Helaman 1–6

Kinatibuk-ang Pagpasabot

Wala madugay human ang kamatayon nila ni Kapitan Moroni, Helaman, ug sa labaw nga maghuhukom nga si Pahoran, ang mga Nephite nag-antos sa mga sangpotanan sa daghan nga panagbingkil. Ang mga anak nga lalaki ni Helaman, si Nephi ug Lehi, nahinumdom kon sa unsang paagi ang ilang amahan mipahayag nga kadtong kinsa nagtukod sa tukoranan sa ilang mga kinabuhi “diha sa lig-on nga sukaranan sa atong Manunubos” (Helaman 5:12) makabaton og gahom sa pagsukol sa daotan ug magpabiling matinud-anon. Sa dihang ang kangitngit mitabon sa usa ka grupo sa mga daotang Lamanite, sila gitudloan sa paghinulsol ug pagbaton og hugot nga pagtuo ni Jesukristo. Paglabay sa daghang katuigan, samtang gipamub-an ni propeta Mormon ang kasaysayan sa Nephite ug girekord kini ngadto sa mga palid nga bulawan, usahay iyang gitudlo ang importante nga mga kamatuoran gamit ang mga pamahayag sama sa “sa ingon kita nakakita.” Ang mga kamatuoran nga iyang gipatugbaw [highlighted] makatabang kanato sa mga hagit nga atong giatubang karon.

Pangandam sa Pagtudlo

Ang mosunod nga impormasyon naghatag sa mga magtutudlo og mga ideya kon unsa ang kinahanglan nga andamon daan alang sa matag leksiyon.

Helaman 1–4; 6

Timan-i: Ang liyok sa garbo diha sa Basahon ni Mormon gihisgotan diha sa gilatid [outline] nga tun-anan alang sa Helaman 1–6 sa Dali, Sunod Kanako—Alang sa mga Indibidwal ug mga Pamilya: Basahon ni Mormon 2024. Niini nga manwal, ang liyok sa garbo hatagan og gibug-aton diha sa leksiyon sa Helaman 11–12.

Katuyoan sa leksiyon: Kini nga leksiyon makatabang sa mga estudyante nga makasabot sa mga sangpotanan sa panagbingkil ug kon unsaon sa pagpangita og kalinaw diha kang Kristo taliwala sa usa ka gubot nga kalibotan.

• Pagpangandam sa estudyante: Dapita ang mga estudyante sa pag-ampo alang sa usa ka tawo o bahin sa usa ka butang nga nahimong tinubdan sa panagbingkil sa ilang kinabuhi.

• Sulod nga ipakita: Usa ka dayagram sa bula [bubble diagram] aron kopyahon sa mga estudyante diha sa ilang journal

• Bidyo: “Ang Gahom sa Kadasig sa Espirituhanong Paglambo” (17:17; tan-awa gikan sa time code 1:38 hangtod sa 3:31)

• Sugyot sa pagtudlo pinaagi sa videoconference: Mahimong ipakita sa mga estudyante ang ilang nahuman nga mga dayagram sa bula [bubble diagram] ug ang pamahayag sa baroganan nga ilang natino gikan sa ilang pagtuon. Mahimo nila kini pinaagi sa pagkuha og usa ka digital nga hulagway sa ilang dayagram sa bula [bubble diagram] ug ipakita ang ilang screen, o mahimo nilang gunitan ang ilang dayagram atubangan diha sa ilang kamera.

Helaman 3; 6

Katuyoan sa leksiyon: Kini nga leksiyon makatabang sa mga estudyante sa pag-ila sa mga kamatuoran gikan sa mga kasulatan ug sa pag-analisar kon sa unsang paagi kana nga mga kamatuoran makaapekto sa ilang mga kinabuhi.

• Pagpangandam sa estudyante: Dapita ang mga estudyante sa pagpangita og usa o duha ka importante nga mga kamatuoran atol sa ilang personal o pamilya nga pagtuon sa kasulatan. Hangyoa sila nga mangandam sa pagpasabot kon sa unsang paagi sila nakakaplag og makahuloganong kamatuoran diha sa mga kasulatan.

