“Malamalama i le Atuatuvale,” Fetuunaiga i le Olaga Faafaifeautalai mo Auaunaga: Tamaitusi o Punaoa (2020)
“Malamalama i le Atuatuvale,” Fetuunaiga i le Olaga Faafaifeautalai mo Auaunaga
Malamalama i le Atuatuvale
Atia’e le Maufetuuna’i i Taimi o le Atuatuvale
O aafiaga fou (e pei o le auai i le Ekalesia po o le alu i se aoga fou) e mata’ina. Ae e mafai foi ona e lagona ai le popole. E te le o iloa lelei pe o le a le mea e tupu. I le aluga o taimi e te aoao ai e faafetaia’i nei luitau, ma o le e tuputupu ae ai i le faagasologa. O le fetuutuunai i le atuatuvale i ni ala e mafai ai, e atia’e ai le maufetuunai falelagona.
E leai lava se eseesega ma misiona mo auaunaga. O nisi taimi o se misiona mo auaunaga e pei o se malaga vailiili faaleagaga. E foliga mai o se luitau e mafai ona e taulimaina. E te agai ma le toafimalie i luma ma le faatuatua. O le a e iloa o le tele lava o le polepolevale po o le popole e te oo i ai, e le tumau. E te maua le lototele i le iloaina o le a e fetuutuunai i le taimi. E te tuputupu ae faaleagaga ma maua le avanoa e atia’e ai tomai fou. O ni aafiaga na e fefe ai muamua ua tele ina faigofie ona pulea. E oo foi ina e fiafia i itu o le galuega faafaifeautalai mo auaunaga lea sa lofituina muamua ai. Ia e faalagolago i le Agaga. E te tuputupu ae i le talitonuga mautinoa, ma maua le olioli i lau auaunaga.
Peitai, e i ai isi taimi, atonu lua te fetaiai ai ma faafitauli e lei faamoemoeina. O nisi aafiaga e sili atu ona faigata pe le logoleleia nai lo le mea sa e manatu ai. Atonu e te tau mafaufau pe mafai faapefea ona e manumalo ai. Nai lo le lagonaina o le uunaiga e taumafai, atonu e te oo i le popolevale, maitaitagofie, lelava, po o le lotovaivai. Atonu e te mauaina ni faailoga faaletino e pei o le tiga, manava tata, le mafai ona moe, po o le mai. Atonu e i ai ni faafitauli o le aoaoina po o le fesootai atu i tagata. Atonu e te lagonaina le loto vaivai po o le manao e lafoai.
O Atufola e Fa o le Atuatuvale
O auga o le atuatuvale e pei o ni fuafaailoilo i luma o le laufoe o se taavale. E faamanatu maia ia te oe e faalemu, utu se suauu, pe siaki le afi. E faamanatu maia ia te oe e faatumu lau “tane” faaleagaga ma vaavaai mo ni vaifofo fou. E tusa ai ma le siata o i lalo, a oo ina taulima lelei e faifeautalai le atuatuvale, ua latou i ai i le atufola “lanumeamata”. A oo ina latou popolevale pe ua feagai ma faafitauli, ua latou i ai i le atufola “lanusamasama.” Afai e faaauau pea ona latou lagona le atuatuvale, ua latou i ai i le atufola “lanumoli.” Ma a oo ina latou lagona ua latou le mafai ona galulue ona o le atuatuvale, ua latou i ai i le atufola “lanumumu.”
I le gasologa o lau misiona, atonu e maua ai ni ou aafiaga i tulaga eseese o le atuatuvale i ni taimi eseese. Atonu e te lagonaina le “lanu moli” i le asō ae toe foi atu i le “lanumeamata” a taeao. Ua i ai i lenei tamaitusi ia fautuaga ma meafaigaluega e mafai ona fesoasoani ia te oe e nofo ai—pe toe foi i tua i—le atufola lanumeamata.
