Panarbaho

Ang maayong panarbaho usa ka paagi nga ang mga indibidwal makasangkap sa igo nga paagi sa ilang mga kaugalingon ug sa ilang mga pamilya ingon man makagamit sa ilang mga kahanas ug makakaplag og katumanan. Samtang ang pipila nga nagpangita og trabaho tingali wala makatrabaho, ang daghan pang uban nagtrabaho sa kasamtangan apan tingali nangita og mas maayong mga oportunidad, sama sa pag-usab sa kahimtang sa ilang trabaho o sa mas dako nga kinitaan.

Sa bisan unsang hinungdan nganong ang mga tawo mangita og trabaho, ang pagpangita og trabaho posibling lisod, ug si bisan kinsa nga nangita og trabaho posibling makabaton og lahi-lahi nga panginahanglan. Kana nga mga panginahanglan posible nga sa pinansyal, emosyonal, pisikal, o espiritwal. Samtang makigtambayayong ka sa mga tawo nga nagpangita og trabaho, una tinguhaa ang pagsabot niana nga mga panginahanglan, ug dayon giyahi sila ngadto sa mga kapanguhaan nga makatabang nila sa pagpalambo sa padayon nga kalampusan. Ipahayag ang imong gugma alang niadtong imong gikatambayayong, ug tabangi sila nga mobati og paglaum samtang naningkamot sila sa proseso sa pagpangita og trabaho o samtang nagtinguha sila og dugang nga mga oportunidad sa edukasyon o sa kinaugalingong pagpanarbaho.

Magtinguha sa Pagsabot

Kon adunay tawo nga nagpangita og trabaho, una siguroa nga matabangan siya sa pagbati nga nasabtan. Pinakamaayo kining buhaton diha sa one-on-one nga pagsultihanay aron matabangan ang tawo nga mobati og kakomportable ug mas andam nga mopaambit. Sa mainampoong paagi ikonsiderar ang pagpangutana sama sa mosunod pinaagi sa mabination ug sensitibong paagi aron matabangan ka nga mas masabtan ang sitwasyon ug makahibalo sa mga gikinahanglan:

Nahibalo ako nga ang pagpangita og trabaho posibling lisud. Kumusta na man ka? Unsay akong ikatabang?
Unsa ang imong kasamtangan nga sitwasyon sa panarbaho?
Unsa nga mga matang sa mga oportunidad ang imong gitumong?
Unsa nga mga posisyon o trabaho ang imong ganahan?

Tabangi ang Indibidwal

Kon imo nang masabtan ang panginahanglan sa maong tawo alang sa panarbaho, ikonsiderar ang paggamit og pipila sa mosunod nga mga sugyot. Samtang makig-istorya ka kaniya, siguroa ang pagpakita og gugma ug empatiya sama sa buhaton sa Manluluwas. Alang sa giya kon unsay labing maayong paagi sa pagtabang sa mga indibidwal nga nagpangita og trabaho, palihog ribyuha ang artikulo nga “How to Help Someone Looking for a Job [Unsaon sa Pagtabang sa Usa ka Tawo nga Nangita og Trabaho]” agi og dugang sa sulod [content] diha sa ubos.

Pangutan-a sa dili pa mopaambit og impormasyon mahitungod sa pagpangita og trabaho sa maong tawo.

Pagmainampoon sa paghunahuna og ubang mga tawo kinsa tingali mas makatabang sa maong indibidwal nga nangita og trabaho, lakip ang mga miyembro sa ward ug stake.
Ikonsiderar ang pagpangutana sa maong tawo, “Pwede ba nga akong ipaambit kini nga impormasyon ngadto sa uban kinsa tingali adunay maayong mga kontak ug adunay ikasugyot nga mga trabaho alang nimo?”

Ipaambit lamang ang impormasyon nga motugma sa interes sa maong tawo.

Kadaghanan sa mga tawo tuyo nga mangita og tukma nga trabaho, dili kay bisan unsa lang nga trabaho, busa siguroa nga ipaambit lamang ang gisugyot nga mga trabaho ug mga kontak nga haum sa mga tumong sa panarbaho sa maong tawo. Samtang ikaw tingali adunay maayong mga intensyon, ang pagpadala og bisan unsa nga posibling matang sa trabaho sa tinuod pwede nga makahimo sa maong tawo nga mobati nga wala masabti.
Ikonsiderar ang pagbutang og lista sa mga kontak diha sa ward kinsa makahatag og makatabang nga mga koneksyon ngadto sa mga nagpangita og trabaho sa managlahi nga mga industriya ug mga posisyon.

