faifeautalai o loo faia le taoofu Lima Fesoasoani

4. Atia’e le Maufetuunai Faaleagafesootai

O sootaga e mafai ona avea ma se punavai o le atuatuvale ma se punaoa mo le taulimaina o le atuatuvale. Ua faaalia e suesuega e faapea o sootaga maloloina e aoga mo le olaga atoa. O ia sootaga e fesootai i le soifua maloloina lelei o le mafaufau ma le tino. A tatou soona atuatuvale, e mafai ona mafatia ai sootaga. Mafaufau i fautuaga nei mo le fausiaina o sootaga lelei. Tagai foi i le vaega “1. Atia’e le Maufetuunai i Taimi o le Atuatuvale” mo fautuaga faaopoopo.

A. Fesootaiga ma Isi

• Faailoa ma faaaoga ou malosiaga a o e auauna atu. E i ai ou malosiaga e mafai ona fesoasoani ia te oe ia avea ma faifeautalai lelei. Saili musumusuga e fesoasoani ia e malamalama ai i ou malosiaga. O le a fesoasoani le Alii ia te oe e faaaoga nei malosiaga i Lana galuega. Mo se faataitaiga, o nisi tagata fai mai e faamalolosia i latou i le talanoa ma isi. O nisi tagata fai mai e augatata e fai. Ae peitai, o ia ituaiga uma o tagata e mafai ona avea ma ni faifeautalai lelei mo auaunaga. Afai e te le lava talanoa i tagata fou, faifai malie oe ia Ia avea oe o se uo lelei ia i laotu e te iloa lelei. O ou malosiaga atonu o au ‘aitia fatufatua’i, o ou malamalamaga e uiga i tagata, po o lou tomai e fuafua.

• Ia e fia iloa e uiga i isi. Aoao fesili e mafai ona e faaaogaina e faamalosiauina ai isi tagata ia tautatala. Fesili atu i tagata e uiga i a latou galuega, o mea e fiafia i ai, o aiga, po o talafaasolopito patino. Fesili i ai po o a mea e sili ona taua ia i latou, o a mea o loo latou naunau i ai pe o popole i ai. Faalogo mo ni avanoa e molimau atu ai e uiga i se mataupu faavae o le talalelei o le a fitoitonu ia i latou. Taumafai e faaali atu lou fiafia i isi. O se vaega lenei o le uiga o le alofa i ou tuaoi. Ia naunau foi e tali a latou fesili e uiga ia te oe.

• Fai se sini ia masani i se tagata fou se toatasi i aso uma. Faaaoga le igoa o le tagata i le minute muamua e te feiloai ai ma ia. Toe faaaoga pe a faaiu le talanoaga. Tusi i lalo le igoa e fesoasoani ai ia manatua ai.

• Taulai i le fesoasoani i isi. Ia e gauai i manaoga o isi. Ao e faia, o le a e lagonaina lou le manatu tele i ou lava manaoga po o ou le atoatoa (tagai i le Mosaea 2:17).

• Fesili mo se fesoasoani e malamalama ai i isi. E le o tagata uma e lelei i le malamalama i foliga faaalia o isi tagata po o le gagana o le tino. Afai o faigata ona e iloa pe o a lagona o isi tagata, fesili i se tasi e fesoasoani ia te oe.

  o se alii ma le faifeautalai mo auaunaga o loo faatalofa

• Faataga oe lava ia talitonu mautinoa, e tusa lava pe e te le lagonaina. A o i ai Peresitene Gordon B. Hinckley i se misiona, sa fai atu lona tama ia te ia, “Faagalo oe lava ae alu e galue” (i le “Taking the Gospel to Britain,” Ensign, July 1987, 7). E mafai ona aoga lenei fautuaga i faifeautalai uma. Taumafai e faatuatuanai ou popolega pe o faapefea mai oe. Nai lo lena, taulai atu i lou valaauga e auauna atu i isi.

E. Aloese Mai Lagona Tuuatoatasi po o le Faaesea.

• Fai atu ni fesili e aoao ai e uiga i ai. Fesili i isi tagata e uiga i o latou aafiaga ma lagona ina ia e malamalama atili ai ia i latou. Pe a e malamalama i isi tagata, o le a tuuitiitia lou lagona tuuatoatasi.

• Faasoa atu atili. Faasoa atu ou mafaufauga ma lagona i isi. Tatou te lagonaina le tuuatoatasi pe a tatou manatu e le iloa e isi i tatou ma faatauaina.

