faifeautalai o auaunaga o loo galue

Faaaogaina o le Lisifaamaumau o Luitau

Faatonuga

1. Suesue le “Lisi o Luitau” o loo i lalo. O loo talanoaina luitau taitasi i lenei tamaitusi. I autafa o luitau taitasi o loo i ai le vaega o loo talanoaina ai.

2. Filifili se luitau e te fia manao e galue ai. Tusi le luitau i le “Lisifaamaumau o Luitau.” Tusi ai foi ma le aso na amata ai.

3. Sue i le vaega o le tamaitusi lenei o loo i ai fautuaga mo le faatoilaloina o lena luitau.

4. Faitau ia fautuaga o loo i lena vaega. Filifili se tasi pe sili atu o fautuaga o le a aoga ia te oe.

5. Tusi le fautuaga po o fautuaga i le “Lisifaamaumau o Luitau” i lalo o le “Fuafuaga mo le Faaleleia.” Ia tusi ai foi le mea e te manao ia ausia i lalo o le “Taunuuga Faamoemoeina.”

6. Faasoa atu lau fuafuaga i se soa e mafai ona faatuatuaina, e pei o se matua po o se taitai misiona mo auaunaga, ina ia mafai e lea tagata ona fesoasoani ia te oe i lau fuafuaga.

7. I le aluga o le vaiaso e sosoo ai, taumafai e faaaoga ia fautuaga. I aso taitasi, tuu se maka faasa’o i le “Lisifaamaumau o Luitau” e faaalia ai lou alualu i luma.

8. I le faaiuga o le vaiaso, fai se iloiloga o mea na aoga ma mea e lei aoga. Ia tusifaamaumau ai foi lau lava aotelega o lou vaiaso.

9. Fai se tonu pe faaauau pea ona galulue i fautuaga lava e tasi mo se isi vaiaso. E mafai foi ona e filifilia isi fautuaga mo lenei luitau ma galulue ai. A leai afai ua lelei le alualu i luma, e mafai ona e faia se tonu e filifili se isi luitau. Fatufatu se isi “Lisifaamaumau o Luitau” pe a manaomia ai.

Lisi o Luitau

1. Atia’e le Maufetuuna’i i Taimi o le Atuatuvale

   1. Tali atu ma le lelei i le atuatuvale

   2. Tali atu i se “atuatuvale faafuasei”

   3. Fesoasoani atu i isi ua ova le atuatuvale

   4. Taulimaina o se luitau patino

2. Atia’e le Maufetuunai Faaletino

   1. Aoao e galue malosi

   2. Faatumauina o le soifua maloloina ma le malosi

   3. Puleaina o le tiga o le ulu, manava, po o maso

   4. Moe lelei ma le alu e moe i le taimi sa’o

   5. Ala i luga i le taimi sa’o

   6. Aai faatasi ma le aiga

   7. Faaosofiaina e faamalositino

3. Atia’e le Maufetuunai Faalelagona

   1. Fetuunai i lou tofiga fou.

   2. Faatoilaloina o lagona faanoanoa po o le lotovaivai

   3. Faatoilaloina o le lagona o le faitioina o oe lava

   4. Faatoilaloina o le lagona o le popolevale po o le le agavaa

   5. Faatoilaloina o le itaitagofie po o le ita

   6. Faatoilaloina o le lagona e le o faaosofia

   7. Puleaina o lagona feusuai po o le alofa faavalea.

   8. Puleaina o suiga ma fesuiaiga

4. Atia’e le Maufetuunai Faaleagafesootai

   1. Fesootaiga ma isi

   2. Aloese mai lagona tuuatoatasi po o le faaesea

   3. Puleaina o feteenaiga po o faitioga

   4. Galulue lelei faatasi ma taitai

   5. Fesoasoani i isi ia malamalama i le tofiga o lau misiona

5. Atia’e le Maufetuunai Faalemafaufau

   1. Aoaoina o se tofitofiga fou.

   2. Tumau i le faatulagaina o sini ma fuafuaga

   3. Faatoilaloina o le lagona o le le gafatia

6. Atiina Ae o le Malosi Faaleagaga

   1. Faamalosia o lau molimau

   2. Aoao e salamo

   3. Aoao e tatalo ma le faamoemoe moni

   4. Aoao e fiafia i tusitusiga paia

   5. Aoao e faalagolago i le Agaga

Lisifaamaumau o Luitau

Challenge Log