“Tuufaatasia o le Olaga o le Faifeautalai ma le Le-o-se Faifeautalai,” Fetuunaiga i le Olaga Faafaifeautalai: Tamaitusi o Punaoa (2020)
“Tuufaatasia o le Olaga o le Faifeautalai ma le Le-o-se Faifeautalai,” Fetuunaiga i le Olaga Faafaifeautalai mo Auaunaga
Tuufaatasia o le Olaga o le Faifeautalai ma le Le-o-se Faifeautalai
O se tasi o faamoemoega o se misiona mo auaunaga o le “fesoasoani lea i faifeautalai taitasi mo auaunaga ia sauniuni mo se tautua i le olaga atoa” (“Misiona mo Auaunaga mo Faifeautalai Talavou,” na faapipii i le usi a le Au Peresitene Sili, 16 Nov., 2018). E mafai ona e galue i lea faamoemoega a o e faataunuuina le tofiga o lau auaunaga a o e nofo ai i le fale. O le faia o nei mea e mafai foi ona avea ma luitau i le taimi lava e tasi. O le a manaomia ona e pulea ma le faaeteete ou taimi. A o e auauna atu i lau misiona, o le a e aoaoina foi e fai mea o le a manaomia i le olaga pe a uma le misiona. O le a manaomia ona e faapaleniina lau galuega, aiga, a’oga, lotu, o isi tautua, ma taimi paganoa.
O lau misiona mo auaunaga o le taimi ma le siosiomaga lelei tele lea e atinae ai tomai o le puleaina o taimi. O le a e maua le faatulagaga e maufetuutuunai ai ma le lagolagosua e faailoa ai ma atiina ae au taleni tulaga ese. Ona mafai lea ona e faaaogaina e auauna atu ai i isi.
Fefautuaai ma lou taitai misiona mo auaunaga ma le peresitene o le siteki e uiga i le faatutuina o sini. O le a fesoasoani foi ou taitai ia te oe e faailoa atu au taleni. O le atiina ae o au taleni e tatau ona aofia ai i au sini. O nei sini o se vaega o lau lava fuafuaga e patino ia te oe lava e fesoasoani ia te oe e faapeleni au faamuamua. O le a avea lava oe ma tufuga pule o lau lava fuafuaga. O le a avea ma au lava fuafuaga. Ua faapatino i ou lava malosiaga, taleni, gafatia ile taimi nei, ma faamoemoega ma miti mo le lumanai. E mafai e lau ‘au lagolago ona fautuaina oe ma faamalosiauina oe, ae o filifiliga o au lava ia
Faatasi ai ma lau ‘au lagolago, o le a e faavaeina ni sini e mafai ona ausia pe a maea lau misiona, ma fuafuaga ia taunuu. O tomai e te atiina ae o le a faamanuia ai oe ma isi e le gasologa o totoe o lou olaga. E mafai ona avea oe ma lē e finagalo lou Tama Faalelagi alofa e avea ai oe. O le a fesoasoani foi le Alii ia te oe i lenei faigamalaga mata’ina.
O le aoaoina e faaaoga ma le poto lou taimi, o le a saunia ai oe mo le auaunaga i le olaga atoa. O le a mafai ona e ola i poloaiga aupito sili e lua. O ia poloaiga o le “Alofa atu i le Alii lou Atua ma lou loto atoa, ma lou agaga atoa, ma lou manatu atoa” ma “ia alofa atu i le lua te tuaoi e pei o oe lava ia te oe” (Mataio 22:37, 39).