• Faamalamalama po o le a le uiga o le “tuuatoatasi” ia te oe. Taumafai e faamalamalama po o a lagona, mafaufauga, ma amioga e te lagona ai le tuuatoatasi. Ona taumafai lea e galue ai i nei mea.

• Talanoa i tagata matutua e manatu ane. Faailoa i nei tagata matutua ou lagona. Atonu e i ai ni a latou fautuaga i le mea e mafai ona e faia e aloese ai mai le lagona tuuatoatasi.

  faifeautalai mo auaunaga o loo faaaoga se siaki mo pailate

“O le mea lea, ou uso pele e, ia outou tatalo atu i le Tama ma le malosi atoa o le loto, ina ia faatumulia outou i lenei alofa, lea ua ia faaee mai i luga oi latou uma o e o soo moni o lona Alo, o Iesu Keriso; ina ia mafai ona avea o outou ma atalii o le Atua; a oo ai ina afio mai o ia o le a tatou faapei o ia, ona o le a tatou vaai ia te ia e pei ona i ai o ia, tau ina ia tatou maua lenei faamoemoe, tau ina ia mafai ona faamamaina i tatou e pei lava ona mama o ia.”

Moronae 7:48

I. Puleaina o Feteenaiga po o Faitioga

• Ia faamalamalama atu ma le faaaloalo se mea o loo e atugalu ai. Afai o e atugalu i se amioga a se tasi, ia talanoa ma le faaaloalo i le tagata. Faamalamalama po o le a le mea e te manao e suia, ae aua nei faitioina le amioga a le isi tagata. Afai e te faitio pe ita, e ono faatautee leisi ma le lagolago mai. Mo se faataitaiga, e mafai ona e fai atu, “Ou te matua le fiafia lava i lapisi e tuua i le potu malolo. Ae ou te le fia manao foi ou te faamamaina uma na o au. Ou te le iloa pe mafai faapefea ona faamanatu i tagata uma e vaai a latou lava lapisi.” Po o le, “Ou te popole pe o e ita ia te au pe a e matua filemu lava. E mafai ona e tau mai ia te au se mea o e mafaufau i ai?”

• Fesili i ai mo ni manatu faaalia. Fesili atu i isi mo ni fautuaga pe mafai faapefea ona e faatoilaloina ou vaivaiga. Ia ole atu foi i le Alii e fesoasoani atu ia te oe ia e iloaina ou vaivaiga (tagai i le Eteru 12:27).

• Ia agalelei i isi. Pe a e mafaufau i isi, aloese mai le faia o faamasinoga e le lelei e uiga ia i latou pe avatu i ai ni igoa le lelei. Aua e te taumafai e fai ia e lagonaina e oe lava le fiafia e ala i le mafaufau i faaletonu o isi tagata.

• Taulai i le faaleleia o faafitauli, ae le o tagata. Pe a faia e tagata ni mea e faalavelaveina ai oe, taulai i le faailoa ma foia ia faafitauli na mafua ai, ae le o le faitioina o tagata po o le taumafai e faalelei i latou. Pe a e talanoa i tagata, taumafai e faatumau se leo tutusa e le ita pe mafaufau alofa mo oe laa (tagai i le Efeso 4:29–32).

• Aua nei faaalia sou le fiafia. Faaaoga ia fautuaga mai isi i le tele o le alofa ma le tauagafau ma le agamalie e mafai ona e taulimaina ai. Fai lenei mea tusa lava pe le mafaufau se tagata. Afai e te lagona ua faitioina oe e se tasi, fai atu, “Faafetai mo lou finagalo faaalia. “O le a ou galue i lena mea.”

• Faamalo soo ma auauna atu i isi. Faafetai atu i isi mo mea e te talisapaia, ma ta’u i ai mea o loo latou faia lelei. Vaavaai mo auala e auauna atu ai ma fesoasoani i isi i aso uma.

• Tatalo mo le meaalofa o le alofa mama. Ia faia “ma le malosi atoa o le loto” (Moronae 7:48). Ole atu mo mata e vaai atu ai i isi e pei ona silasila atu i ai le Atua. Faaaofia i au tatalo i latou e teenaina oe ma faatiga ia te oe (tagai i le 3 Nifae 12:44).

faifeautalai o loo talanoa ma le taitai o le Ekalesia

O. Fegalegaleai ma Taitai

• Ia lotomaulalo. O le lotomaualalo o se vaega taua o le aoao gofie ma le naunau ia faaleleia (tagai i le Mataupu Faavae ma Feagaiga 112:10). Fesili atu i ou taitai mo ni fautuaga i ni auala e mafai ai ona faaleleia oe. Ia loto e faaaoga fautuaga mai ia i latou, ma tuu atu ia latou iloaina e mafai ona latou faatuatuaina oe. Faafetai atu i ou taitai mo la latou auaunaga, i se talanoaga pe tusi i ai se tusi.

