Mësimi 20: Shpëtimtari u Shërbeu ‘Dele[ve] të Tjera’ të Tij
Mësimi 20
Shpëtimtari u Shërbeu “Dele[ve] të Tjera” të Tij
Hyrje
Siç dëshmohet te “Krishti i Gjallë: Dëshmia e Apostujve”, Shpëtimtari “shërbeu midis ‘deleve të tjera’ (Gjoni 10:16) në Amerikën e lashtë” (Ensign ose Liahona, prill 2000, f. 3; shih edhe 3 Nefi 11:1–17). Ndërsa e studiojmë analin e Librit të Mormonit për shërbesën e Shpëtimtarit, ne mësojmë se si Ai u shërben dishepujve të Tij në çdo komb dhe kërkon t’i lartësojë dhe ushqejë shpirtërisht një e nga një.
Lexim Konteksti
Ronald A. Rasband, “One by One”, Ensign, nëntor 2000, f. 29–30.
Jezu Krishti u dha mësim judenjve për “dele[t e] tjera” të Tij
Pamja
harta e botës
Shfaqni një glob ose një hartë të botës dhe ftojeni një student të përcaktojë se ku e kreu Jezu Krishti shërbesën e Tij midis judenjve (shteti i kohëve bashkëkohore i Izraelit në Lindjen e Mesme). Kërkojuni studentëve të shkojnë te Gjoni 10 dhe të cekin disa prej vargjeve, duke kërkuar atë që Jezusi dha mësim rreth Vetes dhe marrëdhënies së Tij me ata që e ndjekin. Kërkojuni të raportojnë atë që zbulojnë. (Studentët duhet të raportojnë se Ai është Bariu i Mirë, Ai i njeh delet e Tij, ato e njohin zërin e Tij, Ai i mbledh ato në vathën e Tij e kështu me radhë). Ftojeni një student të lexojë Gjonin 10:14–16 me zë të lartë ndërkohë që klasa e ndjek. Pyetini studentët:
Çfarë tha Shpëtimtari rreth “dele[ve] të tjera” të Tij?
Kush ishin “dele[t e] tjera që i përmendi Jezusi?
Ftoni dy ose tre studentë që të lexojnë me radhë me zë të lartë nga 3 Nefi 15:16–21. Më pas, pyetni:
Çfarë të vërtetash të rëndësishme u nxori në pah Jezusi nefitëve rreth “dele[ve] të tjera” të Tij? (Një e vërtetë është se kur Jezusi u foli judenjve rreth “dele[ve] të tjera” Ai e kishte fjalën për njerëz të tjerë që e ndoqën Atë, përfshirë pasardhësit e Lehit që jetonin në kontinentin amerikan.)
Përse judenjtë në Jeruzalem nuk dinin gjë rreth “dele[ve] të tjera” të Tij?
Tregojini me gisht dy Amerikat dhe më pas ftojini studentët të lexojnë në heshtje 3 Nefi 16:1–3 dhe Mosia 27:30. Pas një kohe të mjaftueshme, pyetni:
Ku tjetër tha Shpëtimtari se do t’ia shfaqte Veten popullit të Tij?
Përse është e rëndësishme të dimë që Shpëtimtari do t’i vizitonte “dele[t] e Tij në kombe të tjera? (Sqaroni që megjithëse Shpëtimtari mund të ketë vizituar njerëz apo kombe të tjera ballë për ballë, më shpesh Shpëtimtari e shfaq Veten e Tij nëpërmjet dhënies së Frymës së Shenjtë. Theksojuani studentëve se nëpërmjet shërbimit ndaj deleve të Tij, Jezusi po ndihmonte për ta përmbushur besëlidhjen e të Atit që t’i mblidhte ata sërish në praninë e Tij.)
Dëshmoni se Jezu Krishti na do të gjithëve dhe do t’ia shfaqë Veten të gjithë atyre që numërohen midis deleve të Tij. Ai kërkon t’i mbledhë gjithë fëmijët e Atit Qiellor, kudo qofshin, për t’i kthyer në praninë e Atit.
Lexoni te 3 Nefi 11:8–17 me zë të lartë dhe ftojini studentët të ndjekin e të përfytyrojnë apo sjellin ndër mend të qenit të pranishëm në tempull në tokën e Bauntifullit. Pasi keni lexuar, pyetini studentët se çfarë u lë më shumë mbresa rreth fjalëve dhe veprimeve të Shpëtimtarit në këto vargje. Si të jetë nevoja, bëni disa ose të gjitha pyetjet e mëposhtme:
Çfarë mendoni se dëshironte Jezu Krishti që të mësonte turma në tempull rreth Tij atë ditë? (Midis të vërtetave të tjera, studentët duhet të përcaktojnë sa vijon: Shpëtimtari u shërben ndjekësve të Tij “një e nga një” [3 Nefi 11:15; shih edhe 3 Nefi 17:21].)
Duke marrë parasysh se kishte rreth 2.500 njerëz në turmë (shih 3 Nefi 17:25), çfarë na mëson ftesa e Shpëtimtarit ndaj çdo njeriu për t’i ndier plagët në brinjët, duart dhe këmbët e Tij rreth interesimit të Tij për çdonjërin prej nesh?
Si gjen zbatim ftesa e Jezu Krishtit tek 3 Nefi 11:14 për secilin prej nesh sot?
Si mendoni se do të ndikoheshit po t’i shihnit e t’i preknit plagët e Shpëtimtarit?
Për një shembull që e ilustron interesin e Zotit për ne më vete, ju mund të jepni përvojën vijuese, siç tregohet nga Plaku Ronald A. Rasband i Presidencës së të Shtatëdhjetëve:
Pamja
Plaku Ronald A. Rasband
“Gjatë muajve të fundit të misionit tonë … , përjetuam një ngjarje që na e mësoi edhe një herë këtë parim të thellë që Zoti e njeh dhe e do secilin prej nesh.
