Iesu Keriso ma mamoe

O Ieova o Lou LeoLeo Mamoe o Ia, saunia e Simon Dewey

Vaai mai ia te Au

Manatua, e alofa le Faaola ia te oe. Faalagolago ia te Ia ma Lona mana e faamalolo ai ma togiola ai oe. E i ai se fuafuaga atoatoa a le Atua mo Ana fanau e le atoatoa. O le tala lelei lenei e te faapupula atu i le lalolagi e ala i lou auauna atu ma faataitaiga. Manatua nei folafolaga:

“E moni, e moni, Ou te fai atu ia te oulua, e pei ona ou fai atu i oʼu soo, o le mea e potopoto faatasi ai le toalua po o le toatolu i loʼu igoa, e faatatau i se mea e tasi, faauta, o iina o le a Ou i ai i le lotolotoi o i latou—e faapei lava ona Ou i ai ia te oulua.

“Aua le fefefe e fai mea lelei, … auā o soo se mea e te lua lulu, o lena foi o le a oulua seleseleina; o lea, afai lua te luluina le lelei o le a oulua selesele foi le lelei mo o oulua taui.

“O lea, aua le matatau, le lafu itiiti e; fai mea lelei; ia tuu le lalolagi ma seoli e aufaatasi faasaga mai ia te oulua, auā afai ua lua atiaʼe i luga o laʼu papa, e lē mafai ona latou manumalo.

“Faauta, ou te le tausalaina oulua; o ia i o oulua ala ma aua le toe agasala; ia fai ma le faautauta le galuega na ou poloaiina ai oulua.

“Ia faalagolago ia te au i manatunatuga uma; aua le masalosalo, aua le fefe.

“Matau i manuʼa ua tuia ai loʼu itu, ma tulaga fao foi i oʼu lima ma oʼu vae; ia faamaoni, tausi i aʼu poloaiga, ma o le a oulua mautofi ai i le malo o le lagi” (Mataupu Faavae ma Feagaiga 6:32–37