• Taumafai e avea ma so’o lelei. O nisi tagata e le faatuatuaina tagata o le pulega pe faigata foi ona talia faatonuga. Atonu ua masani i latou i le avea o i latou ma o latou lava pule. O isi atonu e lagonaina le faatautava ma e latou te faigaluega. Faailoa atu i taitai pe afai o e feagai ma nei luitau. Tatalo mo le lotomaualalo ina ia avea ma se tagata lelei e mulimuli i le taitai.

• Tatalo mo ou taitai uma. Tatalo mo ou taitai, aemaise o taitai e i ai ni ou lagona le lelei.

• Ia iloa o tagata soifua foi ia taitai. O nisi taimi tatou te manatu e tatau lava ona sili atu taitai nai lo isi tagata. Afai o lea, atonu tatou te le fiafia ma faitio pe a latou faia ni mea sese. E mafai ona le onosai ia taitai, faaalia ni faamasinoga leaga, ma le malamalama ia i tatou. Afai e te vaaia ni le atoatoa, vaavaai foi mo uiga lelei (tagai i le Mamona 9:31).

• Aoao mai malosiaga o ou taitai. Fai se lisi o uiga auaumama o lou taitai, lea e te manao e faataitai i ai pe a oo i lou taimi e taitai ai.

faifeautalai mo auaunaga o loo fesoasoani i se tagata i le faleteuoloa o epikopo.

U. Fesoasoani i Isi ia Malamalama i le Tofiga o Lau Misiona

• Faamalamalama pe o le a le misiona mo auaunaga. O nisi tagata o le Ekalesia atonu e le malamalama pe o le a le misiona mo auaunaga. E mafai ona e fai atu, “O faifeautalai mo auaunaga e galulue i le Ekalesia po o fale o nuu e oo i le 40 itula i se vaiaso. E i ai a latou tulafono o le misiona ma taiala e ese mai faifeautalai faamisiona. Mo se faataitaiga, o le a ou nofo i le fale. O le a ou auauna atu i le mo le itula i se vaiaso. O le a mafai ona ou auai i le uarota a le au talavou matutua nofofua ma ana gaoioiga i o’u taimi avanoa.”

• Faamalamalama atu ua valaauina oe o se sui o Iesu Keriso ma Lana Ekalesia. O lenei valaauga e tutusa lava ma faifeautalai uma ma e le suia pe a oo ina suia se tofitofiga. Ae o lou tofiga, itula, po o le taimi o le auaunaga e mafai ona suia. Mo se faataitaiga, atonu na toe tofi oe i se misiona mo auaunaga ona o faafitauli tau i le soifua maloloina. E mafai ona e fai atu, “O a’u lava o se faifeautalai. Ae ua toe tofia au i se misiona fou, lea o le a ou taulai atu ai i la’u auaunaga.”

• Faailoa i tagata le mea e te manao ai ma tulaga e te manaomia. Atonu ua faatoa amata lau misiona mo auaunaga. E mafai ona e valaaulia tagata o le uarota e aoao e uiga i mea o loo e faia. Talosagaina i latou ia lagolago atu. Afai na toe tofi oe i lau misiona, e mafai ona e talosagaina ni nai minute i se sauniga a le Aualofa po o le korama a toeaina. Faamalamalama i tagata le suiga o lau misiona ma talosaga mo la latou lagolago Afai ua e tulata i le faaiuga o lau misiona, e mafai ona e fesili atu i isi mo se fesoasoani. Fesili mo se fesoasoani e sue se galuega po o se a’oga pe a fai le fesuiaiga.

Fai mai se faifeautalai na toe suia mai se misiona tala’i i se misiona mo auaunaga: “O lea ua amata ona ou fetuunai i le i ai le fale ma o’u tofitofiga fou. Ua galo ia te au le manaia tele o le avea ai o se faifeautalai ma lo’u fiafia tele i ai. Ou te matua faafetai i le avea ai o se vaega o lenei galuega maoae.”

Elder Scott