« សេចក្ដីជំនឿរបស់អគ្គមហេសី » ដំណើររឿងព្រះគម្ពីរមរមន ( ឆ្នាំ ២០២៣ )
« សេចក្ដីជំនឿរបស់អគ្គមហេសី » ដំណើររឿងព្រះគម្ពីរមរមន
សេចក្ដីជំនឿរបស់អគ្គមហេសី
ការស្វែងរកអំណរនៅក្នុងព្រះយេស៊ូវគ្រីស្ទ
អគ្គមហេសីសាសន៍លេមិនបានគ្រងរាជជាមួយនឹងព្រះស្វាមីរបស់ទ្រង់ ស្ដេចឡាម៉ូណៃ ។ ស្ដេចបានសុំសាសន៍នីហ្វៃម្នាក់ ដែលមានឈ្មោះថា អាំម៉ូន ឲ្យបង្រៀនទ្រង់អំពីព្រះអម្ចាស់ ។ ស្ដេចបានជឿលើអ្វីដែលអាំម៉ូនបានទូលទៅទ្រង់ ។ ស្ដេចបានលុតជង្គង់អធិស្ឋាន ហើយបានទូលសូមព្រះអម្ចាស់ឲ្យអភ័យទោសឲ្យទ្រង់ផង ។ នៅពេលទ្រង់អធិស្ឋាន នោះស្ដេចក៏បានដួលទៅលើដី ។ វាមើលទៅហាក់ដូចជាទ្រង់បានសុគតអ៊ីចឹង ។
អ្នកបម្រើរបស់ស្តេចបានលើកទ្រង់ទៅជួបអគ្គមហេសី ។ ពួកគេបានដាក់ទ្រង់នៅលើក្រឡាបន្ទំរបស់ទ្រង់ ។ ទ្រង់បានគង់នៅទីនោះ ហើយមិនកម្រើកអស់រយៈពេលពីរថ្ងៃពីរយប់ ។
នៅអំឡុងពេលនោះ អគ្គមហេសី និងបុត្ររបស់ទ្រង់មានព្រះទ័យក្រៀមក្រំយ៉ាងខ្លាំង ។ ពួកទ្រង់បានគង់នៅជាមួយនឹងស្ដេច ហើយបានព្រះកន្សែងដោយសារទ្រង់ ។ មនុស្សមួយចំនួនបាននិយាយថា គួរតែបញ្ចុះព្រះសពរបស់ស្ដេចទៅ ។ ប៉ុន្ដែអគ្គមហេសីចង់មានបន្ទូលជាមួយអាំម៉ូនជាមុនសិន ។ ទ្រង់បានឮថា លោកមានព្រះចេស្ដារបស់ព្រះ ។ អ្នកបម្រើរបស់អគ្គមហេសីបានសុំឲ្យ អាំម៉ូនមកចូលគាល់អគ្គមហេសី ។
អគ្គមហេសីបានមានបន្ទូលប្រាប់អាំម៉ូនថា ទ្រង់បានឮថា លោកគឺជាព្យាការីរបស់ព្រះ ។ ទ្រង់បានសុំឲ្យ អាំម៉ូនចូលទៅមើលស្ដេច ។ អាំម៉ូនបានដឹងថា ស្ដេចនៅមានព្រះជន្មរស់នៅឡើយ ។ វាគឺជាព្រះចេស្ដារបស់ព្រះ ដែលបានបណ្ដាលឲ្យស្ដេចផ្ទុំដូច្នេះ ។ អាំម៉ូនបានទូលទៅអគ្គមហេសីថា ព្រះស្វាមីរបស់ទ្រង់នឹងតើនឡើងពីក្រឡាបន្ទុំនៅថ្ងៃស្អែក ។
អគ្គមហេសីបានទុកចិត្តលើអាំម៉ូន ហើយបានមានសេចក្ដីជំនឿដ៏ខ្លាំងលើព្រះ ។ ទ្រង់បានជឿថា ព្រះស្វាមីរបស់ទ្រង់នឹងតើនពីក្រឡាបន្ទំនៅថ្ងៃស្អែក ។ អាំម៉ូនបាននិយាយថា ទ្រង់នឹងទទួលបានពរជ័យ ដោយសារតែសេចក្ដីជំនឿដ៏ខ្លាំងរបស់ទ្រង់ ។ លោកបានទូលទៅអគ្គមហេសីថា ទ្រង់មានសេចក្ដីជំនឿខ្លាំងជាងប្រជាជនរបស់ព្រះអង្គទ្រង់ទៅទៀត ។ អគ្គមហេសីបានបន្ដនៅក្បែរ និងមើលថែព្រះស្វាមីរបស់ទ្រង់មួយយប់ទល់ភ្លឺ ។
នៅថ្ងៃបន្ទាប់ ស្ដេចបានតើនពីការបន្ទំ ។ ស្ដេចបានមានបន្ទូលប្រាប់អគ្គមហេសីថា ទ្រង់បានឃើញព្រះយេស៊ូវគ្រីស្ទ ។ អគ្គមហេសី និងស្ដេចបានដឹងថា ព្រះយេស៊ូវស្រឡាញ់ពួកទ្រង់ខ្លាំងប៉ុណ្ណា ហើយពួកទ្រង់បានពោរពេញដោយអំណរ ។