|
O Faailo o Lou I Ai i Lenei Atufola |
O Le A le Mea e Fai | ||
|---|---|---|---|
|
Meamata |
Ata aikona o le foliga lanumeamata | O Faailo o Lou I Ai i Lenei Atufola Mautinoa, fiafia Saunia e fetaiai ma luitau Vave ona toe faaleleia ni faigata Fealofani ma ou taitai Lagonaina o le Agaga | O Le A le Mea e Fai O le faataitaiga lenei. O le atufola lenei, o loo e taulimaina ai atuatuvale o aso taitasi i le galuega faafaifeautalai. O loo e aoao ma tuputupu ae foi. Faaauau pea ona galue malosi ma faalagolago i le Alii. |
|
Lanusamasama |
Ata aikona o le foliga samasama o le faalusi. | O Faailo o Lou I Ai i Lenei Atufola Faalii, popole, le mautonu, atuatuvale, le saunia, le mafai ona moe lelei. Faigata ona fegalegaleai lelei ma isi Faigata ona lagonaina le Agaga | O Le A le Mea e Fai O se mea masani le faaalu o sina taimi i le atufola samasama. Ia e agalelei ia te oe lava ia a’o e feagai ma faafitauli. Ia e onosai a o e aoaoina tomai fou, e pei o le magafagafa. O nei tomai o le a fesoasoani ia te oe e te malosi atili ai ma faateleina lou gafatia e auauna atu ai. Faaauau pea ona tatalo ma auauna atu ma le faatuatua. Vaavaai i tusitusiga paia ma lauga o konafesi, ou taitai o le misiona mo auaunaga, ma lenei tamaitusi mo fesoasoaniga. |
|
Lanumoli |
Ata aikona o le foliga lanumoli faauu | O Faailo o Lou I Ai i Lenei Atufola Le Lavā (faaletino ma faalelagona) Gasegase (tiga le manava po o isi auga). Maitaitagofie Matua lotovaivai lava Le mafai ona lagonaina le Agaga | O Le A le Mea e Fai E leai se tasi e fiafia pe a i ai i le atufola lanumoli o le atuatuvale, ae e le o se tulaga tumau lenei. Tatalo mo le taitaiga a o e suesue i tusitusiga paia ma faaaoga ia fautuaga o loo i lenei tamaitusi. Faafesootai lou taitai misiona mo auaunaga pe afai ua e i ai i le atufola lanumoli mo le tolu aso. O le a latou fesoasoani ia te oe. |
|
Lanumumu |
Ata aikona o le foliga le fiafia lanumumu | O Faailo o Lou I Ai i Lenei Atufola Lagona o le lotopopole faifai pea ma le faalii, popolevale, po o le atuatuvale. Lagonaina ua leai se faamoemoe Faigata ona tausami pe moe (e mafai ona taunuu i le gasegase). Lagona le lofituina ma ua le mafai ona faaauau. Lagona e pei ua tuulafoaiina oe e le Atua | O Le A le Mea e Fai Afai ua e i ai i le atufola lea, faafesootai lou taitai misiona mo auaunaga, tagata o le aiga, po o le peresitene o le siteki mo se fesoasoani. Talosaga mo se faamanuiaga faaleperisitua. Faaavanoa se taimi e tusi ai i lau tusi talaaga pe manatunatu loloto i fautuaga o i le tusi lenei. Tatalo e uiga i ai. E mafai ona e talosagaina se malologa mai mea ua e iloa e sili ona faigata e uiga i lou tofiga. Talanoa i ou taitai misiona o auaunaga e fesoasoani e sue ni suiga o auaunaga mo oe. |
E mafai ona avea oe ma auauna aoga a le Alii tusa lava pe o a luitau o iai. Taumafai e faaaoga ia aitia o i le tamaitusi lenei ma agai i luma ma le faatuatua. Mafaufau i le aafiaga o Sister Sochilt Oteo, o le sa galue auauna ile Misiona mo Auaunga a San Diego
“Ina ua amata ona ou galue i Auaunaga Alofa a le Katoliko, sa ou sagisagi fiafia lava ae sa fai si o’u popolevale. Sa talosagaina i matou e fai se vasega e muai aoao ai le faitautusi i tagata fāi mai ma le au sulufa’i. Sa ou lagonaina le leai o so’u agavaa e faiaoga ai i se vasega Igilisi i tagata mai le salafa o le lalolagi.
“Sa leai ni tagata faaliliutusi i le matou vasega, o lea sa utiuti ai ni fesootaiga. Sa ma talanoama Sister Pennock e faaaoga ai ata ma taga e fai i lima. I la’u vasega muamua, sa ou matua fefe! Sa ou matua leiloa se mea a fai. Ae ina ua ou faapotopotoina la’u vasega, sa feganavai se galufafati o le toafilemu ia te a’u.
“Sa ou lagonaina le Agaga o le Alii. Sa faigofie la’u galuega—tautuaina tagata aoga taitasi, o e na tuua mea uma ae o mai i le Iunaite Setete, ma ou fesoasoani ia i latou e aoao e tusi o latou igoa ma faamatalaga masani ma fai se talanoaga amata i le Igilisi.
