gihimo alang sa imong klase.

Hatagi og kahulogan

Ipaila ang kahanas ngadto sa imong klase. Sa pagbuhat niini, ikaw makahimo sa:

  • Pagdapit sa mga tigkat-on sa pagbasa mahitungod sa kahanas nga gihulagway sa Isangyaw ang Akong Ebanghelyo o sa Pag-adjust ngadto sa Misyonaryo nga Kinabuhi.

  • I-summarize ang kahanas sa imong kaugalingon nga mga pulong.

Seguradoha nga dili mogahin og dakong panahon niini nga bahin sa pagbansay sa kahanas. Kini magseguro nga ang mga tigkat-on adunay igong panahon sa pagpraktis.

Ipakita

Human sa paghatag og kahulogan sa kahanas, ipakita sa mga tigkat-on unsaon sa paggamit ang kahanas. Sa pagbuhat niini, ikaw makahimo sa:

  • Ipakita ang kahanas diha sa atubangan sa klase.

  • Pagdapit og usa ka tigkat-on sa pag-andam daan aron ipakita ang kahanas alang sa klase.

  • Paggamit og bidyo nga nagpakita og ehemplo sa usa ka tawo nga nagpakita sa kahanas.

Ipraktis

Hatagi ang mga tigkat-on og panahon sa pagpraktis sa kahanas. Pwede nila kining himoon uban sa mga kapares o sa gagmay nga mga grupo. Kon mahimo, dapita sila sa pagbansay sa makadaghan. Mahimo nimo silang dapiton sa pagpraktis uban sa lain nga kapares o grupo sa matag higayon.

Gamita

Dapita ang mga tigkat-on sa paghimo og plano mahitungod kon unsaon nila sa pagpraktis niini nga kahanas sa gawas sa klase. Ikonsiderar ang pag-follow-up sa umaabot nga mga leksiyon.