Plaku Nil A. Maksuell po vinte në qytetin e Nju–Jorkut për disa punë të Kishës dhe ne u vumë në dijeni se ai dëshironte të mbante një konferencë misioni. Ne ishim shumë të kënaqur që e kishim këtë mundësi për të dëgjuar nga një prej shërbëtorëve të zgjedhur të Zotit. Mua m’u kërkua të zgjidhja një nga misionarët tanë që të bënte lutjen e hapjes në mbledhje. Mund ta kisha zgjedhur rastësisht një prej misionarëve që të lutej, por ndjeva se duhej të përsiatja e ta përzgjidhja me lutje atë që Zoti do të donte që unë t’ia kërkoja këtë. Ndërsa pashë listën e misionarëve, një emër më bëri përshtypje: Plaku [Elder] Jozef Apia nga Akra në Ganë. Ai ishte i duhuri që ndjeva se Zoti dëshironte të lutej në mbledhje.
Përpara konferencës së misionit, po bëja një intervistë të planifikuar rregullisht me Plakun [Elder] Apia dhe i thashë atij për nxitjen që kisha marrë që ai të lutej. Me mahnitje dhe përulësi në sy ai filloi të qante me ngashërim. Disi i befasuar nga reagimi i tij, fillova t’i thoja se nuk kishte problem dhe se nuk ishte i detyruar të lutej, kur ai më vuri në dijeni se do t’i pëlqente shumë ta bënte lutjen, se emocioni i tij qe shkaktuar nga dashuria që ai ka për Plakun Maksuell. Ai më tha se ky Apostull është shumë i veçantë për shenjtorët në Ganë dhe për vetë familjen e tij. Plaku Maksuell e kishte thirrur atin e tij që të ishte presidenti i distriktit në Akra dhe kishte vulosur nënën dhe babanë e tij në Tempullin e Solt–Lejkut.
“Tani, unë nuk dija asgjë nga ato që sapo rrëfeva rreth këtij misionari apo rreth familjes së tij, por Zoti i dinte dhe e frymëzoi një president misioni në emër të një misionari për t’i dhënë një kujtim sa vetë jeta dhe një përvojë që e ndërton dëshminë” (“One by One”, Ensign, nëntor 2000, f. 29–30).
Jepuni studentëve kohë për t’u rikthyer tek 3 Nefi 11:15–17. Më pas, pyetini:
Kur e keni ndier se Ati Qiellor dhe Jezu Krishti ju njohin personalisht?
Çfarë bëri turma në tempull pas marrjes së dëshmive vetjake e individuale për hyjnueshmërinë e Shpëtimtarit?
Pyetini studentët nëse ndonjërit prej tyre do t’i pëlqente të jepte dëshmi për Shpëtimtarin dhe për dashurinë që kanë ndier për Të. Dëshmoni se, edhe pse nuk i kemi prekur fizikisht duart dhe këmbët e Shpëtimtarit, ai ende na shërben në një mënyrë vetjake. Nxitini studentët të përsiatin se si mund ta falënderojnë Atin Qiellor dhe Jezu Krishtin për dashurinë që ata vetë kanë ndier prej Tyre.
Për t’i ndihmuar studentët t’i dallojnë anët e rëndësishme të shërbesës së Shpëtimtarit mes nefitëve, jepuni disa minuta për të kërkuar te krerët e kapitujve te 3 Nefi 11–28. Kërkojini klasës t’i përcaktojë e t’i hedhë në letër elementet e rëndësishme të shërbesës e Shpëtimtarit mes nefitëve. Teksa studentët po bëjnë kërkime, ecni rrotull dhomës dhe vëzhgojini gjetjet e tyre. Nëse disa nuk po ia dalin të gjejnë përgjigje, nxitini ata të kërkojnë në një prej fragmenteve vijuese (fjalët në kllapa janë vetëm për mësuesin):
3 Nefi 11:19–27 (u dha autoritetin e priftërisë dishepujve të Tij)
3 Nefi 20:24–29 (dha mësim lidhur me besëlidhjen e Atit për ta mbledhur Izraelin)
3 Nefi 23 (urdhëroi që shkrime të caktuara t’iu shtoheshin analeve nefite)
3 Nefi 27:1–10 (urdhëroi që Kisha e Tij të quhej me emrin e Tij)
Pas një kohe të mjaftueshme, ftojini studentët që të tregojnë atë që kanë gjetur në kërkimin e tyre në shkrimet e shenjta. Teksa studentët i shpjegojnë elementet e shërbesës së Shpëtimtarit që ata përcaktuan, merrni parasysh të përdorni disa ose të gjitha pyetjet vijuese për ta çuar më tej diskutimin e klasës:
Çfarë ndikimi mund të ketë pasur kjo anë e shërbesës së Shpëtimtarit te njerëzit?
Pse do të ishte e dobishme ta njihnim e ta studionim atë që Jezu Krishti bëri si udhëheqës apo mësues?
Ftojini studentët ta përsiatin pyetjen vijuese dhe t’i hedhin në letër mendimet e tyre:
Duke marrë parasysh atë që keni studiuar sot, çfarë mendoni se Ati Qiellor dëshiron që ju të bëni për të ndjekur shembullin e Krishtit në mënyrë që t’iu shërbeni atyre përreth jush, përfshirë të huajt, familjen, miqtë apo ata të cilëve u shërbeni në thirrjen tuaj të Kishës?
Përfundoni duke dhënë dëshmi për të vërtetat e dhëna mësim në orën mësimore sot.