• Sugyot sa pagtudlo pinaagi sa videoconference: Ikonsiderar ang pagdapit sa mga estudyante sa pagpakigbahin diha sa chat sa nagkalainlaing mga baroganan nga ilang makita diha sa Helaman 3 ug Helaman 6.

Helaman 5:1–13

Katuyoan sa leksiyon: Kini nga leksiyon makatabang sa mga estudyante sa pagsugakod sa yawa ug sa pagtukod sa ilang mga tukoranan diha kang Jesukristo.

• Pagpangandam sa estudyante: Dapita ang mga estudyante sa pagbasa sa Helaman 5:12 ug sa pagmarka sa mga pulong o mga hugpong sa mga pulong nga makahuloganon diha kanila. Ikonsiderar usab ang pagdapit sa mga estudyante sa pagsugod sa pagsag-ulo sa tibuok tudling.

• Hulagway: Usa ka hulagway sa Salt Lake Temple

• Mga Bidyo: “Ang Templo ug ang Inyong Espirituwal nga Pundasyon” (18:59; tan-awa gikan sa time code 3:19 hangtod sa 4:26); “Espirituhanong mga Alimpulos” (2:24)

• Sugyot sa pagtudlo pinaagi sa videoconference: Samtang mopakigbahin ang mga estudyante sa mga paagi sa pagtukod sa ilang mga tukoranan diha kang Jesukristo, ikonsiderar ang paggamit sa whiteboard nga feature aron ilista ang ilang mga tubag ug tabangi sila sa pag-analisar sa pipila niini.

Doktrinal nga Kahanas: Helaman 5:12

Katuyoan sa leksiyon: Kini nga leksiyon makatabang sa mga estudyante sa pagsag-ulo sa pakisayran sa doktrinal nga kahanas ug sa mahinungdanon nga hugpong sa mga pulong sa kasulatan sa Heleman 5:12, mapasabot ang doktrina nga gitudlo niini nga tudling, ug magamit ang mga baroganan sa pag-angkon og espirituhanong kahibalo sa tinud-anay nga mga sitwasyon sa kinabuhi.

• Pagpangandam sa estudyante: Dapita ang mga estudyante sa pagpadayon sa pagpaningkamot sa pagsag-ulo sa tibuok tudling sa Helaman 5:12.

• Bidyo: “Si Kristo Nabanhaw: Ang Hugot nga Pagtuo diha Kaniya Makabalhin og mga Bukid” (16:22; tan-awa gikan sa time code 8:42 hangtod sa 9:43)

• Mga Hulagway: Hulagway sa usa ka batan-on nga nagbarog sa usa ka bato

• Mga materyal alang sa mga estudyante: Gagmay nga mga bato, mga ginunting nga papel, papilit, tape, mga lastiko, ug mga pangsulat [markers]

• Sugyot sa pagtudlo pinaagi sa videoconference: Ikonsiderar ang pagbutang sa mga estudyante ngadto sa breakout nga mga group aron hisgotan ang mga baroganan sa pag-angkon og espirituhanong kahibalo. Mahimo nimo silang ibutang sa nagkalainlaing mga grupo alang sa matag baroganan.

Helaman 5:14–52

Katuyoan sa leksiyon: Kini nga leksiyon makatabang sa mga estudyante nga mosalig kang Jesukristo sa pagwagtang sa mga pagbati sa kahadlok ug kangitngit ug pulihan kini sa Iyang kalipay, kalinaw, ug kahayag.

• Pagpangandam sa estudyante: Dapita ang mga estudyante sa pagpamalandong sa mga paagi nga si Jesukristo sama sa kahayag (tan-awa sa Juan 8:12).

• Leksiyon nga naggamit og usa ka butang: Usa ka flashlight

• Sugyot sa pagtudlo pinaagi sa videoconference: Sa pagsugod sa klase, ikonsiderar ang paghisgot kon sa unsang paagi ang maayo nga suga ug dili maayo nga suga makaapekto kon unsa ka maayo nga makita ang mga estudyante diha sa kamera. Mahimo nimong dapiton ang mga estudyante nga pasigaon ang dugang pang mga suga aron matabangan sila nga mas makita sa screen.