Mokonektar ngadto sa eksperto sa mga kapanguhaan. Ang tawo nga nangita og trabaho sa kasagaran wala maglaum nga ikaw mopakita kanila unsaon sa pagbuhat ang ilang pagpangita og trabaho o mamahimo nga ilang coach sa trabaho. Sa kasagaran, ikaw mas makatabang pinaagi sa pagkonektar sa maong tawo ngadto sa mga kapanguhaan gikan sa mga eksperto sa pagpangita og trabaho.

Ang mga kapanguhaan sa komunidad, mga online video, pagpangita diha sa internet, mga libro, ug kasamtangan nga mga artikulo tanan maayo kaayong mga kapanguhaan alang sa impormasyon sa pagpangita og trabaho.
Kon ang tawo ganahan og usa ka coach sa trabaho, tabangi siya nga makonektar ngadto sa usa ka eksperto alang sa mga teknik sa pagpangita og trabaho. Ang usa ka pagpangita diha sa internet alang sa libre nga coach alang sa pagpangita og trabaho sa kasagaran makatabang kanimo sa pagkakita og mga eksperto kinsa andam nga motabang.
Sa ubang mga dapit, tingali makahimo ka sa pagkonektar alang sa tabang ug sa mga kapanguhaan gikan sa Mga Serbisyo sa Pagpangempleyo [Employment Services] sa Simbahan.
Kon kining mao nga tawo nagsinati og kaluya sa pangisip o sa emosyonal isip resulta sa pagpangita og trabaho, ikonsiderar ang pagkonektar kaniya ngadto sa usa ka therapist o ubang mental health resources [mga kapanguhaan sa kahimsog sa pangisip].

Suportahi ang Pamilya

Ang mga problema sa panarbaho tingali makaapekto sa mga sakop sa pamilya ingon man sa indibidwal. Ang mga sakop sa pamilya tingali magkinahanglan og emosyonal, espiritwal, ug pinansyal nga suporta. Hinumdomi ang pagkasensitibo diha sa managlahi nga mga sitwasyon sa matag pamilya. Pagmatngon sa kalagmitang mga problema sa panginahanglan og kahimsog, sa pangisip ug ikonektar kadtong mga nagkinahanglan ngadto sa propesyonal nga mga kapanguhaan.

Tambagi ang pamilya mahitungod sa ilang pinansyal nga sitwasyon, ug hisgoti ang ilang mga kapanguhaan. Hinumdomi nga daghang miyembro ang magpanuko ug malagmit dili mangayo og pinansyal nga tabang, bisan kon sila nagkinahanglan niini. Pagmahimong sensitibo alang niini, ug ikonsiderar ang pagtanyag og tabang kay sa maghulat nga hangyoon. Ikonsiderar ang pagdangop ngadto sa Finances [Pinansyal] nga kapanguhaaan alang sa tabang.

Gamita ang mga Kapanguhaan sa Ward ug Stake

Ang mga miyembro sa Simbahan mahimo nga makasuporta ug makatabang niadtong mga nagpangita og trabaho. Hinumdomi ang pagpangayo og pagtugot sa dili pa ipaambit kini nga impormasyon mahitungod sa pagpangita og trabaho sa maong tawo. I-refer ang mga miyembro ngadto sa artikulo nga “How to Help Someone Looking for a Job [Unsaon sa Pagtabang ang usa ka Tawo nga Nangita og Trabaho]” aron matabangan sila unsaon sa pagpangalagad ngadto sa tawo nga nagpangita og trabaho.

Alang sa mga indibidwal nga adunay mga babag sa panarbaho (sama sa kakulang og pagbansay, sosyal o emosyonal nga mga problema, o mga kalisud sa pinulongan), tingali nagkinahanglan ka nga mo-access sa dugang nga mga kapanguhaan:

Kon anaa, ang Mga Pagpanambag nga Serbisyo alang sa Kalamboan [Development Counseling Services] makatabang. Kini nga mga serbisyo anaa usab sa Deseret Industries store.
Pangita og makatabang nga mga kapanguhaan diha sa “Disabilities Resources [Mga Kapanguhaan alang sa adunay mga Kakulangan]” diha sa ChurchofJesusChrist.org.

Hibaloi ug awhaga ang paggamit sa lokal nga mga career service organization ug mga kapanguhaan. Ang mga kapanguhaan maglakip sa:

Mga ahensya sa gobyerno ug sa pribado.
Mga educational institution career service center.
Mga NGO (nongovernmental organization).
Mga apprenticeship, internship, o mga on-the-job training nga mga programa.