“Sa matou faaauau pea. Na mavae ni nai masina, sa matou i ai ile Malumalu i San Diego o se vaega o la matou galuega na tofi mai, na matou faalogo ai o talanoa tuafafine e uiga i tagata sulufa’i na o mai i le potu papatiso i lena aso. Na ou matua olioli, o se tasi o i latou na o mai mo papatisoga o se tasi o a matou tagata a’oga talu ai. Matou te lei iloaina ua auai o ia i le Ekalesia.
“Sa tutumu o matou loto ma sa loimata o matou mata ina ua ma iloaina ma Sister Pennock na ma faia le ma vaega o ni faifeautalai mo auaunaga i le faamanuiaina o olaga o a matou tagata a’oga.
Tulaga e Manaomia i le Auaunaga Faafaifeautalai
O le auauna atu “ma o outou loto atoa, mafaufau atoa, manatu atoa, ma le malosi atoa” (Mataupu Faavae ma Feagaiga 4:2) o se valaaulia mai le Alii e manuia ai lou olaga. Ae e le faigofie le galuega faafaifeautalai. O tulaga manaomia o le galuega faafaifeautalai e pa’ū i faavasegaga eseese:
Tulaga Aoao (tagai i le “1. Atia’e le Maufetuuna’i i Taimi o le Atuatuvale”). I le taimi o lau auaunaga faafaifeautalai, e mafai ona e oo i ni suiga se tele ma ni fesuia’iga. O au faiga ua e masani ai i le taulimaina atonu e le aoga lelei i lau misiona. E i ai taimi e te lagona ai le faaletonu ma atonu foi e te fetotoa’i. Atonu e te tau mafaufau pe faapefea ona fesoasoani atu i isi faifeautalai o loo tauivi foi.
Faaletino (tagai i le “2. Atia’e le Maufetuuna’i Faaletino”). Atonu o le a e savali i le tele o taimi o le aso. Atonu o lau galuega e tele ona vaivai ai lou tino. O le fou o le tulaga e oo i ai, e mafai ona faavaivai ma faalelava [tagata].
Faalelagona (tagai i le “3. Atia’e le Maufetuunai Faalelagona”). Atonu e te lagonaina le popole i mea uma e tatau ona e aoaoina pe fai. Atonu e faigata ia te oe ona toamalie. Atonu o le a e ma’i manatu, oo ina lotovaivai, lagona le `iva, po o le lagonaina o le tuuatoatasi.
Faaleagafesootai (tagai i le “4. Atia’e le Maufetuunai Faaleagafesootai”). Atonu e te manaomia ona e vave iloaina tagata fou. E mafai ona e talanoa i tagata ese ma fegalegaleai ma taitai fou i le nofoaga o lau auaunaga.
Aoao e Galue (tagai i le “5. Atia’e le Maufetuunai Faalemafaufau”). Atonu e tatau ona e aoaoina ni tomai fou e faamae’a ai ou tofitofiga. O le a manaomia ona e fuafua ma faafoe au sini. E tatau foi ona e fetuuani i suiga ma foia ituaiga uma o faafitauli mao’i.
Faaleagaga (tagai i le “6. Atiina Ae o le Malosi Faaleagaga”). O le a e falō e faamalosi lau molimau ma aloese mai faaosoosoga. Taumafai malosi ia e lagonaina ma iloa le Agaga. E i ai taimi, o le a manaomia ai ona e talia faasaoga, salamo, ma faafetaia’ia ou vaivaiga ma mea na e tu’itino ai. Ia e lotomaualalo, ma atili faalagolago i le Alii nai lo le taimi muamua. A e faia nei mea, o le a e tuputupu ae ma agaigai i luma.
Fetaiai ma Luitau o Lau Misiona mo Auaunaga
O le tele o luitau o se misiona mo auaunaga e le mafai ona faaitiitia. O le a manaomia ona e aoaoina mea fou. E tatau ona e usitai i tulafono ma ia galulue lelei faatasi ma isi tagata. E tatau ona e faia ma le maelega ia galuega e tofi atu, ma ia tuua lou sone lagolelei ae taumafai mea fou.
Peitai, o le a tele au punaoa o le a fesoasoani ia te oe e foia ai luitau o lau matafaioi fou mo le auaunaga. O le a fesoasoani lenei tamaitusi e te maua ai ma faaaoga nei punaoa. E le gata i lea, manatua le taua o le tatalo, suesue i tusitusiga paia, le taitaiga a le Agaga Paia, ma le fesoasoani atu i isi. O le mea aupito taua e mafai ona e faia o le faalagolago lea i le Faaola ma Lana Togiola. O Ia o le punavai silisili o le taulimaina o atuatuvalega o le olaga o le faifeautalai mo auaunaga.